¹ Mu mwaka we kumi iitwesha yosanwe ya bulelo bwa Tibeliyas kayisala- Pontiyas Pilato nakuli mwendelezhi mu Judiya, heloda kali ngu mwendelezhi muchishi cha Galilaya, munina Heloda Filipo kendelezha chishi cha Ituliya u Tilakonotusi, u chishi cha Lisiniyasi, kalela u chishi cha Alibene, ² kuchiindi checho bapaizhi bakando kabali ba Anasi u Kayafasi-izwi lya Leza lyakashika kuli Johani mwanakwe Zakaliya mulukula. ³ Wakaya muchishi choonse cha Jodani, kuyiisha makani a lupapatizo lwa kusanduka kukulekelelwa kwa shibi. ⁴ Mbubona mbukulembelwe mwi buka lya Isaya mushinshimi ati, ''Izwi liloompolola mu lukula, Amubambe inzhila ya Mwami, amusuumike inzhila shakwe. ⁵ Mikonka yoonse ilakazuzhiwa, oonse mapili u tulundu ilakabambasala, alimwi shoonse inzhila shipitene shilakasuumikwa, inzhila sha buumbu shilakashobolwa, ⁶ alimwi bantu boonse balakalubona lufutuko lwa Leza.''' ⁷ Ubobo Johani wakabambila bantu bakwiza ati ba papatizwe kwakwe, '' Umwe nubana ba ba chipile Nguni wakamuchenjezha ati mulakonzha kubulukanka bukali ubulyakwiza? ⁸ Ubobo amweezhe michelo itondezha kusanduka, alimwi mutataliki kwaamba muli chenu ati, 'Tulikwete Abbulahamu ushesu,' ukuti ndamushimwina ati Leza ulakonzha kubamba banakwe Abbulahamu kuvwa ku mabwe aza. ⁹ Naaba ninzho keembe kalibikilwe kale kutema mizanda ya chisamu. Kufumbwa chisamu chiteezha michelo chilatemwa ukuwaalwa mu mulilo.'' ¹⁰ Inzho inkamu ya bantu yakatolelela kumubuzha ati, ''No tuchite buti?'' ¹¹ Wakabaingula ati, ''Kuti umwi ulikwete shikobelo shobile naape ewzo wiina, alimwi uwezo ukwete shakulya achite mbubona.'' ¹² Bashi mutelo abo bakeza kwaamba abo bapapatizwe, bakamwaambila ati, ''Mwiiyi, no tuchite buti?'' ¹³ Wakabaingula ati, mutakutezha mali manji manji kubaala ali ngumwakashimwinwa. ¹⁴ Abo bashikalumamba bakamubuzha, balaamba ati, ''No uswe? Tuchite buti?'' Wakabaambila ati, ''Mutakunanga bantu mali kusebezha insana, ¹⁵ Inzho bantu nibakuchilangila kushika kwa Kilisito, mu myozo yabo kabazhingilwe makani a Johani kwaamba ati ambweni inguwe Kilisito. ¹⁶ Johani wakabaingula ati, ''Ume ndamupapatiza u meenzhi, pele uumwi ulashika ubaala insana ali ume alimwi ume nshelele ukwangulula intambo sha mpato shakwe. Walo ulakamupapatiza u Moza Usalala alimwi u mulilo. ¹⁷ Chisebezho chakwe chakwandanya chili mwitashi lyakwe kwaamba aswezhe busena bwakwe kwaamba abunjike shishango shakwe muchizobwelo. Pele ulatenta shoose shiibyaabi smu mulilo uakonzha kuzhimwa.'' ¹⁸ Kutembula kunji kunji, Johani kakambauka makani mabotu ku bantu. ¹⁹ Chiindi Heloda nakambilwa makani ngakatwala muka munina Helodiyasi alimwi u shibiyabi shimwi Heloda nshakachita, ²⁰ wakazungila aza kwabo, wakamwaanga Johani muntolongo. ²¹ Chakachitika kwaamba, bantu boonse nibaka papatizwa, aze Jeso waka papatizwa, chiindi nakakukomba izeulu lyakayuka, ²² alimwi Moza Usalala wakeza munsana ali nguwe ukoya inzhiba, iizwi lyakeza kuvwa kwizeulu, "Uwe ndiwe mwanangu muzandishi. Ume ndibotelelwe kwako." ²³ Chiidi Jeso nakatalika mulimo wakwe, kakwete myaka italeli kwi kumi umyaka yotatwe kuvwa kukuzhalwa. Kali mwanakwe ( umbuli mbubakutelaika bantu) Josefa, mwanakwe Heli, ²⁴ mwanakwe Mattati, mwanakwe Levi, mwanakwe Meuchi, mwanakwe Jannai, mwanakwe Josefa. ²⁵ Josefa kali mwanakwe Mattatiyasi, mwanakwe Amosi, mwnakwe Nahumu, mwanakwe Esili, mwanakwe Naggai, ²⁶ mwanakwe Maati, mwanakwe Matatiyasi, mwanakwe Semeini, mwanakwe Joseki, mwanakwe Joda. ²⁷ Joda kali mwanakwe Jowanani, mwanakwe Rhesa, mwanakwe Zelubbabeli, mwanakwe Salatiyeli, mwanakwe Neli, ²⁸ mwanakwe Melechi, mwanakwe Addi, mwanakwe Kosamu, mwanakwe Elomadamu, mwanakwe Eya, ²⁹ mwanakwe Joshiwa, mwanakwe Eliyeza, mwanakwe Jolimu, mwanakwe Matati, mwanakwe Levi. ³⁰ Levi kali mwanakwe Simiyoni, mwanakwe Juda, mwanakwe Josefa, mwanakwe Jonamu, mwanakwe Eliyakimu, ³¹ mwanakwe Meleya, mwanakwe Mena, Mwanakwe Matata, Mwanakwe Natani, Mwanakwe Davida, ³² Mwanakwe Jesi, mwanakwe Obedi, mwanakwe Bowazi, mwanakwe Saumoni, mwanakwe Nashoni. ³³ Nashoni kali mwanakwe Aminadabu, mwanakwe Adimini, mwanakwe Ayani, mwanakwe Heziloni, mwanakwe Pelezi, mwanakwe Juda, ³⁴ mwanakwe Jakobo, mwanakwe Isaki, mwanakwe Abulahamu, mwanakwe Tela, mwanakwe Naho, ³⁵ mwanakwe Selugi, mwanakwe Reu, mwanakwe Pelegi, mwanakwe Eba, mwanakwe Shela. ³⁶ Shela kali mwanakwe Kainani, mwanakwe Afakizadi, mwanakwe Shemu, mwanakwe Nowa, mwanakwe Lameki, ³⁷ mwanakwe Metusela, mwanakwe Enoki, mwanakwe Jaledi, mwanakwe Mahalale, mwanakwe Kainani, ³⁸ mwanakwe Enosi, mwanakwe Seti, mwanakwe Adamu, mwanakwe Leza.