¹ Pakujinae, baja Salomón wereta pewajitsijawa, isoto jopa atjübüwetsika dajjita pekotia wünÚka pajara paboo. ² Dioso pitapetsiwitsi temploboo peewetsiwi apo kuene kaji paetsi pejonewa petujjanenü piajaboyalia, tsipiji wünüka peniweniwenae kotia. ³ Dajjita tomara pijiwi israelitawi tane itsa jopaika isoto atjübüwetsika petujjanenü pekotia ruka bajara paboo matatsinita. Pajara pamonae nubenajunua pematabakabito irataeya peirajjatatsi boo jawato nawajikanubena rajuta nua pejjania kuene petujjanenü. Bajara pamonae jumaitsi: "Tsipaje pajara ponü pejjania jamatabü kuenenü, tsipaji pejjania aikuene wajjatsi jawaberena tsiteka dajjüta matakabü nejja. ⁵ Pajara pakuenia nakua ewetsinü dajjita piajajiwi totajuita ofrenda pijanekonü yabara petujjanenü pitabarata. ⁴ Nakua, ewetsinü Salomón rajuta ofrenda veinti dos mil (22,000) pabueye ciento veinte mil (120,000) pa oveja cabra yajawa. Bajara pakuenia, nakua ewetsmü dajjita pijajiwi yajawa toonubena petujjanenü piaja boota. ⁶ Dioso pitapetsiwitsi nubena, kaejiwi kanakujitsia jota itsa tonakuenebabiabai; levipemomojji ata kanubena pekanajjinaejawanü petujjanenü nejja, jjüanü David nakua ewetsinü nakuenebejeba pewinüjjanía tsinejja petujjanenü penajjianaejawata: "Tsipaji pejjania jai jamatabükuene tsiteka dajjita matakabi". Dajjita Dioso pitapetsiwitsinajumetsi ejjana trompeta dajjita jiwi pita barata dajjita tomara pijiwi nubenajjuaba. ⁷ Salomón yatukuta petujjanenü pijaboo itapajawato. Bajara jota bajara ponü rajuta ofrenda tajuitsiaya penasitsi pijinio rajuta ofrenda penakuajjania nejja, tsipaji altar bronce jawa pajara ponü peakuene banutsi jawa apo kuene kajipae baja petajuitsi nejja, ofrenda naekuai kuene penasitsi yajawa ata. ⁸ Bajara pakuenia nejjata, Salomón nakueneba pebari yajawa siete (7) bamataka bibeje, dajjita israelitawi yajawa ponapona, pekanua bitsauto nakaetuana Lebo Hamat verena kujinae yako pia nukatsi kirrimeneyo Egipto jawabelia. ⁹ Ocho (8) matakabita kapona pebariya jamatabü kuene nakaetuana, baitsi bajara pamonae ewetsiaya jinawanapa altar siete (7) pamatakabi beje jjaewanapa nabanewanaba siete (7) pamata kabibejeata. ¹⁰ Siete (7) meses veintitrés (23) pamatakabibeje kujinae, Salomón itoroba piaja jiwi piajabonü jawa bitso jamatabü kuene petujjanenü David, Salomón Israel, piajatomara. ¹¹ Pajara pakuenia Salomón wereta petujjanenü piaja boo dajjita jjua tsijjamatabükuai kuijaitsi petujjanenü piaja boo pita bütsinejja piaja boo ata, pajara ponü wereta jjaniawaetsia kuenia. ¹² Pajara ponü petujjanenü tsitanaitajütatsi Salomón meravi jumaitsitsi: "Jjanü kajumetanetsi tane wajütsijawamü, Jjanü pitajũ pattajunae jjanünejja baja kajena tajaboo yaitaeya penawajikaenejja. ¹³ Pakanaijire Jjanü tabaupa jjatatsi jawa atjübü piajamene takioto pe ema yaniwa, itsa itorobajũ bosesemonae pewerenaenejja ira piaja jawa, itsa itorobajũ domae kuene pajamü jawa. ¹⁴ Nejjata pataja tomara pijiwimü, pamonae tawinüta, nejaita taneitabara taenejja kopabaja pija pibisia kujiru, jjanü jume taenajjü atjübünakua wetsika, bejiobiataenajjũ jjanepanaena baja piaja iranü. ¹⁵ Aekonajjae, naikotsianajũ namujjuna ewetsianajũ tanewajikaejawa jjua juimaitsi patajjumaetaje. ¹⁶ Tsipaji Jjanü aekonojjaeta kaetuatajũ tsatajũ mapaboje tawünü penukae nejja pajara jota tajjita matakabinejja. Taitajjuto tajamatabüitjuto ata pajara jota nukaena kaematakabi kamakujitsia. ¹⁷ Itsa jjamü, pona ponaename taitabarata pakuenia David ajja ponapona nejume kavinitsianame jjanü takaitorobi jawa ewetsiname takai torobi kuenia pakuenia nakuenia nakuene büjitsiamü taja liwaitsi, ¹⁸ bajara Jjua kujinae jjanü kanutsianatsi neyanakua ewetsinakuata, pakuenia ponajamatabü pajũ beje kaeto ata apo ajibi tsane peyanakua ewetsijawa Israel. ¹⁹ Itsa tajibelia ponaename, jjuababuatsianame takatonajume kopatsi liwaisi taka mujjujiobiliwaisi itsa apo nakuene bimütsane taka itorobi kuenia, ponaename itsa wirio dioses tonukaenamu nemata bakabüta. ²⁰ Nejjata jjanü katabuto pa jjuna jjuabianatsi taja irawekua taka rajutsi jawamü bajara pamonaemü bajara paboo jjamü tsitaenutajjũ rubianajũ kujirujipaeya itakania kuenia ata pajara patomarajawata. ²¹ Itsiata mapate piaboo bitso pejjaniaboo aekonojjae dajjita pamonae najeta rubenaena bajara jjoya jamatabü jumaitsi tsane bara kuikuijatsane pajara pamonae mayanijobiana: ¿Detsa jjuajitsia petujjanenü majjuaje ejjana pairotoje pabataje? ²² Itsamonae jume pitsiamatsi: Detsa jjuajitsia apo jume kowinütsi petujjanenü, piaja Dios, ponü piaja salinaiwini Egipto nakua wekua jutatsi bajara pamonae itsa wiria dioseswi jawabelia. Jinawanapa bitso asiwa bajara jjuata petujjanenü tsikopatsi dajjita piabeje kuene bajara pamonae ejawata.