¹ U bobo mupayizhi mukando, usalwa akati ka bantu, ulabikwa kwaamba bazhiminine bantu ku shintu shaamba makani aka Leza, kwaamba ati ape shipo alimwi u shipayizho sha shibi sha bantu. ² Ulababonzhezha monzo babo bayina nchibezhi alimwi u babo bakachengwa, kaambo aze lwakwe mwini mulengushi mu shintu shinji shinji. ³ U kaambo ka chechi, aze lwakwe mwini ulyeelele kupa shipayizho ku shibi shakwe mwini, mbubona mbwaachita kushibi sha bantu. ⁴ Kwiina muntu uulisala u kulibika bulemu bwakwe mwini. Pele, Leza nguuwoompolola, mbubona mbwaakasalwa Aloni. ⁵ Mbubona, naaba Kilisito wiina naakalipa lwakwe mwini bulemu kulibika mupayizhi mukando lwakwe mwini. Pele, wezo wakaakwaamba kwakwe wakaamba ati, "Uli Mwanangu; bwasunu Ume ndaba Uso." ⁶ Chili u koya mbwaakaamba mu malembe amwi, "Uli mupayizhi wa lyoonse bupayizhi bwa mushobo waka Melekizedeki." ⁷ Ku mazuba azo aa bumi bwakwe, Kilisito kalyeenzelela u kulila misozhi u kupumpa chakupozomoka kwa Leza, walo uulozha kumufwutula kuhwa ku lufwu, alimwi wakateelelwa u kaambo kakuti bumi bwakwe kabuli bwa buna Leza. ⁸ Nikuba kuti kali Mwanaakwe, wakayiya kulilemeka kuhwa ku mapenzhi akwe. ⁹ Wakalulamikwa alimwi wakaba, shikuleta lufwutuko lwa lyoonse u lyoonse kuli babo bamupa bulemu. ¹⁰ Wakabikwa u Leza kuba mupayizhi mukando mbuli mbwaakaakubele Melekizedeki. ¹¹ Tulikwete manji manji makani aa kwaamba aaka Jeso, Pele chilatukakila kupandulula kaambo mwakakilwa kuteelelesha . ¹² Inzho kwa cheno chiindi mwaakweezhi kuba bamaayi, uninzho muchizanda umwi kwaamba ati a muyiishe twaambo twa mulumbe waka Leza. Mulazandika kunwa mukupa, kutali chilyo chizumu! ¹³ Kuli woonse wezo u chinwa mukupa tana kuuzhiba mulumbe wabululami, u chili mwana mushoonto. ¹⁴ Pele chakulya chizumu ncha babo bakashima. Baba mbubabo balo u kaambo ka bubizu bwabo bakayiishiwa u kuteelelesha kwaandaanya chibotu kuhwa ku bubiyabi.