¹ Yoonse imbunga ya bantu banji banji bakahimuka ukuleta Jeso kwa Pilato. ² Bakatalika kumulenjelezha, kwaamba ati, "Twamuyana mulombwana wezu ulambila bantu shakuchenga, ukubakasha kutela kwa Kaiza, ukwaamba ati walo mwini ngu Kilisito, mwami.'' ³ Pilato wakamubuzha ati, ''Sa nduwe Mwami wa ba Juda?'' Jeso wakamwingula ati, ''Waamba.'' ⁴ Pilato wakabambila bapaizhi bakando ati u bantu boonse ati, ''Kwiina mulandu ngundamuyanina mulombwana wezu.'' ⁵ Pele bakatatanana ukwaamba ati, "Wahundaula bantu Kuyiisha koonse ku Judeya, kukankila kuvwa ku Galilaya ikono koonse ku busena. ⁶ Pilato nakatelela bobo, wakabuzha na wezu mulombwana ngwa ku Galili. ⁷ Pele nakatelela ati ulahwa ku chisi chilelwa u Heloda, wakamutuma jeso kwa Heloda walo wezo wakakuli ku Jelusalema ku mazuba azo. ⁸ Chiindi Helodi nakamubona Jeso, wakabotelwa maningi, nkaambo kazanda kumubona kwa chiindi chilamfwu. Wakamutelela impuwo alimwi kazanda kubona maleele ngakachita. ⁹ Helodi wakamubuza Jeso mibuzho minji minji, pele Jeso kwiina nchaka ¹⁰ mwingula.Mupaizhi mukando alimwi u balembi bakahimuka ukumulenjelela twaambo chabukali. ¹¹ Helodi ubashilikani bakwe bakatuka Jeso ukumulimbusha. Bamane bakamusamika shisani shibotu ukumubweezha kwa Pilato. ¹² Ukuti Helodi u Pilato bakaba ba chilongwe buzuba mbubona bobo, nkaambo kachitana kuchitika chechi kabatatelezhanya. ¹³ Pilato wakompolola bapaizhi bakando alimwi ikamu yoonse ya bantu ¹⁴ ukubashimwina ati, ''Mwandetela mulombwana wezu ukoya uchenga bantu, amubone, ume, ndamubuzhizha ngumubele, ndiina kumuyanina mulandu kutwaambo ntumwamulenjelela. ^{15 17} Peepe, naaba Helodi , nkaambo wamupilusha kono, amubone, kwiina nchabisha chikonzha kumuyazha. ¹⁶ Ubobo ndamupa chisubulo amana ndamuleka akuya.'' ¹⁸ Pele bakakwiila boonse antoomwi, ati ''Wezu mulombwana nafwe utukushizhe Banabasi!'' ¹⁹ Banabasi kali mulombwana wakabikwa muntololngo nkaambo ka kabunga kakuzanda kubukila munzhi mukando alimwi uwa kuyaya muntu. ²⁰ Pilato wakabambila alimwi kuzanda kuleka Jeso. ²¹ Pele bantu bakapozomoka, kwaamba ati, ''Nakankaminwe, nakankaminwe.'' ²² Wakabambila chiindi chatatu, ''Nkaambo nzhi, nchibi nzhi nchachita? Kwiina mulandu ngundamuyanina ukonzha kumuyazha. Ubobo ndamupa chisubulo ndamana muleke.'' ²³ Pele bakatatanana umazwi mwizeulu, kuzanda ati akankaminwe. Mazwi abo akamuzuzha Pilato. ²⁴ Ubobo wakabapa nchibakuzanda. ²⁵ Wakakusha wezo ngubakalomba uwakakubikilwe muntolongo nkaambo kakubukila munzhi ukuyaya muntu. Pele wakabapa Jeso ngubakuzanda. ²⁶ Nibakakumutola, bakakwata muntu umwi wakutewa Saimoni waku Silini, kuvwa ku chishi, bakamutwika chichinkano ati azemune kuchilila Jeso. ²⁷ Inkamu inkando ya balombwana, alimwi ubakaintu bakabiilwa ukumulila kabamuchilile. ²⁸ Pele nakabachebuka, Jeso wakaamba, ''Nubakaintu baku Jelusalema, mutandilila, pele amulililile nubeni ubanenu. ²⁹ Amubone mazuba alezhiza ngubaka kaamba ati, 'Balilonjelwe babo batakazhala, inkolo shesho shatakanonkwa.' ³⁰ Bamana balakatalika kwambila mapili ati, 'Tuwile,' ingulu ati, 'Tuhumbe.' ³¹ Nkaambo kuti bashichita shintu sheshi masamu nachishuukile, chilakaba buti akazuma?'' ³² Ubamwi balombwana, bobile bashi milandu, bakatolwa u Jeso kuya kuyayiwa. ³³ Nibakashika kubusena butewa ati ''Kaanza,'' koko bakamukankamina a chichinkano ubabo bamwi bashi milandu-womwi ku chilyo womwi ku chimonsho. ³⁴ Jeso wakaamba ati, ''Taata, balekelele, nkaambo tabezhi nchibachita.'' Bamane bakateya chisolo, ukwabanya shisani shakwe. ³⁵ Bantu bakazhima kwebela chiindi baleli nibaka kisalizha, ukwaamba ati, "Bamwi wabavuna. Komuleke aze alihune, Kuti na inguwe Kilisito wa Leza, walo musale.'' ³⁶ Bashilikani abo mbubona bakamusalizha, bamwiila, bamupa Viniga, ³⁷ ukwaamba, ''Na ndiwe Mwami wa ba Juda, lihune.'' ³⁸ Alimwi kakuli cha kulembelwe alinguwe ati, ''Wezu ngu Mwami waba Juda.'' ³⁹ Womwi shimilandu wakakuli a chichinkano wakamutuka ukumubuzha ulamba, ''Saa indiwe Kilisito? ''Lihune aswe utuhune.'' ⁴⁰ Pele umwi shimilandu wakamulemanina mwenzhiina, ukumubuzha ati, ''Sa tumutiyi Leza, ukoya mbuuli muchisubulo chikozhenye chakuyayiwa? ⁴¹ Uswe chini chini chili mu mulawo, ukuti twatambula chitwelele kwingaina u michito yesu. pele mulombwana wezu kwiina chibiyabi nchakachita.'' ⁴² Amane wakaamba ati, ''Jeso, ukantelaike wakashika mu bwami bwako." ⁴³ Jeso wakamwambila ati, "chini chini ndakwambila ati, ubwasunu tulabazae mu paladaisi." ⁴⁴ Chindi kachili cha mawoola ali chisambomwe, kwakaba mushinze anshi oonse kushikila a chiindi cha mwa woola ali ifwuka ⁴⁵ inzho izuba lyakashiya mbi. Kumane chishitilizho cha muchikombelo shakazapuka mu shipanzha shobile. ⁴⁶ Kulia izwi ikando, Jeso wakaamba, ''Taata, mu matashi ako ndatambika moza wangu.'' Kumana kwaamba bobo, wakafwa. ⁴⁷ Chiindi mukando wa bashilikani nakabona chakachitika, wakamutembaula Leza, ulaamba ati, ''chinichini wezu mulombwana kali mululami.'' ⁴⁸ Bantu banji banji bakwizile kwamba balibonene shoonse shakachitika bakabweela balaya bulyuuma ashamba. ⁴⁹ Pele babo boonse bakumwizhi, alimwi ubamakaintu bakumuchilile kuvwa ku Galileya bazhimina ansansa, kwebela shakuchitika. ⁵⁰ Inzho, kakuli mulombwana umwi wakutewa Josefa, wakuli munkamu ya babeteshi. Kali mulombwana mubotu alimwi mululami. ⁵¹ Wezu mulombwana wiina nakahumina ku makanze u kumichito yabo. Kahwa ku Alimatiya, munzhi mukando wa ba Juda, alimwi kazandisha kukapula bwami bwa Leza. ⁵² Wezu mulombwana, wakamwiila Pilato, ukulomba mubili wa Jeso. ⁵³ Wakokusha a chichinkano, ukuhunga mu chisani chibotu, wobika mu chuumbwe checho chakashiwa mwibwe, mwalo mwakwiina wakakuzhikilwemo kale. ⁵⁴ Kabuli buzuba bwakulibambila, alimwi Insabata niyakuzanda kutalika. ⁵⁵ Bakaintu ubakeza u Jeso kuvwa ku Galileya bakachilila kubona chuumbwe u mubili mbuwakabikwa. ⁵⁶ Bakapiluka babamba mafuta akunana utununkilizho. Mubuzuba bwa Sabata bakalyokezha kwendelanya u mulazho.