1
Mumanyima Jesu wo kuamba a maywi, wathzile no afundishiwi enji musambwa lyo liviya lyo Kidiloni, oko kwa kalile lipya elyo aye no afundishiwin enji a kengenine.
2
Nekalo Judasi, oyu wa kumuhangela, naye alimukile esho shivaka, mukonda Jesu koliyo ali wanangile no afundishiwi enji.
3
NehoniJudasi, wa pitelelile mbunga thzo mathsole no akulu amweya kuthza ku mapulisita oshokulu no Aalisi, athzile no mayeye,malambine nei yo kulwisha.
4
Nehoni Jesu,ou alimukile ei ya kukwamahala ku kwenji, wathzile kuposho no ku epula, ''Elye mufota?''
5
Amutawile, Jesu wa Nazareta. Jesu ayepo amba kuko, ''Yame.'' Judasi, oyu wa ku mwangela, naye wemanine no mathsole.
6
Ou wa ambile kuko, ''Yame,'' ahukile munyima no kukaliwela.
7
Ayepo wepula kalo, ''Elye mufota?'' Amutawile kalo, ''Jesu wa ku Nazareta.''
8
Jesu watawile, ''Nina mitongwela ci Yame. Ngecipo mwafota yame, mushiye ao athze.''
9
kwa kalile ci aliyalishelele maywi ao ambile: ''Kwao no nipa kwithsa oyu nina yongisha.''
10
Nehoni Simoni Pitolosi, oyu akalile no mwele, wa u punishile no kukakulukisha mupika wo mapulisita oshokulu no kucinuna litwi lyo kushilyo. Lithzina lyou mupika neli Malukuthse.
11
Jesu ayepo amba kwa Pitolosi, ''oushe mwele woye mu ndalo. Kaniloela ku nwena mu nganja ethzi ana nipuTata?''
12
Nehoni ungi wo mathsole no mukulu wo mathsole no akulu o Majuda, akwatile Jesu no ku muanga.
13
Amutwalile tango kwa Anna, oyu akalile ngumweno o Kayafa, oyu akalile mukulu o mapulisita mu mwaka owo.
14
Nekalo Kayafa yoliyo wapile shiamba ku Majuda eci kuli nawa munu yofoci afele mbunga .
15
Simoni Pitolosi ayepo shupwela Jesu, no kukwama mufundishiwi yumweya. Mufundishiwi oyu nalimukiwa ku mupulisita yo shokulu, nekalo waingenine na Jesu ku mutala wa mupulisita yo shokulu;
16
unone Pitolosi waimanine pa shelo pola. Nehoni mufundishiwi yumweya, oyu nalimukiwa ku mupulisita yo shokulu, wathzile pola no kukaamba koyu muka kutateela pa shelo, nokuingenisha Pitolosi mukaci.
17
Nehoni mupika o mbuyama, muka kutateela pa shelo, ayepo amba kwa Pitolosi, ''Kali yowe yumweya wa afundishiwi oyu mukwelume?'' Ayepo amba, ''kali yame.''
18
Nekalo apika no akulu amweya nao emanine oko, nekalo afakalile mulilo, mukonda kwa ombolile nene, nehoni ayotile. Pitolosi naye akalileno, waimanine no kuyota naye.
19
Mupulisita yo shokulu wa mwipulile yo afundishiwi no ilongethsa yenji.
20
Jesu wa mutawile, ''Nina amba yashwemwa mu litunga. Nani longethsanga mu masinagoge no mu tempele oko Majuda aliwanangile pofoci. Kwithsa eshi nani holekanga.
21
Ine munipulela? Muipule awo nayuvu ei nani amba. Mumone, awa anu alimuka ei na ambile.''
22
Ou Jesu wa ambile ei, mukulu yumweya waimanine no kufula Jesu no kuamba, ''ci moliyo mo kutawela mupulisita yoshokulu?''
23
Jesu wa mutawile, ''Ngecipo nina amba shoshimango, mushiambe, unone ngecipo ya shemwa,mwanifulela ine?''
24
Nehoni Anna wa mutumenine oku onangiwa kwa Kayafa mupulisita yoshokulu.
25
Ne Simoni Pitolosi wa imanine koyota mulilo. Anu awopo amba kukwenji, ''kali nowe o mufundishiwi wenji?'' Wakanine no kuamba, ''kali yame.''
26
Yumweya wo apika o mupulisita yo shokulu, oyu akalile mwepwa o mukwelume oyu pitolosi a cinulile litwi lyenji, ayepo amba, ''kanakumonine muya mulipya nenji oyu?''
27
Nehoni Pitolosi wa kanine kalo, popo mwene ndemba ayepo tambeka.
28
Nehoni a mutundishile Jesu kwa Kayafa no ku mutwala kukuta thzo shokulu. Neli mashikushiku, nekalo kaingenine mukuta ci akala oa mango unone atweshe kulya Paseka.
29
Nehoni Pilato wapunenine kuk no kuamba, ''Mulandu mwine muna letela oyu mukwelume?''
30
Atawile no kuamba ku kwenji, Nga oyu mukwelume ka kwamine shoshi mango, Nga katumuletile kukoye.''
31
Pilato ayepo amba kuko, mumushimbe yamwe, no kumupa mulandu kuthza ko milao thzenu.'' Majuda awopo amba ku kwenji, ''kali mulao wetu woku ninga ci munu afe.''
32
A ambile ei ci maywi o Jesu aliyalishelele ao a ambile kumonisha mufelo ou akufa nao.
33
Nehoni Pilato ayepo keya pa kuta kalo no kwisha Jesu no kuamba kukwenji, ''Yowe Fumu wo Majuda?''
34
Jesu ayepo tawa, ''no amba yowe shinda, kwali yumweya ona kutongwela?''
35
Pilato ayepo tawa, ''Kali no Mujuda, ci no Mujuda? Anu oye no mapulisita oshokulu ana kuleta kukwange. Shine eshi okwama.''
36
Jesu ayepo tawa, O fumu wange kali wo pano pashi. Ngecipo nga o fumu wange wopano pashi, nga apika ange a nalu ci napiwa ku Majuda. Unone kalo o fumu wange kali wo pano pashi.''
37
Pilato ayepo amba ku kwenji, ''Yowe fumu nji?'' Jesu ayepo tawa, ''Ona amba ci yame no fumu. Mulivaka elyo nani elekiwa no kukeya pano pashi,no kunaamba yashemwa. Yomuhe oyu oli nawa atelele maywi ange.''
38
Pilato ayepo amba ku kwenji, ''Yashemwane ine?'' Ou wa ambile ei, wathzile pola kalo ku Majuda no ku kaamba kuko, ''kaniwanine mulandu kwoyu mukwelume.
39
Unone muli no mulao ci nipunishe munu yumweya pa mukiti wo Paseka. Nehoni mwafota ci nimipunishele fumu o Majuda?''
40
Nehone akuwile nene no kuamba, ''kali oyu mukwelume unone Banabasi.'' Nekalo Banabasi neli munu o mumango.