¹ Chakachitika mubuzuba bumwi lelyo Jeso nakakupaila a busena bumwi.Nakamana bulyo, womwi wa bashichiiya wamba kwakwe, "Mwami, tuyiishe kukomba umbona Johani mbwakaisha bashichiiya bakwe." ² Jeso wakabambila, "Chiindi nimukomba amwambe, Taata izhina lyenu nalilemekwe, kwaamba lilasalala. Bwami bwenu bwize. ³ Amutupe chakulya chesu buzuba ubuzuba. ⁴ Amutulekelele ku milandu yesu, mbubona mbutulekelela boonse bali milandu kuli uswe. Mutatweenzha mu masunko.''' ⁵ Jeso wakabambila ati, "Nguni wenu ukwete mulongwaakwe, wezo ukonzha kuya kwakwe akati ka mashiku, ukwaamba kwakwe ati, 'Mwenzuma, nkweletesha shinkwa shotatwe, ⁶ nkaambo mwenzuma washika chaninzho kuvwa a mushinzo ukuti ndiina chili choonse chaku mupa'? ⁷ Amana wezo walo uli mukati ulataba ati, 'Utampenzha ume. Chitendele ndayala kale, alimwi ubanangu toonse tulilele. Nshikonzha kubuka kwaamba nkupe shinkwa.' ⁸ Ndamwambila ati, nikuba kwamba wiina nabuka kwiza ku kupa chinkwa nkaambo uli mweenzhiina, pele nkaambo kakubula insoni ukukakatila kwako, ulabuka uku kupa shoonse shinkwa nshuzanda. ⁹ Alimwi ndamushimwina ati, amulombe, mulakapewa; amukapule, mulakayana; amukonkomone, mula yalulilwa. ¹⁰ Ukuti woonse muntu uomba ulatambula; alimwi muntu ukapula ulayana; alimwi uku muntu ukonkomona, ulayalulilwa. ¹¹ Nguni muzhali akati kenu, kuti mwanako walomba inswi, ulamupa muzoka mubusena bwaku mupa inswi? ¹² Na walomba iyi, sa ulamupa kapilili? ¹³ Ubobo, na umwe nuba muchita shibi mulizhi kupa shintu shibotu ku banenu, mbubuti mbwakonzha Ushenu uli kwizeulu kupa Moza Usalala kuli babo bamulomba?" ¹⁴ Inzho Jeso katanda musangushi wezo watakakwaamba. Musangushi nuwakamuvwa, mulombwana wezu watakakwaamba wakaamba, amane inkamu ya bantu yakazoowa. ¹⁵ Pele bamwi bantu bakaamba, "Kwiitila mwa Belezebul, muleli waba sangushi, ulatanda basangushi." ¹⁶ Bamwi bakamusunka ukwaamba achite chitondezho chivwa kwizeulu. ¹⁷ Pele Jeso kezhi mizeezo yabo amane wabambila, "Bwami boonse bwandeene tabuchili bwami bubotu, alimwi inganda yandeene ilawa. ¹⁸ Na satani ulyaandene lwakwe mwini mbubuti mbubukazhima bwami bwakwe? Umwe mulaamba ndatanda basangushi mwa Bezebule. ¹⁹ Kuti ume ndatanda basangushi mwa Bezebule, no bashichiiya benu balatanda mwizhina lyani? Nkaambo ka chechi, bakalakaba babeteshi benu. ²⁰ Kuti ndatanda basangushi umunwe wa Leza, ati bwami bwa Leza bwashika kwenu. ²¹ Kuti na mulombwana shinsana ulilibambile kukwabilila munzhi wakwe, lubono lwakwe lulakwabililwa kabotu, ²² pele kuti mulombwana shinsana wamuzunda, ulabweza intobo njashoma ukuzonana lubono lwakwe. ²³ Wezo utali ame ngu shinkondoma, alimwi uwezo utabunjiki ame ulamwaya. ²⁴ Chiindi moza mubiyabi wamuvwa mu muntu, ulaita mulukula kuya bulanga kwa kupumunina. Atayana, ulaamba, 'Ndapiluka kun'ganda yangu nkwindakavwila. ²⁵ Nuwapiluka wayana yelya in'ganda yapeelwa alimwi yabambwa kabotu. ²⁶ Inzho ulapiluka ukuya kuleta myoza imwiili chiloba yalo ibaala kubiya ali walo imane ilakala yoonse momo. Kwamana bube bwa muntu wezo bulabiya chibaala." ²⁷ Inzho chakachitika bolya, mbubona mbwakaamba shintu sheshi, umwi mukaintu wakapozomoka izwi lyakwe mwizeulu akati ka mbunga ya bantu ulaamba, "Ndilongezhe ifwu lyaka kuzhala uwe alimwi inkolo shaa kunonsha uwe." ²⁸ Pele wakaamba, "Inzho, mbalongezhe babo batelela izwi lya Leza alimwi ukukala alyo." ²⁹ Bantu nibakuchiya buvula, Jeso wakatalika kukanana, "Wezu musela ngwabashishibi. Balakapula chitondezho, inzho kwiina chitondezho nchibakapewa chita cha Jona. ³⁰ Mbubona Jona mbwakaba chitondezho kubana Ninive, aze Mwana a Muntu ulaba chitondezho ku musela wezu. ³¹ Mwami mukaintu wakuchibizhi ulakazhima ku bubeteshi u balombwana bamusela wezu ukubaamba ati mba biyabi, ukuti mukaintu wakeza kumamanino anshi kwiza kutelela busongo bwa Solomoni, inzho amubone, uumwi mukando kubaala Solomoni ngaali ano. ³² Bantu baku Ninive balakazhima kubetekwa antoomwi umusela wezu wabantu ukubapa milandu, ukuti bakasanduka ku bukambaushi bwa Jona, inzho amubone, mukando ali Jona ngaali ano. ³³ Kwiina naaba omwi, amana kuzasha ilambe, walibika mubusena busoseke nikuba kulihunikila chinzuma, pele lilabikwa achibikilo chalyo, kwaamba babo benjila bobone mumuni. ³⁴ Linso lyako ndilambe lya mubili. Nakuti Linso lyako ndibotu, mubili wako woonse ulezula mu muni. Pele nakuti linso lyako ndibiyabi, mubili wako ulizwile mushinze. ³⁵ Ubobo amuchenjele kwaamba mumuni uli muli umwe utabi mushinze. ³⁶ Nakuti mubili wako woonse ulizwile mumuni ,kubula uchipanzha cha mushinze, ati mubili wako ulakozhanya ukoya ilambe lyamunika chakutuba ali uwe.'' ³⁸ Nakamana kwaamba, mu Falisi wakamulomba kwamba bakalye aze ku n'ganda yakwe, inzho Jeso wakanjila walya aze. ³⁷ Mu Falisi wakazhingwa kwaamba Jeso wakalya katana kusamba. ³⁹ Pele Mwami wakamwambila, "Inzho ubobo umwe nu ba Falisi mulasanzha ansengwe makapu ushizobwelo, pele mukati mwenu mulizwile bufumpi umafunze. ⁴⁰ Umwe nubantu baina maanu! Sa tali nguwena wakapanga ansengwe nguwena inguwe wakapanga mukati? ⁴¹ Amupe chili mukati kubapushi, amana shintu shoonse shilasalala kwenu. ⁴² Pele mawe kuli umwe nuba Falisi, nkaambo mulapa che kumi cha michelo njimulima ushimwi, pele mwaluba kuasalulula bamwi ukumufuna Leza. Nchitu chelele kutasalaula bamwi kumufuna Leza, kutaluba ukuchita shintu shimwi. ⁴³ Mawe kuli umwe nu ba Falisi ukuti mulazanda shuuna shakumbele mu ma sinagogo ukwanzhiwa chabulemu ku masambalilo. ⁴⁴ Mawe kuli umwe, ukuti muli ukoya shuumbwe shitazhibilwe bantu balashiita kutezhiba ati nchuumbwe." ⁴⁵ Umwi shi mulawo wakamwambila ati, "Mwiiyi checho nchuwamba watutuka aswe." ⁴⁶ Jeso wakamba ati, "Mawe kuli umwe nu bamayi ba mulawo! Ukuti mulapa bantu mikuli njibatalozha kusempula, pele tamwikwati mikuli naba umunwe womwi wenu. ⁴⁷ Mawe kuli umwe, nkaambo mulazakila shuumbwe bashinshimi alimwi mba shaakale benu bakabayaya. ⁴⁸ Inzho muli bakamboni alimwi mulavumina milimo ya ba shaakale, ukuti bakabayaya mumane mwabazakila shuumbwe. ⁴⁹ Mu kaambo kaka, busongo bwa Leza bulaamba, ' Ndakatuma kuli mbabo ba shinshimi u batumwa, bamane balakabapenzha ukubayaya bamwi.' ⁵⁰ Ukuli chechi musela wezu ulakapewa mulandu nkaambo ka bulowa bwa ba shinshimi bwakatilwa kuvwa ku matalikilo anshi, ⁵¹ kuvwa ku bulowa bwa Abelo kushikila ku bulowa bwa Zakaliya walo wakayailwa akati ka chipaililo u chikombelo. Ee, ndaamba kuli umwe, musela wezu ulakasubulwa. ⁵² Mawe kuli umwe nuba shibusongo mu mulawo, nkaambo mwakusha twaambo toonse twa luzhibo; tamukanjili mo umwe nubeni, alimwi mulashinkila babo banjila mo." ⁵³ Nakakuvwa Jeso, balembi uba Falisi bakakazhanya aze mushintu shinjishinji, ⁵⁴ mukulindilila bakamuteya walo kwamba batelele nchakaamba.