¹ Palififyo imfumu Dariusa kaipeleka ifunde, nekufwaya mu nanda yaba kusompa, uwo basungile ifintu, mu Babiloni: ² Mumushi uweme uwa Ekebatana mumpusha ya Mediya kabasanga ikibalembelepo; nefyalembelwepo nififi: ³ ''Mu mwaka wakutendeka wamfumu Sailasi, Sailasi kapela umukambisho pa nanda yaba Lesa mu Yelusalemi: ''Lekeni inanda unsompwe libili nge mpusha ya fitapisho, lekeni ifya kutampilapo fyashikwe, lekeni ubutali bube bo 60 kyubiti, kabili namubwipi bo 60 kyubiti. ⁴ nemintatinko itatu iya mabwe akulu nemutantiko uwa mapaulanga aya bukumo, kabili nemalipilo yabe ayakulipilwa mu nanda ya mfumu. ⁵ Pano bwesheni ifipangwa fya golide na siliva ifya mu nanda yaba Lesa, iyo Nebukatineza aletele ku Babiloni ukufumyamwintempele mu Yelusalemi nekufituma ukubwesha kwintempele mu Yelusalemi. Mukafibike mu nanda yaba Lesa.' ⁶ Pano Tatenai, umukulu wa mpusha ukufika kunika, Sheta - Bozenai, naba milimo abali mu mpusha ukufika nakunika, mufumeko! ⁷ Lekeni iyi ikinto yaba Lesa bushimwa. Umukulu naba Yuda abakulu bakansompa inanda yaba Lesa pampusha ilya. ⁸ Nkopela umukambisho ukwebati mufwile mwakita iki pakuti abakulu baba Yuda aba kunsompa inanda yaba Lesa: Ifyakutikulipilwa ukufuma ifyakunsonka ukupita nakunika fikabomba ukulipila aba abalalume pakuti tabalekele ukubomba ikinto yabo. ⁹ Fyonse ifikufwikwa - ingombe ishalalume ishinini, imbelele nangu mikoko ishakupela imilambu kuli ba Lesa ba Mwiulu, imbuto, umukele wainini, nangu mafuta ukulingana ne mukambisho wa bapapatilishi mu Yelusalemi - peleni ifi fintu kulibo kilabushiku ukwakubula kifilwa. ¹⁰ Mukite ifi pakuti bakulu kuleta ifya milabu mukufwisha bwino ba Lesa aba mwiulu nekutembela pa bumi bwa mfumu ne bana bakwe. ¹¹ Napeleka umukambisho pakwebati nga uli onse atobe uya umukambisho, ikyakuposapo ifisoso mukakifumye pa nanda yakwe kabili afwile palikyo. Lnanda yakwe ifwile ukuyalila iyakuposapo ifiko musango wakiki. ¹² Lekeni ba Lesa abalengela ishina lyakwe ukumfwanika uku afumyepo imfumu ili yonse nangu bantu abemya ukuboko mukonaula ikipope, nangu konaula iyi nanda yaba Lesa mu Yelusalemi. Nemo, Darius, nalabila mukupela uyu umukambisho. Lekeni kikitikwe ne mukinshi!'' ¹³ Lomba pamusango wa mukambisho ukufuma ku mfumu Darius, Tatenai umukulu wa mpusha ukupita naku nika, Shetare - Bozenai, ne ba munkokelepo, kabakita fyonse ifyo imfumu Darius abebele. ¹⁴ Lomba aba Yuda abakulu kaba nsompa nekupelwa ukupitila mukufundishiwa kwakwe Haggai uwa kwaula na Zakaliya, ikolwe kyakwa Iddo. Kabapwisha ifya kunsompa fyabo ukulingano nemukambisho waba Lesa abakwa Ishileli nemukambisho wakwa Salaisi, Darius, na Atasese imfumu yakupesha. ¹⁵ Inanda yalipwile bwa butatu bwa mweshi Adare, mu mwaka wa Isanu na umo mu mfumu Darius alikuteka. ¹⁶ Abene Ishileli, abapapatilishi, abena Levi, na bashelepo abasha kabasangalala pakulombelela iyi nanda yaba Lesa nekutemwa. ¹⁷ Kabala 100 ingombe ishalalume, 10 imikoko iyalalume, na 400 imikoko iyalalume iya kusachila inanda yaba Lesa. Imbushi ikumi limo na shibili nasho kabaleta nge milambu yesambi ku bana ba Ishileli bonse, imo pamushobo onse uwa mu Ishileli. ¹⁸ Kabili kabeba abapapatilishi na bena Levi ukubomba ikinto mukuyabanya mukubombela ba Lesa mu Yelusalemi, ngefyo kyalembelwe mwiulu lyakwe Mosesa. ¹⁹ Kuli baba abali mubusha kabasangalala pabushiku bwa ikumi limo neshiku shine isha mweshi wakutatika. ²⁰ Abapapatilishi na bena Levi bonse kabaliwamya abene; Bonse bali abatubili. Kabili kabepaya ifya milambu iya bonse ababili mubusha, ifyakubikako na bene. ²¹ Abena Ishileli abalile inama shimo isha mukililo kya kupitila bali nibabo abafumine ukufuma mubusha nekulipatulako abene kufya busali ifya mu kyalo ne mushili ne kufwaya ba Yawe, ba Lesa bakwa Ishileli. ²² Kabasangalala ifya kubilisha panshi shisanu na shibili, pakuti ba Yawe babaletela ukusangalala ne kwalulula umutima wa mfumu waku Asilya mukukosesha amaboko yabo mukubomba inkinto ya nanda yakwe, inanda yaba Lesa abakwa Ishileli.