¹ Jeso wakalanga ukubona balombwana bahubi kababika shipo mucizobolelo cha mali. ² Wakabona umwi mukamufwu mupushi kabika tu peni tobile. ³ Wakaamba ati, ''Chini chini ndamwaambila ati, wezu mukamufwu wababaala boonse kupa. ⁴ Boonse bapa kwiingaina ukuvula kwa shintu nshibakwete. Pele wezu, kuvwa kubupushi bwakwe, wabika shoonse nshakushomene.'' ⁵ Bamwi bakaamba chikombelo mbuchakubambilwe u mabwe ushipo, wakaamba ati, ⁶ ''Ukuli shintu seshi nshimwabona, mazuba alakashika kwalo nikukabula ibwe lili amwenzhiina liti likashaale kutazonaunwa.'' ⁷ Inzho bakamubuzha, balaamba ati, Mwiiyi ndilili sheshi shintu nishikaachitika? shitondezho nzhi nshtukaabona ukuzhiba ati sheshi shintu shikalachitika?'' ⁸ Jeso wakabaingula ati, ''Amuchenjle kwaamba ati mutachengwa. Banji banji balakeza mwizhina lyangu, balaamba, 'Ume ndiime; alimwi, 'Chiindi chili afwaafwi.' Umwe mutabatobela. ⁹ Mwakatelela inkondo u mazwanga, mutakatiyi, nkaambo sheshi shilyelele kutaanguna kuchitika, pele mamanino takuna kuchitika.'' ¹⁰ Amane wakaamba kubabele ati, ''Cishi chilakabukila chishi nina, bwami bulakabukila bwami nina. ¹¹ Kulakaba kuzungana kwa nshi kukando, alimwi mu mashi manji manji kulakaba inzala u mapenzhi. Kulakaba shintu shitizha alimwi u shitondezho shikando kuvwa kwizeulu. ¹² Pele kashitana kuchitika shoonse sheshi shintu, balakamukwata ukumupenzha, kumutola mu ma sinagogu alimwi u muma tolongo, kumutola ku bami ubendelezhi ba chishi ukaambo ke zhina lyangu. ¹³ Chechi nchichikaaba chiindi chenu chakupa bumboni. ¹⁴ Ubobo mutalibiliki mu myozo mbumukalihuna kachitana kushika chiindi, ¹⁵ ukuti ndakamupa mazwi ubusongo kwaamba bashiku mulwisha bakabule umbubakaka. ¹⁶ Pele balakamwaaba ubamazhali, ubanyokwenu, bashikamukowa, alimwi u balongweenu, nubamwi balakamuyaya. ¹⁷ Bonse balakamusula nkaambo ke zhina lyangu. ¹⁸ Pele kwina niliba isusukuvwa ku mitwi yenu likazonaunwa. ¹⁹ Mukutatanana kwenu mulakayana bumi bwenu. ²⁰ "Mwakabona Jelusalema wazhingulukwa ku bashikalumamba, amukezhibe ati kuzonaunwa kwakwe kwasena afwaafwi. ²¹ Babo bali mu Judeya abakamuvwe ukuya mu milundu, babo bali mu munzhi mukando aba kooshiye, abo babo batemo muchishi batakanjili mu munzhi mukando. ²² Nkaambo aza ngu mazuba akusubulwa, kwaamba oonse makani alembelwe akonzhe kuzuzukizhiwa. ²³ Mawe kuli babo bemishi alimwi ubabo banonsha mu mazuba azo! Ukuti kulakuli mapenzhi makando muchishi choonse, alimwi bukali bulakaba a bantu. ²⁴ Balakawila echeba, balakatolwa buzhike muchishi choonse, alimwi Jelusalema ulkazhingulukwa ubavwa mashi kushikila chiindi chiindi chabo bakunze chikazuzukizhiwe. ²⁵ Kulakaba shitondezho kwizuba, ku mwezhi uku ntongwezhi, alimwi ano anshi. Mashi oonse alakaba mumapenzhi ukufwa bukandu nkaambo kamankwishita amu lwatele. ²⁶ Kulakaba balombwana bawizuka nkaambo kabukandu kushitu shilangilwa kuchitika mu luundu loonse. Ukuti insana shakwizeulu shilakazungaana. ²⁷ Inzho balakamubona Mwana a Muntu uleza mwikumbi iinsana u bulemu bukando. ²⁸ Pele sheshi shakatalika kuchitika, amukazhimuke ukulyalala, nkaambo kunununwa kwenu kwashika afwaafwi.'' ²⁹ Jeso wakabambila kaano, '' Amulange kwi kuzu, alimwi u masamu oonse. ³⁰ Kuti atalika kushuuka, mulabona ukuzhiba nubeni ati mainza aswena afwaafwi. ³¹ Inzho alimwi, kuti mwabona sheshi shintu shatalika kuchitika, amuzhibe ati bwami bwa Leza buli afwaafwi. ³² Chini chini ndamushimwina ati, wezu musela tokamana kufwa chita kushikila shoonse sheshi shikachitike. ³³ Izeulu iinshi shilakamana pele mazwi angu kwiina naya kumana. ³⁴ Pele amulibambe nubeni, kwaamba myozo yenu itakwati mikuli yakunwa ubukolwi alimwi ukulibilika sha mubumi, kwaamba bolya buzuba butakamushikila ³⁵ ukoya kooze. Ukuti bulakashika ku muntu oonse upona ano anshi. ³⁶ Pele amulibambile chiindi choonse, kukomba kwaamba mukwate insana chiindi choonse kwaamba mukakonzhe kuzunda shintu sheshi shika chitika, ukulozha kuzhima kubushu bwa Mwana a Muntu.'' ³⁷ Inzho muunza kayiisha muchikombelo, amane mashiku kaya kukala alupili lwakutewa Olive. ³⁸ Bantu boonse kabeza chifumo kutelela kwakwe mu chikombelo.