¹ Lomba Haggai kasesema na Zakaliya kasesema, ikikolwe kyakwa Iddo, kasesema mwishina lyaba Lesa abakwa Ishileli kuba Yuda na Yelusalemi. ² Zerubbbele umwana wakwa Sheatiyela na Jeshua umwana wakwa Jozadaki kabema nekutendeka ukunsompa inanda yaba Lesa mu Yelusalemi naba kasesema aba bafwileko. ³ Lomba Tattenai kamfinyala wampusha ukufika naku niko, Sheta - Bozenai, nabo ali nabo kabesa nekulabila ati,'' Ninani wamipela isambu lwa kunsompa iyi nanda iyi nanda ne kupwisha ifi ifibumba?'' ⁴ Kabili kabalabila ati, ''Amashina yababo abankonsompa iyi nanda nibani?'' ⁵ Pano ilinso lyaba Lesa lyali paba Yuda abakulu neba lwani babo tababakenye. Balikupembelela inkalata ukutuma kuli Darius kabili nemulapo uku mubwesesha kulibo ukulingana nakiki ⁶ Iyi enkalata yakwa Tattenai, umukulu wampusha ukupita nakunika, kabili Shetabozena nabakulubali lwakwe mumpusha ukupita kunika, uko batumine kuli Darius imfumu. ⁷ Kabatuma amashiwi, mukulembafi kuli Darius,'' Umutende onse abe wenu. ⁸ Lekeni mwemfumu mwishibe ati twalila ku mpusha ya ku Yuda kunanda yaba Lesa abakulu. Ili kunsompwa ne mabwe akulu nemapulanga ayemikilwe mufibumba. Iyi kinto ikombeka bwino nekupalwa mumaboko yabo. ⁹ Katwipusha abakulu, 'Ninani wamipele umulapo uwakunsompa iyi nanda nefibumba?' ¹⁰ Katubepusha ne mashina pakuti yeshibikwe kuli mwebo; nemo shina yabalalume iyali pa mitwe yaba yalilembelwe panshi. ¹¹ Ifi efyo batwasukile, 'Tuli aba bomfi ba umo uli ne Lesa wa mwiulu, kabili tukonsompa iyi nanda iya nsompelwe imyaka iyingi iyapitapo ili imfumu ikulu iyakwa Ishileli ansompele nekwipwisha. ¹² Palififyo, ili ifikolwe fyesu fyalukile ba Lesa ba mwiuli, kabapela mu maboko yakwa Nebukatineza imfumu yaku Babiloni, nabena Chalideni, abaonawile iyi nanda nekupinta abantu mubusha mu Babiloni. ¹³ Nangula kyalifyo, mu mwaka uwakutendeka ili Sailasi ali imfumu ya Babiloni, Sailasi alipele umulapo uwa kunsompa libili inanda yaba Lesa. ¹⁴ Imfumu Sailasi kabwesha ifya golide na Saliva ifyapangilwe ifya ku nanda yaba Lesa iyo Nabukatineza afumishe mwintempele mu Yelusalemi ukutwala kwintempele mu Babiloni. Kafipoks kuli umo ishina sheshibaza, uyo asalile imukulu. ¹⁵ Kalabila kuliye, ''Bula ifi fintu. Kabiye nekufibika mwintempele mu Yelusalemi. Muleke inanda yaba Lesa insompwe uku.'' ¹⁶ Lomba uyu Sheshibaza kaisa nekwashika ikyakutendekelapo ikya nanda yaba Lesa mu Yelusalemi; kabili kikonsompwa, pano tangapwa.'' ¹⁷ Pano nga kyamiwamine mwe mfumu, kuti mwafwalisha mu nanda yabakunsompa mu Babiloni nga kilapo ukufuma ku nfumu Sailasi yalipelwe ukunsompa inanda mu Yelusalemi. Lelo lekeni imfumu intume ukufwaya kwakwe kuli fwebo.