¹ Nikwaita sheshi shintu, Mwami wakasala bali makumi chiloba ukubatuma bobile bobile kumbele lyakwe mu minzhi yoonse uku busena koko nkwakuzanda kuya walo. ² Wakaamba kuli mbabo, ''Butebuzhi mbunji pele basebezhi mbashoonto. Ubobo amukumbile mwami wabutebuzhi kwaamba atume basebezhi mubutebuzhi bwakawe. ³ Kamuya. Amubone, Ndamutuma ukoya imbelele akati ka baumpe. ⁴ Mutabwezi choola cha mali, na choola cha kweenzha, na impato, alimwi mutaanzha muntu naaba womwi munzhila. ^{5 6} Kufwumbwa in'ganda njimwanjila, mutangune kwaamba, ''Lumuno lube a 'nganda yezhi!' kuti mwana wa lumuno ngali awo, lumuno lwenu lulakala ali nguwe, pele na kwiina, lulapiluka kwenu. ⁷ Amukalilile mun'ganda mumona momo, kulya ukunwa nshiba mupa, nkaambo musebezhi ulyelele bulumbu bwakwe. Mutakeenda kuya buzhinguluka mu maanda. ⁸ Kufumbwa munzhi ngumwanjila, amana bamutambula, amulye nchiba musengelela. ⁹ alimwi mukaponye balwazhi bali koko. Amubaambile ati, 'Bwami bwa Leza bweza kufwafwi amwe.' ¹⁰ Kufumbwa mwanjila mu munzhi amana baina kumutambula, muye mutuzhila ukwaamba, ¹¹ 'Ulufuko lwa mu munzhi wenu lukwatilila ku matende esu twalu kunkumunina kwenu! Pele amwazhibe aza kwamba bwami bwa Leza buli afwaafwi.' ¹² Ndamushimwina ati bolya buzuba bulakabaala ali Sodoma ku munzhi wezo. ¹³ Mawe kwako u Kolazini! Mawe kwako u Betisaida! kuti milimo yakachitwa mwako niyakachitwa mu Taya u mu Sidoni, nibakabeba kale kale, kukala mu shisani sha masaka u mwitwe. ¹⁴ Pele chilakabaala ku Taya u Sidoni kubetekwa kubaazha umwe. ¹⁵ Uwe, Kapenaumu, sa ulatelaika ati ukalakasumpulwa kwizeulu? Pepe, ulakatolwa anshi ku shuumbwe. ¹⁶ Wezo ukutelele ulatelela ume uwezo ukukaka ulankaka ame, alimwi uwezo ukakaka ume, ulakaka wezo wakantuma.'' ¹⁷ Bali makumi chiloba bakazhoka u lutangalo balaamba, ''Mwami oonse u ma daimona akalichesha kwesu mwizhina lyako.'' ¹⁸ Jeso wakabambila, ''Ndakumwebela Jeso wawa kuvwa kwizeulu ukoya lulabo. ¹⁹ Amubone, ndamupa insana shakulyata a bazoka a tubanze, alimwi a nsana sha shinkondo wenu, ulimwi kwina chiti chikamuchise nichiba chomwi. ²⁰ Nikuba bobo mutabotelwa buyo kuli chechi,ati myoza yakamutelela, Pele amubotelwe chibaala kwaamba mazhina enu alembwa kwizeulu.'' ²¹ Achiindi checho wakabotelwa chibaala mu Moza Usalala alimwi wakaamba ati, Ndakutembaula uwe, Taata, Mwami we zeulu iinshi, nkaambo sheshi wakashisoseka ku basongo ubabo bakwete luzhibo umane wazubulwila babo batayiile, ukoya bana bashoonto. Eeye,Taata kachili chibotu ku menso ako. ²² ''Shintu shoonse shapewa kwangu kuvwa kwa Taata, ulimwi kwiina umwizhi Mwana chita Ushi, alimwi kwiina umwizhi Ushi chita Mwana ubabo mbasala Mwana kwaamba abezhibye nguwe.'' ²³ Amane wakachindulukila ku bashichiiya ukubambila mumaseseke ati, Mbalongezhe babo babona shintu nshimubona. ²⁴ Ndamushimwina ati, banji bashinshimi u bami kabazandisha kubona sheshi shintu nshimubona, pele baina nibakashibona, ukutelela shintu nshimwatelela, pele baina nibakashitelela.'' ²⁵ Amubone, muntu ukwete luzhibo lukando mu mulawo wakazhimuka kwaamba amusunke, ulaamba, ''Mwiiyi, nchiinzhi nchinjelele kuchita kwaamba nkayane bumi butamani?'' ²⁶ Jeso wakamwambila ati, ''Nchiinzhi chilembelwe mu mulawo? Mbubuti mbu chibala?'' ²⁷ Wakamwingula ulaamba ati, ''Ufune Mwami Leza wako u mozo wako woonse, u moza wako woonse, ku nsana shako shoonse, uku mizeezo yako yoonse, alimwi ufune shimukobo noko mbubona mbulifwini umwini.'' ²⁸ Jeso wakamwambila ati, Waingula kabotu. Chita chechi, wamana ulakapona.'' ²⁹ Pele walo, kuzandisha kulisalazha, wakaamba kwa Jeso ati, ''Nguni shimukoboma?'' ³⁰ Jeso wakamwingula ati, ''Umwi mulombwana kaya bweenda kuvwa ku Jelusalema kuya ku Jeliko. Wakaswanganya bateu, balo bakamunanga shintu nshakakukwete, bamuuma bamushiya muwizushi. ³¹ Mu choolwe umwi mupaizhi kaya bweenda munzhila njiyona yezho, nakamubona wakamuzeeluka waita luya lunji. ³² Munzhila njiyona mu Levi aze nakashika a busena wamubona, wakamwitilila waita kumbali. ³³ Pele umwi mu Samaliya, nakakuya bweenda , wakashika ngakakubele. Nakamubona, wakafwa inkumbu. ³⁴ Wakaswena kufwaafwi amane wamwaanga ashilonda shakwe, watila wo mafuta u waini. Wamulizika a munyama wakwe ukumutola kun'ganda ya beenzu, ukumubamba. ³⁵ Mubuzuba bwakachilila wakakusha mali akwana ba Denali bobile, amane wamupa shikutambula beenzu amane wamwambila ati, 'Umubambe wezu muntu, alimwi kufumbwa nchimukaasebezha, ndakazhoka, ndakamulipila.' ³⁶ Nguni wababa botatwe uwe ngutelaika ati ngushimukobo nina wezu wakaswanganya bateu?'' ³⁷ Wakaamba, ''Nguwezo wakatondezha luse kumuntu wezo wakaumwa.'' Jeso wakamwambila ati, ''Koya aze ukachite mbubona.'' ³⁸ Lelyo nibakakuya bweenda, wakenjila mu munzhi umwi, mukaintu umwi wezhina lya Malita wakamutambula mun'ganda yakwe. ³⁹ Kakwete munina mukaintu wakutewa Maliya, wakakala ku matende a Mwami ukutelela izwi lyakwe. ⁴⁰ Pele Malita kapakeshe kubamba kwaamba asengele chakulya. Wakeza kwa Jeso u kwaamba ati, ''Mwami, sa tumubwene mukwesu ati wanshiya iche kwaamba nsengele iche? Ubobo mwambile ati anjovwe.'' ⁴¹ Pele Mwami wakamwingula ati, ''Malita, Malita, uwe ulalibilika ukupenga mushintu shinji shinji, ⁴² pele nchintu buyo chomwi chizandishi. Nchasala Maliya nchibotu, chalo chiina uti akamunange.''