¹ Mumanyima o mayuwa mahatu, kwa kalile mukiti oshi nawenga mu Kana wa Galileya, no mama wa Jesu kwa kalile. ² Jesu no afundishiwi enji nao aweshile ku mukiti o shinawenga. ³ Apa apwile waine, mama wa Jesu ayepo amba kukwenji, ''kali no waine.'' ⁴ Jesu ayepo amba kukwenji, Mbuyama, ine munakeyela kukwange? shikati shange shishime kukukma.'' ⁵ Mama wenji ayepo amba kwa apika, ''shoshihe eshi amba kukwenu, mushikwame.'' ⁶ Kwa kalile mapoto o mawe okukwana mutanu nathzofoci ao nalihupelanga Majuda pa mikiti thzo, shimweya kukuma pa ma mita eli kutwala mahatu. ⁷ Jesu wa ambile kuko, ''Muyalishe mapoto o meyu no meyu.'' Nehone ayalishile mapoto o meyu kukumisha no pa milomo. ⁸ Nehonne wa tongwelile apika, ''mutundishe imweya no kuitwala kumukulu o kutepa ilya.'' Ne akwamine hengeyo. ⁹ Mukulu okutepa ilya wayuvile a meyu apilukile kukala waine, unone kalimukile oku atundelelile (unone apika ao avetile meyu alimukile). Nehone weshile mukakuyeka ¹⁰ no kuamba ku kwenji, ''Yomuhe munu apunishanga waine o muwa matatekelo ne mumanyima penji apunishe o mumango anu oku anapende. Unone munatuleka waine o muwa kupitela pano.'' ¹¹ Sholiyo shimonisho shenji sho matatekelo akwamine mu Kana wa Galileya, wa monishile kuethsa kwenji mo afundishiwi enji atawile kukwenji. ¹² Mu manyima ei Jesu, no mama wenji, no a minenji, no afundishiwienji athzile ku Kapenauma no kukakala mayuwa o maonye. ¹³ Nehone mukiti wo Paseka thzo Majuda wa kalile pepi, Jesu wa thzile ku Jerusalema. ¹⁴ Wa kawanine akakuulisha ngombe no mangu no mayembe mu tempele, no wa akakucinca mali nao akongomanine mo. ¹⁵ Wakwamine shivanzi no kuacithza mu tempele, kupakako no mangu no ngombe. Wa kwatile mali owa aka kucinca no kuamwaa pa ma tafule wo. ¹⁶ Wa ambile kowa akakuulisha mayembe eci, ''mutundishe ei inu muno. Mushiye kukwama njiyonthza Tata shivaka sho kuhulishela.'' ¹⁷ Afundishiwi enji a yalile ci ya n'oliwile, ''kuhima njiyo thzoye sholiyo ni nyandela.'' ¹⁸ Nehoni Majuda amutawile no kuamba kukwenji, ''Shimonisho mwine otumonisha ngecipo wakwama ei inu?'' ¹⁹ Jesu watawile , ''muumbulule ethzi tempele, nekalo ame henge nithzimanisha mum mayuwa ahatu.'' ²⁰ Majuda ambile, ''ethzi tempele thza umbiwile pa myaka 46, nekalo henge othzimanisha mu mayuwa ahatu?'' ²¹ Unone wa ambile tempele thzo elama yenji. ²² Mu manyima ou apindukile kowa akakufa, afundishiwi enji ayalile ci wa ambile ei inu, ne atawile man'olo no hiamba ei ambile Jesu. ²³ Ou aye akalile ku Jerusalema ku mukiti o Paseka, owangi atawile lithzina lyenji ou a monine imonisho ei na kwama. ²⁴ Unone Jesu kawa kulupelile mukonda wa a limukile wahe, ²⁵ mukonda kahimine yumweya kupa opaki kuthza ko munu, owo alimukile ei yakalile ku munu.