¹ Ili fintu fyakitwa, Bafilolo kabesa kuli nemo nokulabila, ''Abena Isuleli, abapapatilishi, Naba Levi tabalyabenya abena ukufuma kubantu ba mu kyalo nokubifya kwabo. Abena Kenani aba Hiti, Penzziti, Jebusite, Ammonities, Mosbite, aba Ijipiti, naba Amoliti. ² Pakuti balipicile abana babo abanakashi nabalalume, nokusakanya abantu abaswetele na bantu ba mu kyalo, netangishi naba filolo abali mukimulwitabilo.'' ³ Ili naufwile ifi, nalitabwile ifyaku fwala netambo nokukulumuna imishishi ku mutwi wangi nokukunama, nokwikala panshi, nakusakanya. ⁴ Nabonse abatutumine pamashiwi yaba Lesa wa Isuleli pa lwitabilo mubusha nokubungama kuli nemo. Ili naikele panshi kabeyakene ukufika ikingulo kyafitapisho. ⁵ Lomba pa kingulo lya fitapisho nalimine ukufuma pakifulo kyangi muli bumuntu mukutabula ifyakufwala ne tambo, nokufukama panshi nokutanika amaboko kuli ba Yawe ba Lesa wangi. ⁶ Nali labila,'' Ba Lesa wangi, nasebana kabili ndi wasoni ukwebati nginune ipumi yangi kuli mwebo, pantu ububibwesu bwalundwapo ukukila pamitwi yesu, kabili nokushatwa kwakula na kwiulu. ⁷ Ukufuma kufikolwe ukufika na lelo tukishatilwe apakulu, mububi bwesu fwebo, nefumu shesu, nabapapatilishi twalipelwe mu maboko afumu shapa kyalo, ku kyebo, kubusha, kubona ushi nakupuni shasoni, fyeka tuli lelo. ⁸ Pano papindi itete, ikumbu ukufuma kuli ba Yawe ba Lesa wesu shaisa kuli fwebo nakufumya abashalapo nokubapelaapakungata mupusha iyiswetele,yali ni ba Lesa besu ukusamuna ameso esu nokutupela ukutusha kubusha. ⁹ Pakuti tulibasha, lomba ba Lesa tabatulubileko lomba balundapo ukulayana kwalwitabilo kuli fwebo. Bakitefi kumeso afumu ya Pesha pakwebati apane amakosa, ukwebati twibakulule inanda yaba Lesa wesu nokwimya ifitendekesha. Alikilefi ukwebati atupele iki bumba kyakufisama mu Yuda na mu Yelusalemu. ¹⁰ Lomba pano, ba Lesa wesu, twakulabilasha ni panuma yafifi? twalubako ukukabisha kombe. ¹¹ Ukukambisha mwapele kubabofi abakwaula, Ili mwalabile, ''Inopanga mulukwingilamo nokwikalamo taitubile. Ili kowelele na bantu nobunya. Bakisusha ukufuma kupelo na kupelo ukikowesha. ¹² Pano mwekapana abana banakashi ku bana banbo abalalume; mwekafya abana benu abalalume, kabili mweka fwaya uku yakwabo mutende ne mboshi, ukwebati mu konse nokulya ifweme ifya mu kyalo, mulekalenga abana ukwikala no pandi yonse.'' ¹³ Pano panuma ya fyonse ifyaishile pali fwebo. pakukita ifibipile nokushatwa ukukulu. Ili,ba Lesa wesu, baikata panuma ukubifya kwesu twaisunga nokusha ukufyuka abashalapo. ¹⁴ Nkashi kabili twingonaula imikambisho yenu nkusakana mukulyupa na bantu akikowesha? Kanshi tamwafitwe nokutonaula ukwebati takwashalepo bamo, nangu waku butuka? ¹⁵ Ba Yawe, ba Lesa wa Isuleli, mulyaba swetele, pantu twashalapo abakubutuka kuli bmo bashiku. Moneni! Tuli pano kumeso wnu mukushatwa, pantu takuli neli umo u-wakwimakana kumeso enu pamulandu wafifi.