¹ Mayuwa mutanu na lyofoci paseka kuthzi shime kukwa mahala, Jesu wakeile mu Betania, omu akalile Lazaro, oyu Jesu apindulile kwa afu. ² Ne omo amu kwamelile yqa kulya, no Mareta yoliyo wapile yo kulya. Unone Lazaro wapwile yomweya kowa alile na Jesu pa mesa. ³ Nehoni Maria washimbile mathzi okutula nene, kuna wesha kumaulu a Jesu, no kumu polola na huki. Njiyo thzothzihe kwanukile muwe omahathzi. ⁴ Judasi Isakariota, yumweya wa fundishiwi, oyu wavetekile Jesu, wambile, ⁵ "Ene mukana kuhulisha mahathzi omuwe ouwa paita ihatu yo ma kwacha no kupa ihutu?" ⁶ Ayepo amba eyi, kalici mukonda kana nyungu ihutu, unone mukonda ayepo neli mwithzi. Aye yoliyo mukakutuleka mali kalo atwesha kuithzamo omu ana pakanga. ⁷ Jesu po amba, "Mumutawethze ci atuleke eshi alinasho pa liyuwa lyo kuvumbeka shame. ⁸ Mwakala no ihutu shikati sho shihe. unone kamukala nange shikati shoshihe. ⁹ Apo mbunga thzo thzing thzo ma Juda alifundishile ci Jesu kwa kalile, kalo akeile, kalo pouma kwa Jesu, unone kalo nokunamona Lazaro oyu Jesu apindulile kwa afu. ¹⁰ Akulu wo ma pulisita aliyuvile wahe mokupahela Lazaro; ¹¹ unone mukonda aye ci ungi wo ma Juda athzile no kukalitawa kwa Jesu. ¹² Liyuwa lyahatileko ungi wo mbunga akeile kumukiti. Nehoni owo ayuvile ci Jesu akeya ku Jelusalema, ¹³ aopo ashimba mitai thzo shitondo sho nthzalu athzile no kukaliwana nenji no kukuwelela nene, "Hosana! Fiyauthzi thzo akeya mulithzina lya Fumu, Fumu wa Isilaele." ¹⁴ Jesu wawanine kakambe kakahonye no kukakala; aci kuna n'oleliwa, ¹⁵ "Lelo mwayapa, mwana Sione; omone, Fumu wenu akeya, ona kala pa kakambe." ¹⁶ Afundishiwi kayuvishishsile ayo inu pama tatekelo, unone Jesu oyu ou athzinekilwe, ayalile ci eyi inu yoliyo ya n'olile aye ci henge yaku kwamahala ei inu kukwenji. ¹⁷ Nehoni ungi ayuvishishile ci akalile nenji aye ou aishile Lazaro kutunda mumbumbo no kumu pindula kwa kakufa. ¹⁸ Ne sholiyo shaletile ungi wo mbunga ci athze no kukaliwana nenji, mukonda ci ayuvile ci waningile imonisha. ¹⁹ Afalisi unone ambile kuko ashinda, "Mukenge, shai mutwesha kukwama; mumone, kaye kanathzi munyima thzenji." ²⁰ Nehoni magerike amweya ao athzile nawo akalombelile kumukiti. ²¹ Ao athzile kwa Filipi, owo wa tundile Betsaida wa Galileya, no kumuhipula, wa ambile, "tata, twafota kumona Jesu." ²² Filipi wathzile kutongwela Andriasi; Andriasi wathzile na Filipi, no kutongwela Jesu. ²³ Jesu wawa tawile no kuamba, "Shikati shina kumu mwana munu ci athzinekiwe. ²⁴ Yashemwa, shemwa, na amba kukwenu, hime nona thzo mavu thzawela mukaye no kufa, enge thzi shiyala thzo foci, unone ngeci thzife, kenge thzima nene. ²⁵ Oyu hima wuyoye wenji enge upwa, unone oyu nakana kuima moyo wenji pano pashi henge alitulekela moyo okukana kupwa. ²⁶ Omuhe oni kwamena, mumushiye anishupwele; noku nikakala, napika ange aka kaleko. Omuhe oni kwamena, no tata enge amukwamena. ²⁷ Ne mupepo wange wakala muukalu ne kalo ngepi ni amba? 'Tata, nikwathse mushikati shi'? unone mulivakeli nanikkeya mushikati eshi. ²⁸ Tata, othzineke lithzina lyoye. "Nehoni liywi lya tundelile kuwilu no kuamba, "Nalithzinekile kalo nalithzineka." ²⁹ Nehoni ungi wo mbunga ao aimonine kuya ou ayuvile ei ambile ci livuma. Amweya no kuamba, "Ci lingeloi lina amba kukwenji." ³⁰ Jesu wawa tatawile no kuamba, "Ci eli liywi kali kehile kukwange, unone kukwenu. ³¹ Nepone kuatulelwa kokano kaye: unone muendishi okaye enge akonjiwa. ³² Owo nakuthzinekiwa kutunda pano pashi, henge nakukokela wae kukwange." ³³ Aye wambile eyi kumonisha mufelo akufa. ³⁴ Mbunga thza mutawile, "Tunayuvu kumilao ci kilesite henge akukala kokuna kupwa. mwatwesha kuamba ngepi, mwana munu aloela kuthzinekiwa'? Yupi oyu mwana munu?" ³⁵ Jesu ayepo amba kuko, "Liyeye lishili nenu pashikati sho shihonye. Muende pano muli no liyeye, unone ci lele milema thza miwana. Yo muenda mumilema kalimuka oku athza. ³⁶ Kumuli no liyeye, mutawe kuliyeye ci muishiwe ana amayeye. "Jesu owo ambile ei inu nekalo wathzile no kuliholeka kuko. ³⁸ Unone Jesu wakwamine imonisho ingi kuko uno awo katawile kukwenji ³⁷ eci liywi lyo mupolofita Isaya ci liyalisheliwe, eli ambile: "Fumu, elye oyo natawa yamba yetu, no kwaliye oko lyoko lya Fumu kulina limukishiwiwe?" ³⁹ mulivakeli katwesha kutawa, ci Isaya eli ambile, ⁴⁰ "Aye wa thzimine meho wo, no kukolopisha micima thzo, ci lelo amona kumeho wo, ci lelo ayuvishisha no micima thzo, no kushiluka, kalo enge na polisha." ⁴¹ Isaya wambile ei inu mukonda wamonine ukenu wa Jesu no kuamba yenji. ⁴² Unone hanga hengeyo, ungi waendishi alitawile kwa Jesu; unone mukonda wa Afalisi, awo kaimbile omango wo ci lelo akanishiwa mu Sinagoge. ⁴³ Aimine uwa watundelelile kwa anu kupita awa watundelelile kwa Nyambi. ⁴⁴ Jesu wakuwelelile kuamba, "Yomuhe litawa kukwange, kulitawa kwenji keli kwange lika unone noyu nanitumu. ⁴⁵ Noyu namono yame onamono oyu nanitumu. ⁴⁶ Nina keye ci liyeye mulitunga, ci yomuhe litawa kukkwwange lelo ashiyala mumilema. ⁴⁷ Yo mue nayuvu ange unone katulekile, ame kani muhatula; mukonda kanikeile kuna hatula kaye, unone kuna yoisha litunga. ⁴⁸ Yomue nikana noyu nakana kutambula maywi ange, akala noyu mukakuhatula. Liywi eli ina amba lyo liyu lya kumuhatula kumatunwelo. ⁴⁹ Unone ame kani ambile yame no shinda, unone tata yoliyo nanitumu, oyu nanatambeka ukolo okuamba nei ni twesha kuamba. ⁵⁰ Ina limuka ci ukolo wenji moyo okukana kupwa, ci ina amba-eci omu Tata anai ambela ku kwange, nehoni na amba.