¹ Jesu ou na manisha kuamba eyi inu, ayepo kenga kuwilu no kuamba, "Tata, shikati shina kumu, o tethzimishe mwanoye ci naye aku kutethzimishe nowe- ² weci ona mupa maci peulu thzo ihumbiwa yoihe ci akupe moyo wo kukana kupwa ku munu yoihe no mupu. ³ Ou woliyo moyo wo kukana kupwa: Ci a kulimuke Nyambi o shemwa pohuma, naye oyu no tumu, Jesu kilesite. ⁴ Na kutethzimisha pa kaye. Nina manisha shikwama eshi no nipu ci nishi kwame. ⁵ Nehoni, Tata, oni tethzimishe owe oshinda kuthza mu kutethzima nani kupu kaye kuka shimme ku kwamiwa. ⁶ Nina limukisha lithzina lyo ku anu no nipu mu kaye. Shime akala oye kalo ona wapa ame, ne ona tuleka liywi lyange. ⁷ Nehoni alimuka ci yoihe ona nipu yatunda ku koye. ⁸ Mukonda nina wapu maywi wahe no nipu. Ana atambula kalo alimuka ci ya shemwa shime na tundelela ku koye, kalo ana tawa ci shime wani tuma. ⁹ Nawa lombelela. Kani lombelela kaye unone kwawa no nipu, mukonda oye. ¹⁰ Yoihe inu yange nowe yoye,kalo yoye name yange, ne nina tethzimishiwa mo. ¹¹ Kanili kalo mu kaye, unone awa anu oliyo ali mu kaye, ne nakeya ku kaye. Tata shokenu, owa kwate mu lithzina lyoye eli no nipu ici aku kale shinu shofoci weci eli tuli mofoci. ¹² Kuni shili no, shime nawa kwata nawa mu lithzina lyoye, eli no nipu. shime nawa thsilelethza, wahi shinga yofoci nepishiwa kuko, shime mwana wo shiipisho, ci man'olo aku kwanenene. ¹³ Nehoni na keya ku koye, unone na amba eyi inu mu kaye ci aku loelele muku kwamenene mukaci ko. ¹⁴ Nina wapu liywi lyoye, ne kaye kana athzimbi mukonda kali a kaye, weci ame omu nilyele ci kali no muka kaye. ¹⁵ Kani ku lombile ci owa tundishe mu kaye, unone owa kwate nawa kwawa owa mango. ¹⁶ Kali aka kaye, weci ame omu nilyele ci kali no muka kaye. ¹⁷ Owa pake ku loishiwa ka shemwa. Liywi lyoye lyoliyo ushemwa. ¹⁸ Weci eli no nitumu mu kaye, ne honi nina watumu mu kaye. ¹⁹ Mukonda wo nina li loisha no shinda, ci nawo aku li loishe ashinda mu ushemwa. ²⁰ Kani lombela awa pohuma, unone awo aku tawa ku kwange mu maywi o ²¹ ici wahe aku kale shofoci, weci owe, Tata, linange, kalo name n'ili ku koye. Wahe aku kale ku kwetu kuninga kaye kaku tawe ci shime wani tuma. ²² Kutethzima no nipu, nina kuwapa, ci aku kale lyofoci, weci eli tuli mofoci: ²³ Ame kuko, nowe ku kwange- ici aku kwamiwe o kukwamenenena mofoci, ci kaye kaku limuke ci yowe no nitumu ici kalo ona wahimi weci eli ona nihimi. ²⁴ Tata, nafoci awa no nipu ci aka kale nange oku nili, ci akamone kutethzima kwange, kutethzima no nipu mukonda ona nihimi kaye kuka shime kukwamiwa. ²⁵ Tata o mukenu, kaye kana kaku limuka, unone na kulimuka; ne nawa alimuka ci yowe no nitumu. ²⁶ Lithzina lyoye nina lili mukisha kuko, kalo kenge naku lilimukisha ci kuhima no nihimi kwa kukale kuko nawo, ne name kenge naku kala kuko."