¹ Jeso wakanjila ukwiita mu Jeliko. ² ubobo, Kakuli mulombwana wakutewa Zakeyo. Kali mukando wabashimutelo alimwi kali muhubi. ³ Wakuzanda kumubona ukumuzhiba Jeso, pele katakonzha kumubona ukaambo kakuvula kwa bantu alimwi kali mufwaafwi ku chimo. ⁴ Ngoona wakalukankila kumbele lya bantu ukuliza mwisamulya saikamo kwaamba akonzhr kumubona nkaambo Jeso kalangilwa kwiitila koko. ⁵ Jeso nakashika awo, wakalanga kwizeulu amane wamwambila ati, "Zakeyo, seluka anshi fwambaana, nkaambo bwasunu ndazanda kukala mun'ganda yako.'' ⁶ Ngoona chakufwambaana wakaseluka ukumutambula chakubotelwa. ⁷ Bantu bonse nibakachibona checho, bakatongauka, balaamba, "Wanjila mun'ganda ya muntu shishibi.'' ⁸ Jeso wakazhima ukumwambila Mwami ati, "Langa, Mwami, ndakosola lubono lwangu akati ukupa bapushi, alimwi nakuli ngundakachenga ndamubwezhezha shiindi shone shamuulo." ⁹ Jeso wakamwambila ati, "Ubwasunu lufutuko lwashika mun'ganda yezhi, nkaambo aze mwanakwe Abulahamu. ¹⁰ Ukuti Mwana a Muntu wakeza kukapula ukufutula baswekele.'' ¹¹ Nibakatelela bobo, wakatolelela kwaamba alimwi wakabashimwina kaano, Nkaambo kali kufwaafwi ku Jelusalemu, bakatelaika ati bwami bwa Leza kabuli afwaafwi kushika. ¹² Ubobo wakabashimwina ati, "Mulombwana umwi ulemekwa wakaya ku chishi cha kulaale kwaamba akatambule bwami bwakwe amana ulakazhoke ¹³ Wakompolola basebezhibakwe bali ikumi ngona wabapa mali boonse ali ikumi amane wabashimwina ati, 'amukalipindauke kushikila nkazhoke.' ¹⁴ '' Pele wezu umwi wamuchishi wakamusula ukutuma inkamu kwamba bamuchilile, ulaamba, 'Tatukonzha kukwata muntu uli bolya kwaamba atwendelezhe.' ¹⁵ Chakachitika nakazhoka, amane kutambula bwami bwakwe, wakalailila kwaamba boonse mbakapa mali akulipindauka bompololwebashike kwakwe, kwaamba aze azhibe mweelwe wa mali akazungilwa nibakamana kuchita impindu. ¹⁶ Mutaanzhi wakashika kwakwe, ulaamba, 'Mwami, mali ako azungilwa ali ikumi ezeulu.' ¹⁷ "Mulombwana ulemekwa wakamwambila ati, 'Wakachita kabotu umuzhike mubotu. Nkaambo wakashomeka mutushoonto, ulaba mwendelezhi wa mkinzhi ili ikumi.' ¹⁸ Uwabili wakashika, ulaamba, Mwami mali ako apanga azhala amwi ezeulu ali osanwe. ¹⁹ Mulombwana ulemekwa wakamwambila ati, 'Wendelezhe minzhi ili yosanwe.' ²⁰ "Umwi wakashika, ulaamba, 'Mwami ngaaza masheleni ako, ndakaazobola muchsani, ²¹ ukuti ndakutiya uwe, nkaambo uli muntu muzandishishi. Uwe ulabweza uchecho nchiwatakabika wo alimwi ulatebula unchiwatakashanga ²² Mulombwana mulemu wakamwambila ati, 'Kumazwi ako umwini, ndakubeteka, uwe umuzhike mubiyabi. Wakwizhi ati ndimuntu muzandishishi, ubweza ngatakabika, alimwi ndatebula ngindatakashanga. ²³ Inzho nkaambo nzhi wiina kukaabika masheleni angu mwi bbanki, kwaamba ndazhoka indayayana buzunji?' ²⁴ Mulombwana mulemu wakambila babo bakuzhimine ati, 'Amumunange mali, mwaape kuli wezo ukwete ali ikumi.' ²⁵ "Bakamwambila ati, 'Mwami, ulikwete kale ali ikumi.' ²⁶ '''Ndamushimwina ati, wezo ukwete ulazungililwa, pele kuli wezo utakwete, ulanangwa uchecho nchankwete. ²⁷ Pele baba bashinkondoma, babo batakunzanda kwamba mbe muleli wabo, amubalete kono mubayayile mu menso angu.''' ²⁸ nakamana kwaamba bobo, wakaya kumbele, kuya kushika uku Jelusalema. ²⁹ Nakashika ku fwaafwi ku Betifajiu Betani, ku mulundu utewa Olive, wakatuma bashichiiya bakwe bobile, ³⁰ ulaamba, "Kamuya mu munzhi uli ambele. Kumanjililo, mulakayana mwana wa mbongolo utana lizilwe. Mumwangulule mwamana mumulete kono kwangu. ³¹ Nakube uti amubuzhe ati, mulangululila nzhi?' mwaambe, 'Mwami ulazanda kusebezha.''' ³² Babo bakatumwa bakaya bayana imbongolo mbubona mbwakaamba Jeso. ³³ Nibakwangulula mwana wa mbongolo, bamukamwinibakaamba ati, "Nkaambonzhi mulakwangulula imbongolo?'' ³⁴ Bakaingula ati, "Mwami ulezanda.'' ³⁵ Bakaleta kwa Jeso, bakabika shikobelo shabo ambongolo ngoona bamulizika wo Jeso. ³⁶ Nakuchiya buya, bakashizala shikobelo shabo munzhila. ³⁷ Nakashika abusena awo mulundu wa Olive nguselumukila, Inkamu yoonse ya bashichiiya bakatalika kusekelela ukutembaula Leza mwiizwi ikandoku milimo mikando njibakabona, ³⁸ balaamba, "Ulilonjelelwe mwami ushika mwizhina ulya Leza! Luumuno mwizeulu alimwi u bulemu mu mazeulu ³⁹ Bamwi ba falisi bakuli mu nkamu ya bantu bakamwambila ati, "Mwiiyi, balemanine bashichiiya bako." ⁴⁰ Jeso wakaingula ulaamba, "Ndamushimwina ati, kuti baba baliinze, mabwe alaimba." ⁴¹ Jeso nakonila munzhi, wakolilila, ⁴² ulaamba, "Kuti nimwakubwizhi buzuba bono, ukushintu shimuletela luumuno! Pele inzho shilisosekelwe ku menso enu. ⁴³ Buzuba bulakamushikila lelyo bashinkondo benu nibakazaka bwanda bumuzhingulukile ukumunjilila konse konse. ⁴⁴ Balakamuuma ukumuwisha anshi antoomwi u banenu. Tabakashiyi ibwe lili ezeulu ebwe limwi nkaambo mwiina kukazhiba chiindi nchimwakaswaiwa.'' ⁴⁵ Jeso wakanjila mu chikombelo ukutalika kubatanda babo bakusambala, ⁴⁶ ulaamba kwabo ati, "Kulilembelwe ati, In'ganda yangu ilakaba in'ganda yakukombela,' Pele umwe mwepanga kuba chizubilo cha bateu.'' ⁴⁷ Inzho Jeso kayiisha abuzuba muchikombelo. Balembi u bapaizzhi bakando kabakapula inzhila yakumuyayila mo, u basololi ba bantu, ⁴⁸ pele kwiina nibakakonzha nkaambo bantu boonse kabapupulalisha kwako.