¹ Chachitika bolya nikwaita chiindi Jesowakatalika kuya bweenda ukuzhinguluka minzhi mikando u mishoonto, kuya bukambauka makani mabotu a bwami bwa Leza. Bali ikumi u bobilekabali aze, ² alimwi u bamakaintu bamwi bakakushiwa myoza mibiyabi ukuponyewa ku malwazhi: Maliya wakutewa Magadalena, wakakushiwa myoza mibiyabi ili chiloba; ³ Jowana, mwinakwe Chuza, musebezhi mukando wa Heloda; Susanna; u bamwi banji banji, balo, kuvwa mumbono shabo, kabayovwelezha shakuzandika kwabo. ⁴ Inzho bantu niba kakubungene, alimwi bantu kabeza kwakwe kuvwa mu nkambe yezhi iimwi, wakabashimwina kambyo: ⁵ ''Mulimi wakaya kuminza imbuto yakwe. Nakashanga, imwi yakawila kumbali anzhila ukulyataukwa umatende, imwi bazuni bamwizeulu bakeelya. ⁶ Imwi yakawila ebwe, niti ikatalike kukomena, yakazuma, nkaambo kakwiina mushiwe. ⁷ Shimwi shakawila ameya, meya akakomenena antoomwi ushishango ubobo akashiyasa. ⁸ Pele shimwi shakawila mwivu ibotu ukuzhala michelo shavula shaba mwaanda.'' Jeso nakamanizha kwamba sheshi shintu, wakapozomoka ati, ''Kufumbwa wezo ukwete matwi akutelela, natelele.'' ⁹ Bashichiiya bakwe bakamubuzha mbukamba kambyo kaka. ¹⁰ Wakabambila ati, ''Umwe mwakapewa luzhibo lwamaseseke a bwami bwa Leza, pele kuli bamwi ndaamba mutwaambyo, kwaamba 'kubona bakubona pele batakubonesha, kutelela batakutelelesha.' ¹¹ Inzho mbubolya mbukamba kambyo: Imbuto ndizwi lya Leza. ¹² Yezho imbuto yakawila munzhila mbubabo balitelela izwi lya Leza, amana satani weza walikusha izwi mu myozo yabo kwaamba batashomi ukufutulwa. ¹³ Yezho ili ebwe mbubabo, balitelela izwi, balalitambula ukubotelwa. Pele baina mizanda; balashoma chiindi chishoonto, muchiindi cha masunko balawa. ¹⁴ Imbuto yezho yakawila ameya mbubabo bantu balitelela izwi, pele mumona mubaya munzhila yabo, balasanduka nkaambo kabubotu bwa anshi ano, alimwi michelo yabo tekomeni. ¹⁵ Pele shakawila ehu ibotu, babo imbabo, batelela izwi ukushomeka u mozo ushomeka uku kwatisha alimwi ukweezha michelo ubushichamba. ¹⁶ kwiina muntu uzasha ilampe amana walihunika mutiba naba kulibika munshi ya bulo. Pele ulalibika achibikilo kwaamba oonse unjila akulibona ilampe. ¹⁷ Nkaambo kwiina chiseseke chitakaabonwa, na masoseke atakaazubuluki ukuba mumumuni. ¹⁸ Inzho amuteleleshe, kuli wezo ukwete chinji chinji ulakapewa alimwi, pele kuli wezo utakwete, nichiba checho nchatelaikila ati ulikwete ulakanangwa,'' ¹⁹ Inzho baina u banina bakashika nkwakubele, pele baakakilwa kushika kufwafwi kwakwe nkaambo bantu kabali banji banji. ²⁰ Bakamwambila ati, ''Banoko u banyoko balizhime ansengwe, balazanda kukubona.'' ²¹ Pele Jeso wakabaingula ukubambila ati, ''Baama u bakwesu mbubabo batelela izwi lya Leza ukulichita.'' ²² Bumwi buzuba wanjila mubwato u bashichiiya bakwe, wakabambila ati, ''Atuye kumutala wakolya wezhiba.'' bakashikula bwato baya. ²³ Pele mbubazhimukila buyo, walo wakoona. Kwakeza muuwo mukando umankwishita mwizhiba, bwato bwabo bwakazula menzhi bakakuli muntenda. ²⁴ Inzho bashichiiya ba Jeso bakaya kwakwe kumubusha, ukwamba, ''Mwami! Mwami! tukalafwa!'' wakabuka ukutontozha muuwo umankwishita, ngoona, kwakaliinza. ²⁵ Amane wakabambila ati, ''Ndulikwi lushomo lwenu?'' Pele bakakutiile ukuzhingwa, alimwi bakabuzhanya bamukamwini ati, ''No nguni wezu ulailila muuwo u meenzhi shilamutelela?'' ²⁶ Bakaya kushika kubusena bwa Gelasenesi, bwalo bulandukwa izhiba kuvwa ku Galilaya. ²⁷ Jeso mbwakalyatila buyo amuuma, bakaswangana u mulombwana umwi wakuvwa mu munzhi wakunjililwe myoza mibiyabi. Kwachiindi chilamfu katasama shisani, ulimwi katakala munganda kavwa buyo ku namaumbwe. ²⁸ Inzho nakamubona Jeso, wakalila chakupozomoka ukuwila anshi kufwafwi ungakakubele ukwamba mwizwi ikando, ''Nchinzhi nchuzanda kuchita kwangu, Jeso, u Mwanakwe Leza Mukando? Ndakulomba, utansowa.'' ²⁹ Wakaamba bobo nkaambo Jeso wakakwitandile myoza mibiyabi kwamba imuvwe mu muntu. Shiindi shinji shinji kemupenzha, alimwi nikuba ati kaba mwaanga inchetani inshimbi ukumulindilila, waka kushikosaula inchetani ukutolwa umyoza mibiyabi mu lukula. ³⁰ Inzho Jeso wakamubuzha, ''Ndiweni izhina?'' Wakamba ati, "Lejoni,'' ukuti myoza minji minji yakakumunjilile. ³¹ Yakatolelela kumulomba Jeso ati atetandili kubusena bwa bafwu. ³² Inzho butanga bwa ngulube kabuchela kumabali kuchilundu. Myoza mibiyabi yakalomba kwaamba aitandile mumo, wakevumizha. ³³ Ngoona myoza mibiyabi yakamuvwa mu muntu ukunjila mungulube, inzho shoonse shakaselumukila a lukonka lwa izhiba ikando ukuwila mu meenzhi shebila. ³⁴ Babo bakwembela ingulube nibakabona chakachitika, bakalukanka ukuya kukanana mu munzhi mukando umu minzhi imwi. ³⁵ Inzho bantu bakaya kubona chakachitika, bakashika kwa Jeso ukumuyana muntu wezo wakakushiwa myoza mibiyabi. Kashite ku matende kwa Jeso, ulisamine u manu azulila; bakatiya. ³⁶ Inzho babo bakachibona chakachitika bakabashimwina mbwakapona muntu wezu wakakunjililwe myoza mibiyabi. ³⁷ Inzho bantu ba muchishi cha Gelasini bakamulomba Jeso kwamba amuvwe muchishi chabo, nkaambo bakanjilwa bukandu. Ngoona wakanjila mubwato kwamba batalike kubweela. ³⁸ Muntu wezo wakakushiwa myoza mibiyabi wakamulomba kwamba bakuya abo, Pele Jeso wakakaka, wamba, ³⁹ ''Bweela ku munzhi wako ukaambe bubotu boonse Leza mbwakuchitila.'' Ngoona wezu mulombwana wakaya muminzhi ulaya bukanana Jeso nchamuchitila. ⁴⁰ Inzho Jeso nakapiluka bantu banji bakamutambula, nkambo boonse kabamulindila. ⁴¹ Bona, muntu wakutewa Jailosi, wakakuli umwi wabasololi ba sinagogu, wakeza ukuwila ku matende aka Jeso, ukumulomba kwamba akuya kun'ganda yakwe ⁴² nkambo mwanakwe uli iche mushimbi wamyaka ili ikumi itwesha yobile kali mulwazhi cha lufu. Jeso nakakuchiya bweenda, inkamu yabantu yakakushankene chakumuzhinguluka. ⁴³ Inzho kaliwo mukaintu wakasata kalobolakwa myaka ili ikumi umyaka yobile. wakalipila mali manji manji kubashilishi pele kwiina nakapona. ⁴⁴ Wakaya kumanuma kwa Jeso ukukwata kunshi kumamanino ekoti lyakwe, ngoona awo bulowa bwakaleka kuvwa. ⁴⁵ Jesos wakamba, ''Nguni wankwata?'' Boonse nibaakaka, Pita wakamba, ''Mwami, inkamu yabantu ili kuzhingulukile alimwi alimwi balatonkana kwiza kwako.'' ⁴⁶ Pele Jeso wakamba kuli wankwata, nkambo ndatelela insana shavwa muli ume.'' ⁴⁷ Mukaintu wezo nakabona kwamba takonzha kuzuba, Wakeza ulazhangama ukuwila ku matende akwe. Kubushu bwa bantu boonse wakapandulula nchakamukwatila umbwakapona achiindi ngoona awo. ⁴⁸ Ngoona wakamba kwakwe, "Mwanangu, lushomo lwako lwakuponya.Koya mulumuno.'' ⁴⁹ Naka kuchaamba, umwi wakashika kuvwa kunganda ya musololi wa sinagogo, wakamba, "Mwanako wafwa.Utamupenzha linji mwiiyi.'' ⁵⁰ Pele Jeso nakatelela bobo, wakamutaba Jailosi, "Utatiyi, shoma buyo ulaponyewa.'' ⁵¹ Inzho nakashika kunganda wina nakavumizha bantu kwamba banjile aze, chita buyo Pita u Johani u Jemusi, ubaushi mwana u baina. ⁵² Inzho boonse kabalila ukutamauka nkambo ka lufu, pele wakamba ''Mutalila; tafwile pele ulona." ⁵³ Pele bakatalika kumusalizha, nkambo kabezhi ati mufwu. ⁵⁴ Wakamukwata kwitashi wompolola ati, ''Mwanangu, buka!'' ⁵⁵ Moza wakwe wakazhoka, wazhimuka ndilyona. Wakabambila kwamba bamupe chakulya alye. ⁵⁶ Bazhali bakwe bakazowa, pele wakabashimwina kwamba batashimwini naba womwi kuli chachitika.