¹ Jeso wakamba alimwi ku bashichiiya, ''Kwakuli mulombwana umwi muhubi wakukwete mwendelezhi, bakamuzhibya kwamba ati mwendelezhi ulazonauna lubono lwakwe. ² Muhubi wakamompolola wamubuzha ati, 'Alibutti aza makani ngintelela kuli uwe? Pandulula bwendelezhi bwako, nkaambo tuchelele linji kuba mwendelezhi.' ³ Mwendelezhi wakalyambila ati, 'Ndachita buti, nkaambo shimalelo wangu ulazanda kunanga mulimo wabwendelezhi? Ndiina insana shakulima alimwi ndafwa insoni shakulombelela. ⁴ Ndizhi mbwinkachita, kwaamba chiindi nakantanda a mulimo wabwendelezhi, bantu bakantambule mu maanda abo.' ⁵ Inzho mwendelezhi wakompolola boonse babo bakukwete shikwelete kwa shimalelo akwe, wakabuzha mutaanzhi ati, 'Mali ongaye nguwaka kweleta?' ⁶ ''Wakamwingula ati, 'Mwaanda wa mafuta a olive.' "Wakamwambila ati, 'Bweza m weelwe wa chikwelete chako ukale anshi kufwaambana ukulemba makumi osanwe.' ⁷ ''Amane mwendelezhi wakamba kuli uchilila ati, 'Wakakweleta shongaye?' "Wakaamba ati, 'Shinzuma sha witi shili mwaanda.' Wakamwambila ati, 'Bweza mweelwe wa shikwelete shako wamana ulembe makumi ali Lusele.' ⁸ Shimalelo wakamulumbaizha mwendelezhi utashomeki nkaambo kabusongo mbwakasebezha. Ukuti bana luundu balikwete busongo mukwendelezha bantu nina kubazha bana ba mumuni. ⁹ Ndaamba kwenu ati amulipangile benzhinokwenu ku lubono lutasalali kwaamba lwakamana bakamutambule mu bukalo butamana ¹⁰ Wezo ushomeka ku tushoonto ulashomeka ukuchikando, alimwi uwezo utasalali mutushoonto umushikando takasalali. ¹¹ Kuti wiina kushomeka mukusebezha lubono lutasalali, nguni ukonzha kukushoma mu lubono lusalala? ¹² Kuti wiina kushomeka mukusebezha lubono lwa bantu, nguni wezo ukakupa mali ako umwini? ¹³ Kwiina musebezhimukonzha kusebezela bami bobile, ulakonzha buyo kuzanda womwi amana umwi wamusula, kunze kwabobo, ulakulibonzha kuli umwi amane umwi ulakumusampaula. Tukonzha kusebezela Leza u lubono.'' ¹⁴ Inzho balo ba falisi bakuzandisha mali, nibakashitelela sheshi, bakamusalizha. ¹⁵ Wakabambila ati, "Umwe mulalisalazha ku menso abantu, pele Leza uliizhi myozo yenu. Choonse checho chilumbaizhiwa ku meso abantu chilasesemya kubushu bwa Leza. ¹⁶ Mulawo u bashinshimi shakuliko kushikila nakashika Johani. Kuvwa checho, makani mabotu a bwami bwa Leza alakambaukwa, alimwi boonse balalikakatizha kunjila mo. ¹⁷ Pele nchubauba izeulu iinshi kumana kubaazha kabala komwi ka mulawo kuzhibingana. ¹⁸ Woonse muntu uleka mwinakwe amana watwala umwi wachita mamambe, alimwi u wezo watwala mukaitu walekwa ku mulumi wachita mamambe. ¹⁹ " Kakuli mulombwana umwi muhubi wakusama masani mabotu mebeshi wakukala kabotu mazuba oonse. ²⁰ Umwi mukumbizhi wezhina lya Lazalo wakonekwa ku mulyango wa muhubi, kazwile shilonda, ²¹ alimwi kazandisha kulya shiloka kwitebulu lya muhubi. Abo babwa bakashonta shilonda shakwe. ²² Chakashika chiindi mukumbizhi nakafwa bakamubweza ba ngelo bamutola kuluya lwa Abulahamu. Muhubi wakafwa wazhikwa, ²³ alimwi mu busena bwa bafu, kali mu mapenzhi, wakalanga wabona Abulahamu alaale aze lazalo kali kumbali kwakwe. ²⁴ Wakalila amane wakaamba ati, 'Taata Abulahamu mfwila luse alimwi mutume Lazalo, kwaamba atyoompe munwe wakwe mu meenzhi atontozhe mulaka wangu, nkaambo ndapengesha mono mu mulilo.' ²⁵ "Pele Abulahamu wakamwambila ati, 'Mwanike, zhibaluka kwaamba mumazuba abupone bwako wakatambula shintu shako shibotu, walo Lazalo wakatambula shibiyabi. Pele kono waumbulizhiwa pele uwe uli mumapezhi. ²⁶ Kunze kwa chechi, kuli munyinza mukando wabikwa akati, kwaamba babo bazanda kulanduka kuvwa kono kwiza kwako tabakonzha, alimwi kwiina ukonzha kulanduka kuvwa koko kwiza kwesu.' ²⁷ Muhubi wakaamba ati, 'Ndakulomba, Taata Abulahamu, umutume ku n'ganda ya taata- ²⁸ ukuti ndikwete bakwesu balombwana bosanwe- kwaamba akonzhe kubachenjezha , kwaamba chitakabikwabo kuliyana mubusena bobu bwa mapenzhi.' ²⁹ "Pele Abulahamu wakaamba ati, balikwete Mozesi u Bashinshimi; nabatelele kwabo.' ³⁰ "Muhubi wakaingula ati, 'Peepe, Taata Abulahamu, pele kuti kwaba umwi uya kwabo kuvwa ku bafu, balasanduka.' ³¹ "Pele Abulahamu wakamwambila ati, 'Kuti tabakonzha kutelela kwa Mozesi uku bashinshimi, kwiina nibakonzha kutelela kuti muntu wabuka kuvwa ku bafu.'''