¹ Ena i ka jinikalima ni yabaki sa Tui jiko kinia o Tiperiu Sisa ena gauna e viliutaki jiko kinia o Ponitio Pailato, ka turaga mai Kalili o Eroti, ka i liuliu ki na vanua o Tirakoniti o Filipi na tacina, ka i liuliu mai Apilini o Lisania; ² donumakia ni rau sa Bete Levu o Anasa ki Kaiafa, sa qai yaco na Vosa ni Kalou vi Joni na luvei Sakaraia e loma ni vanua. ³ Sa qai o koya ki na vivanua kece lia ka ra jiko volekatia na Joriritani, ka vunautakia yani me ra papitaisotaki o ira era vivutuni me rawa ni bokoci na nodrai valavala ca. ⁴ Me vaka ni sa volai tu ena i vola ni Aisea na parofita, "Na domona e dua sa kacikaci voli ina loma ni vanua, 'Nu caramakia na sala i Jiova, caka me dodonu na nona sala. ⁵ Ena buluti me cecere cake na buca kece, ka na talaraki sobu na viulunivanua kece vata na videlana, ka na vadodonutakia na veika sa veve, ka na valogaloga vinakatakia na sala sukusukura, ⁶ Era na raicia voki lia na tamata na nona vivabulai na Kalou." ⁷ Sa qai vosa mai o Joni vi ira nai lala, ka ra qai yani me ra papitaisotaki vua, "Oi ikodou na kawa ni gata, o cei sa vasalataki ikodou mo dou tuba tani na cudru sa bera jiko mai. ⁸ Nu varaitakia ni ko sa tamata vabulai dina, ena nomu cakacaka ka mo ni kakua ni tekivu mo ni vitukuniyakia vi ikonu, 'Ni sa tamamu o Eparama.' niu sa tukunia vi ikodou ni sa rawarawa vua na Kalou me vukici ira na vivatu koya mera luvei Eparama ⁹ Sa tu sara tu lia koya na matau ena vunikau, me tatalakia sobu kinia na kau kece ka yali ni vuatakia na vua vinaka, mera dai yani ki na bukawaqa. ¹⁰ Era sa qai tarogi koya na lewe levu, ka tukunia, "Se cava mera caka?" ¹¹ Sa qai saumia ka tukunia vi ira o Jisu, "Kevaka e dua sa rua jiko na nona sote me solia vi koya e yali dua tu na nona sote, ki koya e tu vua na kakana me caka voki lia va gona." ¹² Era qai voki lia vua na daukumunia nai vacavacava mera papitaisotaki, ka tukunia vua, "Vavuvuli na cava me kimamu caka?" ¹³ Sa tukunia vi ira o koya, "Ni kakua ni kumunia vasivia nai lavo mai na kena ka dodonu mo dou kumunia." ¹⁴ O ira voki lia na sotia era sa tarogi koya, "ka tukunia na cava me kimamu caka?" Sa qai tukunia ira o koya, "Ni kakua ni tauria vakaukauwa nai lavo mai vua e dua na tamata se beitaki koya vailasui. Ni kakua ni didivakia na ikonu i sau." ¹⁵ Sa tekivu me tubu cake na nodra vanuinui na tamata, sa tekivu voki lia mera vatarogia e lomadra de sa Karisito beka ko Joni se yali; ¹⁶ Sa qai vosa mai o Joni ka tukunia vi ira, "Au sa papitaisotaki ikonu ena wai, ia, e dua ena muri au mai, e levu cake vikirau, ka yali rawa vi au serekia na wa ni nona i vava. Ena papitaisotaki ikodou ena Yalo Tabu ki na bukawaqa. ¹⁷ Sa luku tu e ligana o koya na nona sivi ni sila me vasavasavatakia o koya na sila ina nona rara ni qaqi sila, ka binia vata mai na sila ki na nona lololo. Ka na qai visa na beteni sila ena buka sa yali ni boko rawa." ¹⁸ Sa vivauqeti oti ko Joni ena nona vunautakia vi ira na tamata nai tukutuku vinaka. ¹⁹ Ia ko Eroti nai liuliu o koya ka vunaucia ko Joni ena vukui Erotiasa na wati Filipi na tacina ena vuku ni veika ca kece lia a caka oti o koya. ²⁰ Sa qai kenai kuri ni ca a caka ena nona daini Joni i valenivivesu. ²¹ Ni ra sa papitaisotaki oti na tamata, sa qai papitaisotaki voki lia ko Jisu, ia ni sa masu tiko ko koya sa tawase rua na lomalagi. ²² ka sa qai sobu mai vua na Yalo Tabu me vaka na ruve, ka sa rogo mai e dua na domo mai lomalagi, ka tukunia mai, "Sai iko na noqu Gone ni toko." ²³ A tekivutakia na nona cakacaka ni vavuvuli o Jisu ni se qai yabaki tolusagavulu, ka tukunia, ni o koya e luvei Josefa na luvei Ili, ²⁴ ko koya na luvei Macati, ko koya na luvei Livai, ko koya na luvei Meliki, ko koya na luvei Jani, ko koya na luvei Josefa, ²⁵ ko koya na luvei Matacei, ko koya na luvei Emosi, ko koya na luvei Neumi, ko koya na luvei Esili, ko koya na luvei Nake, ²⁶ ko koya na luvei Maaci, ko koya na luvei Mataceia, ko koya na luvei Semei, ko koya na luvei Josefa, ko koya na luvei Juta ²⁷ ko koya na luvei Joanani, ko koya na luvei Risa, ko koya na luvei Serupepeli, ko koya na luvei Salacieli, ko koya na luvei Niri, ²⁸ ko koya na luvei Meliki, ko koya na luvei Ati, ko koya na luvei Kosami, ko koya na luvei Eliotama, na luvei Eri, ²⁹ ko koya na luvei Josua, ko koya na luvei Iliesa, ko koya na luvei Jorima, ko koya na luvei Macati, ko koya na luvei Livai ³⁰ ko koya na luvei Simione, ko koya na luvei Juta, ko koya na luvei Josefa, ko koya na luvei Jonani, ko koya na luvei Elaiakimi, ³¹ ko koya na luvei Melea, ko koya na luvei Menani, ko koya na luvei Mataca, ko koya na luvei Necani, ko koya na luvei Tevita, ³² ko koya na luvei Jese, ko koya na luvei Opeti, ko koya na luvei Poasa, ko koya na luvei Salomini, ko koya na luvei Nasoni ³³ ko koya na luvei Amenatave, ko koya na luvei Atamini, ko koya na luvei Erami, ko koya na luvei Eseroma, ko koya na luvei Veresi, ko koya na luvei Juta, ³⁴ ko koya na luvei Jekope, ko koya luvei Aisake, ko koya na luvei Eparama, ko koya na luvei Tera, ko koya na luvei Neori, ³⁵ ko koya na luvei Seruki, ko koya na luvei Rekau, ko koya na luvei Peleki, ko koya na luvei Eperi, ko koya na luvei Sela, ³⁶ ko koya na luvei Keinana, ko koya na luvei Arivakisati, ko koya na luvei Semi, ko koya na luvei Noa, ko koya na luvei Lemeki, ³⁷ ko koya na luvei Mecuisela, ko koya na luvei Inoki, ko koya na luvei Jereti, ko koya na luvei Maleli, ko koya na luvei Kenana, ³⁸ ko koya na luvei Inosi, ko koya na luvei Seci, ko koya na Atama, ko koya na luvei ni Kalou.