¹ Chakachitika buzuba bumwi bwa muchibelu, nakaya mun'ganda imwi ya musololi wa bafalisi kulya chinkwa, awu kabamulanjilile chini chini. ² Awo kumele kwakwe kakuli mulombwana wakusata bulwazhi bwakuzhimba. ³ Jeso wakabuzha bakukwete luzhibo mu milawo ya ba Juda u bafalisi ati, "Sa chili mu mulawo kuponya mu chibelu, nachili?'' ⁴ Pele bakaliinza. jeso wakamukwata, wamuponya, amane wamwambila ati akuya. ⁵ Wakabmbila ati, "Nguni akati kenu ukwete mwana na in'gombe yawila mu mukalo mu chibeluutakonzha kwikusha?'' ⁶ Baina nibakakonzha kupa bwinguzhi ku shintu sheshi. ⁷ Jeso nakabona babo bakutambilwe mbuba kusala shuuna sha bulemu, wakaamba mukozhano, ⁸ Kuti umwi muntu wakutamba ku bwiinga, utakasoli kukala a chuuna cha bulemu, nkaambo kulakonzha kuba umwi mutambe ukubaala bulemu. ⁹ Ashika wezo wakamutamba noonse, ulakakwambila ati, 'Mupe wezu busena bwako,' amana uwe munsoni ukalaya kukala busena bukala bantu batali balemu ¹⁰ Pele kuti mwatambwa, kamuya mu kakale mu busena butali bulemu, kwaamba wezo wakamutamba ashika, ulaba nakaamba ati, Mulongwaangu, koya ezeulu.' Waana ulalemekwa akati kabo babo bashite kwi tebulu aze. ¹¹ Ukuti oonse wezo ulisumpula, ulafwiinshiwa alimwi wezo ulifwiinsha ulakasumpulwa,'' ¹² Jeso wakamwambila wezo mulombwana waku mutambile. Kuti mwabamba ipobwe, muta tambi buyo balongweenu na banyokwenu naba bashimukobo nokwenu ukuti abo bumwi buzuba balakamutamba, alimwi mulakalipilwa. ¹³ Pele kuti mwapanga ipobwe, amutambe ba pushi, balema batyoshi uboofwu, ¹⁴ bobo mulalongezhiwa, nkaambo kwiina nibakonzha kumulipila. ukuti mulakalipilwa kububuke bwa balulami.'' ¹⁵ Awo womwi wababo bakushite etebulu u Jeso washitelela sheshi sheshi shintu, wakaamba kwakwe ati, "Walongezhewa wezo ukaalya chiinkwa mu bwami bwaka Leza!" ¹⁶ Pele Jeso wakamwaambila ati, "Umwi mulombwana wakabamba ipobwe ikando ukutamba bantu banji banji. ¹⁷ Chiindi chakulya wakatuma basebezhi bakwe kuya kwaamba kuli babo batambe ati, 'Kamwiza, nkaambo shoonse shabambwa kale.' ¹⁸ "Boonse buyo bakatalika kupa mapakasho abo. Mutaanzhi wakaamba ati, 'Ndaula muunda, inzho ndyelele kuya kuubona ndalomba amunkwatile.' ¹⁹ "Umwi wakaamba, 'Ndaula shipani shosanwe sha basune, inzho ndaznada nkabasoleke. Ndalomba amunkwatile.' ²⁰ Amane umwi mulombwana wakaamba, 'Ndatwala mukaintu, ubobo nshikonzha kwiza koko.' ²¹ Musebebezhi wamushimwina u mulela shoonse. Amane mukamwini in'ganda wakalemana ukwambila musebezhi wakwe ati, 'Koya chakufwambaana mumikwakwa yoonse ukabalete bapushi, batyoshi, boofwu alimwi u balema.' ²² "Musebezhi wakaamba ati, 'Mwami, nshiwandailila shoonse shachitwa, pele alimwi busena nkubuchili.' ²³ Mukamwini busena wakamwambila musebezhi ati, Koya mu mikwakwa mikando u mumasena oonse ukabalete banjile kwaamba in'ganda yangu izule. ²⁴ Ukuti ndakushimwina ati, kwiina wa babo batambe u kasola chakulya changu''' ²⁵ Inzho makamu makamu abantu akumuchilile, inzho wakachinduluka ukubaambila ati, ²⁶ Na umwi weza kwangu amana tasuli baushi, baina, mwinakwe, banakwe, banina balombwana u bakaintu, alimwi u bumi bwakwe mwini, takonzha kuba shichiiya wangu. ²⁷ Kufumbwa wezo utakonzha kubweza chichinkano chakwe ukunchilila takonzha kuba shichiiya wangu. ²⁸ Nguni wenu uzanda kuzaka utakonzha kutanguna kukala anshi amana wabalila mweelwe kwaamba azhibe na ulachikonzha kumanizha mazake? ²⁹ Ubulyo, abika lwiimbi amana talozha kumanizha, boonse babona balatalika kumusalizha, ³⁰ ukwaamba ati, wezu mulombwana wakatalika kabotu kuzaka amana wakakilwa kumanizha.' ³¹ Naaba, nguni mwami uzanda kuya kuzundana u mwami umwi kunkondo utakonzha kukala anshi ukubweza malailile akwaamba na ulalozha kulwisha mwami umwi mwini akukwete bashikalumamba bali shuulu ikumi umwi ulikwete shuulu makumi obile a balombwana? ³² Ubulyo, bashikalumamba ba mwami umwi bakuchili kulaale, ulatuma bantu ukulomba ati kube kutelezhanya kwaamba kube luumuno. ³³ Inzho ubobo, kufumbwa wenu utakonzha kupa shoonse nshakwete takonzha kuba shichiiya wangu. ³⁴ Mwino mubotu, kuti mwino wabula muchanka, ulakonzha kulunzhiwa buti alimwi? ³⁵ Uchiina linji ichito kubulongo na kumbolezhi. Ulasweewa bulyo. Wezo ukwete matwi akutelela, natelele.''