¹ U bobo, mbukuli ati chishomezho chakunjila mukulyookezha kwakwe kuchihwumizhiwe, atutiye, kwaamba ati kutabi naaba womwi wenu ulangilwa kuya kushaala. ² U kuti twakashimwinwa makani mabotu mbubona mbubakashimwinwa. Pele welya mulumbe wiina niwakabayohwa babo batakaba mu lushomo u babo bakachilila. ³ Kaambo uswe nitwakashoma tulakanjila molya mukulyookezha, mbubona mbwaakaamba ati, "Mbubona Ume mbundakalipinga mu bukali bwangu, Bayina nibati bakenjile mukulyookezha kwangu pe." Nikuba bobo, milimo yakwe wakeemanizha kuhwa ku matalikilo a luundu. ⁴ Kumwi kuluya wakaamba aa buzuba bwa chiloba: "Alimwi Leza wakalyookezha mu buzuba bwa chiloba kuhwa ku milimo yakwe yoonse." ⁵ Alimwi mukapango nkukona wakaamba ati, "Bayina nibaya kunjila mukulyookezha kwangu." ⁶ U bobo, mbukuli ati chileelela kuli bamwi kuya kunjila mukulyookezha, alimwi u babo bakataanguna kuteelela makani mabotu kukambaukwa nkubabele bayina nibakanjila u kaambo kakutachilila kwabo. ⁷ Leza alimwi wakabika buzuba bumwi, butewa ati "bwasunu," lelyo naakaamba kwiitila mwa Devidi ku chiindi chakayita mu mazwi azo aa kaambwa kale: "Bwasunu naakuti waliteelela izwi lyakwe, mutabi nimuzumya myonzo yenu." ⁸ Naakuti Joshiwa walo naakabapa kulyookezha, Leza naatakabaambila aa buzuba bumwi. ⁹ Ngaawo nkubuchili buzuba bwa Sabata bwa kulyookezha bwakabikwa a mabali bwa bantu bakwe Leza. ¹⁰ Woonse wezo uunjila mukulyookezha kwa Leza ati aze lwakwe mwini walyookezha kuhwa ku michito yakwe, mbubona Leza mbwaakachita ku milimo yakwe. ¹¹ U bobo atuzandishe kuya kunjila mukulyookezha koku, kwaamba kutabi naaba womwi uuya kukakilwa kunjila u kaambo ka kunyansha nkubakachita. ¹² Kaambo izwi lya Leza lilikwete bumi alimwi lilasebeza lilalampa kubaala icheba. Lilayasa nikuba kuya kwaandaanya bumi alimwi u moza, u kuyananina shifwuwa, alimwi ulalozha kubeteka mizeezo alimwi u matelaishi aali mu monzo. ¹³ Kwiina chintu checho chalo cha kalengwa chisosekelwe ku bushu bwaka Leza, Pele shintu shoonse shili atuba ku menso akwe wezo walo ngutweelele uswe kupandululila mbutwakapona. ¹⁴ Ubobo, mbukuli ati tulikwete mupayizhi mukandosha wezo wakaseluka kuhwa u mazeulu, Jeso mwanakwe Leza, atukwatishe kuli nchitwakalihwuminina. ¹⁵ Kaambo twiina mupayizhi mukando wezo ukonzha kukakilwa kutufwila inkumbu mu bulengushi bwesu. Nikuba bobo, tulikwete wezo walo wakasukushiwa munzhila shinji shinji ukoya nbutwakasushiwa aswe, nikuba bobo wiina naakachita chibi. ¹⁶ Inzho atukwate lushomo lwesu ku chuuna cha luse, kwaamba ati tutambule luse alimwi tuyane luse lutuyohwa mu chiindi nchitubula.