¹ Ishi eshali nitungulushi shafikolwe isha mubulongo, kabili iyi ninkulo yababo abafumine ku Babiloni na nemo mupindi imfumu Atasesesi alikuteka. ² Aba mukifyashi kyakwa Fineha, Geshomu, uwamukifyashi kyakwa Hama, Danyela, uwa mukifyashi kyakwe Dafiti, Hattushi. ³ Uwa mu kifyashi kyakwa Shecaniya, uwafumine kukifyashi kyakwa Paroshe, Zakaniya, kabili ali nebalalume 150 abalembelwe munkulo yakwe. ⁴ Aba mufikolwe fyakwa Pahata - Moabe, Eliyonai umwana wakwa Zelaya kabili ali nabalalume 200. ⁵ Aba mufikolwe fyakwa Zattu, Beni Jahazyele naya ali nabalalume 300. ⁶ Aba mufikolwe fyakwa Adini, Ebedi umu mwana wakwa Jonafani naye ali nebalalume aba lembelwe 50. ⁷ Aba mufikolwe fyakwa Elamu, Jeshaya umwana wakwa Mishele naya ali ne balalume 70 abalembelwe. ⁸ Aba mufikolwe fyakwa Shefatiya, Zebadiya umwana wakwa Ataliya naye ali nebalalume 80 abalembelwe. ⁹ Aba mufikolwe fyakwa Johabe, Obadiya umwana wakwa Jeyele naye ali ne balalume abalembelwe 218. ¹⁰ Aba fikolwe fyakwa Bani, Shelomite umwana wakwa Josifiya naye ali na balalume 160 abalembelwe. ¹¹ Aba fikolwe fyakwa Bebai, Zechaliya umwana wakwa Bebai naye ali ne balalume abalembelwe 60. ¹² Abafikolwe fyakwa Azigade, Johanane umwana wakwa Hakatani naye ali ne balalume abalembelwe 110. ¹³ Abo aba mu fikolwe fyakwa Adonikamu abaishile panuma. Aba bali amashina yaba: Elifelete, Jewele, na Shemaya kabili kulibo kwali abalalume bo. ¹⁴ Aba mu fikolwe fyakwa Biginai, Utai naba Zakure kabili kulibo kwali abalalume70 abalembwlwe. ¹⁵ Kankolonganya aba palwendo pa bwato ubo buya ku Ahava, kabili katwikala pa kambi ishiku shitatu. Nkapima abantu ne abasambile, lelo shasangilepo uli onse uwa mufikolwe fya bena Levi mulibo. ¹⁶ Palififyo nkatuma Elijezele, Alyele, Shemaya, ELenatani, Jalibe, na Eletana na Natai, Zechaliya, na Meshulamu - abali nintungulushi - kabili na Joyalibe na Elenata - abali bakufundisha. ¹⁷ Ikyankokelepo nali batumine kuli Iddo, intungulushi mu kasipiya. Nalibebele afyakulabila kuli Iddo neba longo bakwe, abasha bakwitempele abekala mukasipiya, pakwebati benga tutumina abasha abaku nanda yaba Lesa. ¹⁸ Palififyo kabatuma umuntu uweshina Shelebiya uwamano ukupitila mukuboko ukuweme ukwa ba Lesa. Ali uwa mufikolwe fyakwa Mali umwana wakwa wakwa Levi umwana wakwa Lsuleli. Alishile ne bana 18 ne ndume shi nakwe. ¹⁹ Naena kaisa na Hashabiya ukunako kwali Yeshaya, uwa mufikolwe fyakwa Merai, nebakulu bakwe ne bana babo, abantu amakumi abili. ²⁰ Pali babo aba salilwe ukubombele mwintempele, abo Dafiti ne ba milimo apele ukubombela abena Levi: 220,abalembelwe amashina. ²¹ Kabili nkandabila ukwikala nensala pa Afa Canali ukulikindika fwebene kuli ba Lesa, kukufwa inshila iyololokele kulibo iyesu, nabanike besu, kabili nefipe fyesu. ²² Nalyufwine isoni pakwipusha imfumu pabashilikale nanga pa bensha imbongolo mukutupokolola fwebo kubalwani ili tuli mushi, pakuti twalabila kumfumu, pakuti ukubuko kwaba Lesa besu kuli palibabo abamufwaya kufiweme, kabili amakosa ne bukali fili pali bonse aba mulubako. ²³ Palififyo katushikilwa ne nsala kabili ne kubafwaya ba Lesa pali kiki, kabili kabafwa itembelo lyesu. ²⁴ Ikyakokelepo nkasala abalalume ikumi limo na babili ukufuma mwibumba lyaba papachilishi: Sherebiya, Hashabiya, kabili ikumi limo indume shabo. ²⁵ Nalibapine siliva, golide, nefyapangilwe nfya milambu ifya nanda yaba Lesa pakuti imfumu ne nkokani kabili neba nkito, na Isuleli yonse yapele mukutemwa. ²⁶ Nkafipima mumaboko yabo fyali 650 amatalenta ya siliva, 100 amatalenta ya siliva ayafipangilwe, 100 amatalenta ya golide, ²⁷ amakumi abili aya masani ya golide aya babikele pamutengo 1,000 dariki, kabili nafibili ifyapangilwe bwino ifya bronze ifyali kwati ni golide. ²⁸ Lomba nkandabila kulibo, ''muli aba shilile kuli ba Yawe, nafifi ifipangilwe nafyo, na siliva na golide fyakupela ukufuma pakutemwe kuli ba Yawe, ba Lesa ba fikolwe fyesu. ²⁹ Filondeni ne kufisunga ukufika neli mukafipima pa menso ya ba nkito babapapatilishi, abena Levi, kabili neba kutungulula ba fikolwe imikowa yakwa Isuleli mu Yelusalemi mumiputule ya nanda yaba Lesa. ³⁰ Abapapatilishi nebena Levi kabasuminisha ifyapiminwe siliva, golide, nefya pangilwe pakuti benga fitwala ku Yelusalemi, kunanda yaba Lesa wesu. ³¹ Katuya ukufuma ku Aava Canale pabushiku bwekumi limo neshiku shibili umweshi wakutendeka ukuya ku Yelusalemi. Ukuboko kwaba Lesa besu kwali pali fwebo; ali tupokolwele ukufuma kukuboko kwaba lwani besu kabili nakuli babo abafwaile ukutubelamina mushila. ³² Lomba katwingila Yelusalemi nekwikala kulya ishiku shitatu. ³³ Kabili pabuku kine siliva, golide, nefyapangilwe filipiminwe munanda yaba Lesa besu, mukuboko kwa kwa Meremote umwana wakwa Uriya umupapatilishi. Abali nakwe bali Eliyaza umwa wakwa Finehase, Jozabadi umwana wakwe Jeshua, kabili na Noadiah umwana wakwa Binnui umwina Levi. ³⁴ Impendwa ne kulemo fintu fyonse fyali sangilwe. Yonse impendwa yali lembelwe pali iyo pindi. ³⁵ Kuli babo abafumine mukwikatwa, abantu ba mubusha, kabapela imilambu yakokya kuli ba Lesa bakwa Isuleli: Ingombe ikumi limo nashili ishalalume kuli bonse abena Isuleli, amakumi asano ne makumi ane nefisano na imo aya imbelele ishalalume, amakumi asano ne makumi abili na asanu na abili aya mikoko, kabili ne mbushi ishalalume ikumi limo na shili ngo mulambu wamasambi. Fyonse fyali lilambu lya fya kokya fyaba Yawe. ³⁶ Lomba kaba pela ukulapa mfumu kuba kulu ba mfumu kabili ne fitumba fumo fya mupusha ukupita inika, kabili bali kwashishe abantu ne nanda yaba Lesa.