¹ A sa raici ira na vutuniyau ni dainia na nodra soli ena kena kato. ² A sa raicia voki lia e dua na yada dravudravua ni dainia e rua nai lavo lailai. ³ A sa tukunia ko koya, au sa tukunia vaidina vi ikodou, Na yada dravudravua koya sa dainia valevu, mai vi ira kece lia. ⁴ Era sa soli mai na ka e vuabale vi ira. ia na yada gona, mai na nona dravudravua, sa dainia kece sara lia nai yau me bula kinia. ⁵ Ia ni sa tukunia na vale ni soro ko ira eso, ni sa vaiukuukutaki ena vivatu vinaka vata ki nai solisoli, sa tukunia ko koya. ⁶ Na veika koya, dou sa raicia, ena yaco na siga ena yali ni vo voki e dua na vatu vitaqataqai, ena talarakia sobu kece lia. ⁷ A ra sa tarogi koya, ka tukunia, "Vavuvuli, ena yaco ni naica na veika koya? Ia ka cava na kenai vatakilakila ni sa voleka lia ni na yaco mai kinia na ka koya? ⁸ A sa tukunia ko koya, dou qarauni ikodou vinaka de dou na vacalai: ni ra na lewe levu era vacacavutaki au, ka tukunia, koi au lia. Ko koya, a sa qai toro voleka na kena gauna: mo ni kua ni muri ira voki. ⁹ Ia ni dou sa rogocia nai tukutuku ni valu, se na visei, kakua ni kidroa: ni sa dodonu me yaco mada e liu na veika koya: ia sa yali ni voleka sara nai vataotioti ¹⁰ Sa qai tukunia vi ira koya, ena vibolebolei na vanua eso vata ki na matanitu eso: ¹¹ Ia na tavuki valevu na vivanua eso, ena tubu voki lia na dausiga vata ki na mate ca; ia ena rairai eso na ka dauvivarerei ka so nai vatakilakila levu mai lomalagi. ¹² Ia ni se bera ni yaco na ka kece lia koya era na tauri ikodou, ka vacacani ikodou, ka soli ikodou kinia vivalenilotu vata ki na vale ni vivesu, ia dou na yadi ki na matadra na tui vata ki na kovana ena vuku ni yacaqu. ¹³ Ia na ka ena yaco me nomudou i vaidinadina. ¹⁴ O koya mo dou qai vataudeitakia na lomamudou, mo dou kakua ni vananumia mada e liu na ka mo dou tukunia. ¹⁵ Niu na solia vi ikodou na gusu vata ki na vuku, ena yali kinia na nomudou meca ena viletitakia rawa, se voratia. ¹⁶ Ia era na soli ikodou yani na nomudou qase vata ki tamamudou vata ki ira na kai nomudou vata ki na wekamudou a ra na vavunia na mate eso vei ikonu. ¹⁷ Ia ena cati ikonu na tamata kece lia, ena vuku ni yacaqu. ¹⁸ Ia ena yali ni rusa e dua na drau ni ulumudou. ¹⁹ Dou na maroroya na yalomudou ni dou na vosotia. ²⁰ Ia ni dou sa raicia ni sa buki na druadrua mai Jeruisalemi mai vi ira na mataivalu eso, dou kila kinia ni sa qai voleka na kena ca sara. ²¹ Me qai tuba voki i ulunivanua ko ira era tiko e Jutia, ia ko ira sa tiko e loma me ra qai tani; me kakua voki lia ni curu mai kinia ko ira sa tiko ena viyasana ki vanua. ²² Ni sa gauna ni visausaumi koya, me vayacori kece kinia na ka sa volai. ²³ Ka na ca vi ira na bukete vata ki ira era vasucumia na gone ena gauna koya! ni na ca valevu sara na vanua, a ra na cudruvi valevu na tamata koya. ²⁴ A ra na vamatei enai selewau, a ra na yadi vabobula ki na vivanua: a ra na butuki Jeruisalemi sobu ko ira na vimatanitu, me yacovia nai vataotioti ni nodra gauna ni vimatanitu. ²⁵ Ena qai tu nai vatakilakila eso e na mata ni siga vata ki na vula vata ki na vikalokalo, a ra na ca e vuravura, ni ra na kidroa ena kena vadugu na wasaliwa ki na biau. ²⁶ Ena kania voki na yatedra na tamata na rere, ni ra warakia na veika sa voleka ni yaco e vuravura: ni na vitosoyaki ki na veika kaukauwa ni lomalagi. ²⁷ Ia era sa qai raicia na luve ni tamata ni sa qai mai ena o ena kaukauwa vata ki nai ukuuku levu. ²⁸ Ia ni sa vatekivu me yaco na veika koya, dou tucake ka vosa vagalegalei ikodou ni sa voleka ni vabulai. ²⁹ A sa vosatakia vi ira e dua na vosa vatautauvata: raicia na lolo, ki na vikau kece lia; ³⁰ Ni ra sa tubu, dou sa raicia ka kila kinia vakai ikonu ni sa voleka na vulai katakata. ³¹ Sa vavoki lia kinia koi ikonu, ni dou sa raicia na kena yaco na veika koya, dou na kila kinia ni sa voleka na matanitu ni Kalou. ³² Au sa tukunia vamatata vi ikonu, ena yaco mada e liu na ka kece lia, ena yali ni takali na tabatamata koya: E ³³ na takali ko lomalagivata ki vuravura, ia na noqu vosa ena yali ni takali. ³⁴ Ia dou qarauni ikodou vavinaka, de dua na siga sa bibi kinia na yalomudou ena kakana, vata ki na daumateni, vata ki na lomaocaoca ena veika ni bula koya, ka yaco vakidacala kinia vi ikodou na siga koya. ³⁵ Ni sa va nai cori ni yaco vi ira kece lia era sa tiko e delai vuravura taucoko. ³⁶ O koya mo dou qai vatawa, ka masu tiko lia, mo dou vabau kinia mo yaga me bula mai na ka kece lia koya ena yaco mai, ka tu e mata ni luve ni tamata. ³⁷ A sa vatavuvuli tiko ko koya ena vale ni soro ni sa siga, ia ni sa bogi sa qai yani ka moce e ulu ni vanua sa vayacani kinia na violive. ³⁸ A ra sa qai mai vua na lewe levu ki na valenisoro ni sa savulaci caca, me ra rogoci koya.