¹ Ina miambela eyi eci mwakuwa. ² Kenge akumicithza mu muma Sinagoge oo. Uno shikati shinakumu eci yo muhe munu oyu wa kumipa aku ayale eci akwamena Nyambi. ³ Kenge aku kwama yoihe eyi mukonda kalimukile tata shianga ame. ⁴ Nina miambela eyi enu eci shikati shoo apa shikuma, mwa kuvuluke eci nani miambela yoo. Kana ni miambela eyi enu kumatatekelo, mukonda na ni kala nenu. ⁵ Uno nathza ku kwenji oyu nenitumu, kalo kwithsa kukwenu oyu nipula, wathza kupi? ⁶ Uno mukonda ina miambela eyi enu, wowa una yala mu micima thzenu. ⁷ Uno shemwa na miambela, shilimuwa ku kwenu eci nithze. ne nga kanithzi, muhenga hengi kakwiya ku kwenu, uno nga nathza, kenge na kumi mitumena. ⁸ Apa akwiya, kenge wa kulimuka eci kaye ka nepa ko ommango, ko owa, kalo no katulo- ⁹ ko omango, mukonda kanitawa; ¹⁰ yo owa, mukonda nathza kwa tata, kale ka mwa kunimona; ¹¹ kalo eci ya kuatula, mukonda muendeishi okano kaye ona atuliwa kale. ¹² Nili no yo yingi yo kumiambela, uno kamutwesha kuiyuva pano. ¹³ Uno apa mupepo oshemwa, apo ka kuamba kutunda ku kwenji. Uno kenge akuyamba eyi ayuva, kalo kenge akumitongwela eyi ikeya. ¹⁴ Kenge akumipa, mukonda kenge akushimba ku kwange kalo kenge akushi miambela. ¹⁵ Sho shihe esho ali nasho tata shange. Nehoni, nani amba eci mupepo kenge wa kushimba ku kwange esho nili nasho kalo kenge akushi mitongwela. ¹⁶ Mushikati sho shionye ka mwakumimona, kalo munyima thzo shikati sho shionye kenge mwa kunimona." ¹⁷ Ne wamweya kwa afundishiwi enji aopo aliambela kwa munu na muenjenji, ine eyi amba kukwetu, mushikati sho shionye kamwa kunimona kalo munyima thzo shikati sho shionye kenge mwa kunimona,' kalo, 'mukonda nathza kwa tata'?" ¹⁸ Nehoni aopo amba, "eci mushikati sho shionye" katulimuka eyi amba." ¹⁹ Jesu ayepo mona eci afota kumwipula, kalo ayepo wambela, "Eyi yoliyo mufota kulipula mwafoci, eyo nani amba kuamba eci, mushikati sho shionye kamwa kunimona, kalo mushikati sho shionye kenge mwa kunimona'? ²⁰ Shemwa, shemwa, namiambela, kenge mwa kulila no kutondoka, uno kaye kenge ka kunyanyuka. Kenge mwa kuyula wowa, ambene shinyengo shenu kenge sha kupiluka shiluno. ²¹ Apa mbuyama kushamuluka oli no mushosho mukonda shikati shenji shinakumu,ambene kuna shamuluka kambu, kalo ka vuluka kuya kukola kwenji mukaci ko munyanyu wenji eci munu ona elekiwa mukaye. ²² Ne pano mwalishoshomwa, uno kenge na kumimona kalo, kalo micima thzenu kenge thza ku nyanyuka, kalo kwithsa munu oyu wa kuminyanga munyanyu wenu. ²³ Muliyuwa elyo kamwa kunipula shimweya, shemwa, shemwa, namiambela, kuno na mwalomba shimweya sha tata mu lithzina lyange, kenge akushimipa. ²⁴ Kuleta no lelo mushime kulomba shimweya mulithzina lyange. Mulombe kalo kenge mwa kutambula, eci munyanyu wenu waku yalelele." ²⁵ "Ina miambela eyo ko manguli, uno shikati shakeya apa na kukana kuamba nenu ko manguli, uno kupita kenge na kumiambela po pokenu ya tata. ²⁶ Mulithzina elyo kenge mwa kulomba mulithzina lyange kalo kana kumiambela eci kenge na kumilombela kwa tata, ²⁷ apo tata aye shinda ona mihimi mukonda muna nihimi kalo muna tawa eci natunda kwa Nyambi. ²⁸ Natunda kwa tata, kalo ineya mu kaye, kalo, nashia kaye ne nathza kwa tata." ²⁹ Afundishiwi enji aopo amba, "Mone, pano wamba shiwa ko amba ko manguli. ³⁰ Pano honi twalimuka eci walimuka inu yoyihe, kalo kofota munu kukwipula yo ku kwipula. Mukaci ko eyi, twatawa eci watunda kwa Nyambi. ³¹ Jesu ayepo watawa, "Mwatawa honi? ³² Mumone, shikati shakeya, ee, kalo shimweya, apa mwa kulimwaa, munu no munu athza ku kwenji, ne kalo kenge mwa kunishia nofoci. Kalo keli nofoci mukonda tata oli nange. ³³ Nina miambela eyi enu eci mukale mwa ka kuliyala ku kwange. Kenge mwa kukala no makando, uno mukolope micima, nina twesha kaye."