¹ Apo mukiti o paseka kushime kutateka. Jesu ayepo limuka eci shikati shina kumu sho kushiya litunga kuthza kwa tata. Mukuhima anu enji awo ali mulitunga, ayepo wa hima nene kumanenena. ² Ne Satana ayepo wingena mu mucima wa Judas Isakariota mwana Simoni, kuomba Jesu. Ne kwalya shima yo mulalelo, ³ Jesu mukulimuka eci tatawenji napaka inu yo yihe mumoko enji kalo atunda kwa Nyambi kalo ahuka kwa Nyambi- ⁴ ayepo tundamo no kutundisha shito shenji. Ne ayepo shimba shito kushilianga mu mutwi. ⁵ Ne ayepo mwaela meyu mulilonga ayepo hupa kummaulu afundishiwi enji kalo ayepo polola meyu kumaulu oo no shito shenji. ⁶ Ayepo kuma kwa Simoni Pitolosi, ne Pitolosi ayepo muambela, "Fumu, kenge oni hupa kumaulu?" ⁷ Jesu ayepo mutawa no kumu ambela, "Eyi ni kwama koiyuvu pano, uno kenge waku iyuva shiwa." ⁸ Pitolosi ayepo muambela, "Ko hupa maulu ange." Jesu ayepo mutawa, "Nga kumona kani kuhupu, koli nange." ⁹ Simoni Pitolosi ayepo muambela, "Fumu, wanihupa kumaulu pohuma, uno no moko kalo no kumutwi." ¹⁰ Jesu ayepo muambela, "Kalo oyu nali hupu kaloela, kalo hime kuhupa maulu enji, ona kene shemwa; ona keke, uno kali wahe anu." ¹¹ (Apa Jesu walimukile oyu muomba, nga apo ambile eci "Kali mwahe munakene.") ¹² Ne apa Jesu amanine kuwahupa kumaulu ayepo shimba shito shenji no kukala pashi kalo, ayepo wa ambela, "Muna iyuvunawa eyi ina mikwamena? ¹³ Mwaha nisha 'Mufundishi' kalo eci 'Fumu' kalo mwa amba shiwa, mukonda yame. ¹⁴ Nga kumona yame, Fumu kalo mufundishi, nina hupu maulu enu, mwa loela kalo namwe kuhupa munu-namu enjenji ku maulu. ¹⁵ Apo nina nimosha likun'wa eci namwe mukwame eci eli nina kwama ku kwenu. ¹⁶ Shemwa, shemwa, namiambela, mupika kapiti n'athsile wenji nji shianga munu ana tumu kapiti oyu na mutumu. ¹⁷ Nga munalimuka eyi inu, muli nofiyauthzi nga mwaikwama. ¹⁸ Kani ambelile mwaheno, nina limuka awa ninahangula -uno eci lin'olo itendahale: oyu ni nali nenjieshima ona nishiti mukumba. ¹⁹ Namiambela pano kuishime kutendahala eci apa ya kutendahala, mwakutawe eci yame. ²⁰ Shemwa, shemwa, namiambela, yomuhe wa kutambula oyu ina tumu ona nitambula, kalo oyu nitambula ona tambula oyu nanitumu." ²¹ Apo Jesu kuamba kengeyo, ayepo kala no shituku -tuku mu mupepo, ayepo amba, "Shemwa, shemwa, namiambela eci yumweya mukaci kenu kenge aniomba." ²² Afundishiwi aopo alikenga wahe, kukomoka eci elye oyu amba. ²³ Yumweya, oyu ahimine Jesu, ayepo lala kuyendamena kwa Jesu. ²⁴ Simoni pitolosi ayepo lapethsa oyu mufundishiwi no kuamba, "Omwipule eci elye oyu amba." ²⁵ Nehoni ayepo kotamena mumbando thza Jesu no kumuambela, "Fumu, elye?" ²⁶ Ne Jesu ayepo tawa, "Oyu nakupa shimutu sho shima sho kwelela." Ne apa anamana kwelela shimutu sho shima, ayepo shipa kwa Judas mwana Simoni Isikariota. ²⁷ Munyima thzo eshima, Satani ayyepo wingena ku kwenji, ne Jesu ayepo muambela, "Esho kwama oshikwama wangu." ²⁸ Ne koawa nali nenji ku methsa kwithsa oyu nalimuka eci ine eyi anamba ku kwenji. ²⁹ Wamweya aopo anekela eci, mukumona eci Judas yoliyo mukwa kutuleka shikwama sho mali, Jesu amuambela eci, "Oule eyi tufota kumukiti," nji shianga kupa shimweya kuihutu. ³⁰ Judasi eihe amana kutambula shimutu sho eshima, ayepo punena pola popo. Apo oshiku. ³¹ Judasi kunathzi, Jesu ayepo amba, "Pano mwana munu ona shangaliwa, kalo Nyambi ona shangaliwa mukaci kenji. ³² Nga Nyambi ashangaliwa mukaci kenji, Nyambi kalo kenge kushangala mwana mukaci kenji, kalo kenge akumushangala wangu. ³³ Aminange, nili nenu mushikati shoshonye. Kenge mwaku nifota, kalo eci eli naniamba ku ma Juda, 'Oku nithza, kamu keya. 'Ne namba kalomeshi ku kwenu. ³⁴ Namipa mulao omupwa, eci mulihime, eci eli nina mihimi, ne namwe mulihime munu na muenjenji. ³⁵ Eshi anu wahe kenge akulimuka eci mwa afundishiwi ange, apo mwa kulihima munu na muenjenji." ³⁶ Simoni Pitolosi ayepo muembela, "Fumu, wathza kupi?" Jesu ayepo tawa, "Omu nithza, kotwesha kunishupwela pano, kenge wa kunishupwela nawa." ³⁷ Pitolosi ayepo muambela eci, "Fumu, ine nga nika na ku kushupwela pano? Kenge nilihupwela moyo wange mukaci koe. ³⁸ Jesu ayepo tawa, kenge wakulihupwela moyo woe mukaci kange? "Shemwa, shemwa, namiambela, n'ombwe kushime kwiia kenge wa kunikana luhatu.