¹ E qai tukunia voki lia vei iratou nona tisaipeli ena dredre me yali yaco eso na ka ni vivatarabetaki. ² Ena vinaka voki lia me valiligia e domona e dua na vatuqaqi me qai kolotaki voki i wasawasa, me kua voki lia ni vatarabetakia e dua vi ira na lalai koya. ³ Mo qaraunia iko, ke sa valavala ca voki lia na tacimu, vunaucia, ia kevaka sa vivutuni voki lia vosotia. ⁴ Ke valavala ca voki lia vakavitu vei ikonu ena dua voki lia na siga qai lesuvia mai vavitu, e dodonu mo vosotia. ⁵ E ratou mani tukunia voki lia na Turaga na apositolo: ni valevutakia mada na nitou vabautia. ⁶ E qai tukunia voki lia na Turaga kevaka voki lia na levu ni sore ni mosita na nomudou vabauta, dou rawa ni tukunia voki lia ina vunikau levu koya, mo cavutia me lai tei voki lia i wasawasa ena talairawarawa vi iko. ⁷ O cei vei ikodou ena tukunia vi ira nona tamata cakacaka e dau siviyara se vatawa manumanu ni lesu voki lia mai na teitei, "qai voki mai na teveli mo mai kana." ⁸ Ena yali ni tukunia lia vua, varautakia e dua na ka me kana mada, daramakia mai na nomu beliti ena nomunu isulu ni varau kakana mo qaravia voki lia, oti voki lia noqu kana voki lia o iko, mo somi voki lia, ⁹ Ena yali vavinavinaka voki lia vua na tamata cakacaka ya ni caka na ka lia e lesi me caka, se vacava? ¹⁰ O iko voki lia, ni dou sa caka na ka kece e lesi voki vi iko, mo dou qai tukunia: kimamu dau viqaravi sa yali ni yaga voki lia, Kimamu sa caka eda dodonu voki lia me kitou caka. ¹¹ Ena gaunisala ki Jeruisalemi ena qai via na kidrau maliwa o Samaria ki Kalili. ¹² A qai curumia mai edua lia na koro, ka qai sotavia kinia e tini na tauvi vukavuka. ¹³ A ratou a tiko mai vayawa, ka ratou qai kailavaki mai ena domo i levu "Jisu, noqu Turaga ni lomani kimamu mai." ¹⁴ Ni sa raici iratou ka tukunia vi iratou, "qai ka varaitaki ikodou vua." Ena nodratou qai ratou sa savasava, ¹⁵ ka dua vi iratou, ni sa raicia ni sa vabulai, e vanadaku, vavinavinakatakia na Kalou ena domoilevu. ¹⁶ Ka lutu sobu ena yavai Jisu ena matana, ka vavinavinaka tu lia. ¹⁷ Ka saumia ko Jisu, "E yali beka ni dou lewe tini sa yali mai na lewe ciwa na vukavuka." ¹⁸ Sa yali niu raicia e dua me lesu voki mai me mai varokorokotakia na Kalou, ko koya voki lia na kai tani koya. ¹⁹ Sa qai tukunia voki lia vua ko Jisu "mo tucake ka qai lia, sa vabulai iko voki lia na nomu vabautia." ²⁰ Ia ni ra tarogia na Farisi na gauna ena yaco mai kinia na matanitu, e saumia voki lia vei ira. "Ena yali voki lia ni laurai levu sara na yaco voki mai ni matanitu ni Kalou. ²¹ Era na yali ni tukunia voki lia, "raicia mai vakoya ! se raicia gona! Ni sa tiko maliwai ikodou voki lia na matanitu ni Kalou. ²² Era qai tukunia vi iratou na tisaipeli ena yaco voki lia na gauna dou na via raicia kina e dua voki na siga ni luveni tamata, ia dou na yali ni raicia. ²³ Era na tukunia, raicia i na vanua gona se raicia koya, dou kua ni qai se cici muri ira voki. ²⁴ Ni na vavoki lia na tibi ni liva e laurai era dua na yasai lomalagi na dua voki, ena vaka voki lia na luveni tamata ena nona siga. ²⁵ Eda na sotavia mada iliu e levu voki lia na ka rarawa ena cati koya voki lia na taba tamata koya. ²⁶ Kenai kuri voki lia, na nona siga na luve ni tamata na va voki lia na siga ki Noa. ²⁷ Era na kana voki lia, era somi, era vawati voki lia na tagane vata ki na yalewa me yacovia na siga e vodo kina na waqa o Noa e yaco voki lia mai na waluvu e qai varusai ira kece lia. ²⁸ E vaka voki lia na ka e yaco ena siga i Loti, era na kana voki lia, era somi voki lia, era na volivoli, era na volivolitaki voki lia, era na teitei voki lia, era na tara vale voki lia. ²⁹ Ia na siga ka qai tani kinia ko Loti ki Sotoma sa qai tau mai lomalagi na bukawaqa vat ki na sulufure ka qai vamatei ira kece. ³⁰ Ena vaka voki lia kinia ena siga na rairai kinia na luve ni tamata. ³¹ Ena siga voki lia koya sa tiko ena delani vale ka sa tu voki lia ena lomanivale na nonai yau me kakua ni qai sobu mai me yadia voki tani ko koya sa tiko mai na were me kakua ni lesu voki. ³² Dou nanumia na wati Loti. ³³ Koya yadua sa yali ni maroroya na nona bula ena vayalia, ia ko koya yadua e vayalia ena maroroya. ³⁴ Au sa tukunia vi ikodou ena bogi koya erau na lewe rua voki lia ena dua nai mocemoce, ena kau tani voki lia e dua, ka dai tu e dua. ³⁵ Ena lewe rua voki lia na yalewa erau na vivuke me qaqi sila, ena yadi tani e dua ka dai tu e dua. ³⁶ Ena lewe rua voki lia na tagane me rau na tiko ena were ena yadi tani e dua ka dai tu e dua. ³⁷ A ra sa vosa, ka tukunia vua, Evei, Turaga? a sa tukunia vi ira ko koya, ena yasana kece sa dai kinia na yago, ena soqoni vata voki lia kinia na ikeli.