Capitulo 6
1
Nejjata Salomón jumaitsi: "Petujanenü kajena ba jumaitsi ponaponaenajü kajena ayay aita kiri janeto bujjüpana
2
janu baitsi jane itsiata bo-anü kato nakuenebatsi, jjumü nija tajunae nejja dajjita matakabi nejja."
3
Baja rá jjua kujinae napunuyorota petowajutsinejja dajjita Israelitawi penakaetuatsiwi.
4
Jumaitsi: Be siwa jamatabu kuene baruyatsi waja tujjanenü, waja Dioso Israelitawitsi, baja rá kajena bajumaitsi tajja David jawabelia, nejjata baja najume kowünüta pakuenia nakato ejjanaeya paeba, jumaitsi mapakueniaje.
5
Pamatakabi jjanü paka jutatsi Egipto tomara jawaberena, jjanü apo itapetsinü itsa tomara pijiwi, pajamü pa Israelitawiimü wekua, itsa jota jane baja tan eto nakuenebi nejja boo jjanü ta wünuta jjanu ata apo itapetsinü jiwitonu ponu pakaya tomara ewetanukuejitsiata pa Israelitawimü.
6
Itsiata baitsi jane janu itapetajü Jerusalén tomara, tane wunu yaiyataenejja baja rá panakuata jjanu itapetajü David papekaya tomara ewetsinunejja pa Israelitawinü.
7
Nejja baja tajja David najamatabujjaina boo peto nakuenebinejja waja tujjanenü Israelitawitsi.
8
Itsiata petujjanenu jumaitsi tajja David jawabelia jjanepana rebaja pikani nena jamatabu jjainaejawa boo taneto nakuenebi nejjamu jjanu tawunuta janepana rabaja pikani baja rá pakuenia nenajamatabu jjainaejjae.
9
Itsia baitsi jane jamu boo apo neto nakuenebimu tsane; jjamu rajane nejjunato ponu jjainaename, tajaboo neto nakuenebiana jjanü tawünüta.
10
waja tujjanenü najume kowunuta pakuenia baja kajena ba jumaitsi, jjanu juya pekowuta nukajüta ekaenejja tajja David piaja trono kowumita taya tomara ewetsinejja Israelitawi, waja tüjjanenü pejumaitsi kuenia waja Dioso Israelitawitsi.
11
Baja rá pa bo unuta buatajü baula, itsa jota janebaja boka petujjanenü pena jume kajone liwaisi, pakuenia jane baja itsi Israelitawi jawabelia.
12
Salomón nuka petujjanenu piaja toneburu mujjuneneta dajjita Israelita penakaetuatsiwi pe itabarata nejjaata baja rá jota nakobe yota dajjita kobe beje.
13
Baja kajena baru nakuenebanuta bronce pana panabo tuatuajuta, jjaina dos punto veinticinco (2, 25) pe apia jawa, jaina dos punto veinticinco (2,25) epatajurutsialia, jjainia uno punto treinta y cinco (1,35) pe apia jawatsina, Salomón nukaya baja rá pa bronce pana jawatsia pematabakabuta dajjita Israelita penakae tuatisiwi pe itabarata, baja rá jjua kujinae nakobe yota dajjita kobebeje atjubüabelia.
14
Jumaitsi: "Tajja tujjanenu pataja Diosonü pa Israelitawinu, ajibi itsa Dioso pakuenia jjamü atjubutalia ata mapa irata ataje, tsiteka nenajume kajonekuenia ne asiwajawa nija pianiwi pamonae kato nakueneba dajjita pe jamatabu kuene sauta.
15
Jamu rabaja kajena ewetame nejumaitsi kuenia nija pianinü David tajja, pakuenia baja jumaitsimü neto ejjanaejja.
16
Ajena kanojjae, tajja tujjanenü, pa Israelitawi nu pataja Diosomü, najume kowunure pakuenia jane baja jumaitsimu nija pianinu David jawabelia tajja, itsa jjamu nejji jume kowunütsiana tajume liwaisi ta jumaitsi kuenia, apo ajibi tsane pebi Israel peya tomara ewetsinu nejja, itsa pamonae kotokaewi pena ejjana ponaewi itsa nejume kowunuta najaetarubenaena tajumaits kuenia pakuenia jjamü nejume kawunuta ponaponame taka jumaitsi kuenia.
17
Ajena kanojjae Israelitawinü pataja Diosomü jjanu kawajütatsi pekopia patsi nejja jjua jumaitsimu nija pianinu David jawabelia.
18
Baja ¿Itsa jane itsiata Diosonü pajjanü pajjanü jawata pona ponaename mapa irataje? Taema dajjita nakua itabojjo ata apo kaujupae neponaponae nejja bitsoyo biji mapo templo baje taka to nakuenibaje.
19
Itsiata jjanü pejjania kuene kawajutatsi nejume naukotsinejja jjua kawajüta nija pianinü taja tujjanenü taja Diosonü; namujjuna ewere jamatabü kuene natsoninaeya nija pianinu pekawajütsi jawa baja rajane mapa templo botaje netaeyekaeneja merawi matakabi ata itsa jota june baja kawunu yaiyataejjitsia.
20
Na mujjuna ewere peka wajjutsijawa nijja pianinü ayai jumeta pa tajjunae yabaraje.
21
Nejjata jumetema peka wajutsijawa nija pianinu, nijajiwi Israelitawi, pakujinae pajanü pana wajükaenajü mapa tajjunaetaje. Itsa pane jume taename atjubuwerena pata nawajukaejawa, itsa pane jumeta neme pane siwa jamatabü kaewianame pataj neconi.
22
Itsa nakaetama pijinubeje nabara anaepana beje ü peponaenejja mapa templo jawaberena penawajunü paebinejja,
23
jjamu nejjata nakuetatsia neekaenë jume taename pekanawajünü pa bijawa jjamu nejjata wekua ikinaename piaja nekoni ponu pona kanawajunupaeba baja rá pakuenia nayaputane nijajiwitonokuene y pona apo nija jiwitonu kuene.
24
Itsa nija tomara Israel pijinu kaenuata, amoneya bianatsi pekueyanü, tspaji nanekonitsiana jjamu jawabelia itsiata itsa nawajunu paebiana mapa templo bo jawaberena jjamu, itajjuto tsaniataename, pekana wajunu paebijjae .
25
Itsiata itojjuto tsaniataename, jjamu ütebutatsia neekaenu nija tomara Israel pena wiabijjaerena paira jawaberena rajutame piaja salinaiwimi.
26
Pakujinae apo ejjanaemu nija tomara Israel tsipaji nanekonnita jjamu jawabeoia itsiata itsa nawajukaena, mapa templobo jawaberena, tsipaji jjamu nenanekonitsia ejjanaejae patasiana ma berenaje pekana wajukaenejja mata pania.
27
Nejjata jjamu Dioso ü tnübütatsia neekaenü jumetaename nejjata wekua iki naename piaja nekoni nija tomara Israel itsa kanawajunu paeba nejjata ema to kopasianiimi kaneto ira suketsinejja paiira rajutama piaja salinaiwimi.
28
Tsipaji, belia pijanitsipae, belia domaetsipae, belia peubijawanu tolenai to wereni jitsipatsi belia piaja wajabisau yabaupa kananatsipatsi.
29
Itsa dajjita tomara Israel pijiwi o kaenu kana wajutsiana mapobo yaberenaje, sipaji yaputaena pá domae yanuka piaja tomarata.
30
Nejjata jjanü atnübütatsia neekaenü jumetaename itsiata jume itajjuto tsojjuto tsaniataename tsipaji jjamu dajjita nejamabü kuene yaputaenü jjua najamatabu jjaina jiwi.
31
Nejjata baja rá pamonae kayaiyataena Diosonu kuenemü nejjata jjaniawatsia jinawana paena paira tokopatame piaja salinaiwimi.
32
Baja rá pakuenia itsa tomara pijinü werena najaetarukaena peka nawajutsinejja peka yaiyataejjae Diosonü kuenemu mapa templo bo jawaberena,
33
Itsiata jjamü ütnübütatsia neekaenu, itsa kana wajutsiana, jume itajjuto tsonia taename jjua kawajutsiana mapa templo bajawerena baja rá pa kuenia kayai yatena dajjita nakua pijiwi pa kuenia nija tomara Israel pijiwi kayaiyatane.
34
Itsa nijajiwi nawa jabitsautsiana itsa saikaya namutua ponae ata tsane nija tomara pijiwi itsiata itsa ponaena maberenaje takato nakuenebetsi bo yaberena peka yaiyataejjae.
35
Nejjata Jamu ütnübütatsia neekaenu jume itajjuto tsonia taename nejjata yawenonuename jjua jawalia apo kuene kéjupaetsi.
36
Tsipaji mopa nakuata kaejiwiata ajibi jjaniawaetsia pepona ponuenu jjamubaja kajena ya putaneme itsiata jjamü siwa jamatabu jitsibimutsane itsa tomarabelia itorobia name nanekonisia pejinawana penejja tajubelia o jume imojoyo.
37
Nejjata najamabunapitsiana nanekonitsia pe ponaponaejawa itsa tomara talia baja rá jotalia kunawojutsiana penanekonitsia ponaponaejjae.
38
Nejjata baja rá pamona jamatabu jumaitsitsane nanekonituju kajena Dioso jawabelia jaitsane jamatabu jumaitsitsane Dioso apo jumekowunutsinu jaitsane penane konitsia ponaponaejjane nejjata kajaitsiana dajjita pe jamatabü ütnütojawawerena nejjata ponaena pabo katonukuenebetatsi pena wajukaenexa pairato tokopatame nijasalinai wimi.
39
Nejjata jume itajjuto tsania taename pe kanawajutsi jawa penanekonitsijjae jjamu jawabelia.
40
Tajja Diosonu nenaikore nenanujjunae ewere jjua kawajuttatsi.
41
Nejjata tajja Dioso nunuta punare nenaukotsinejja nija sacerdotewi itsa jjaniawaetsia jinawanapa.
42
Taja tujjanenü putsa nena punurajutame itsiata nenaukore pakuenia David naukotame nijajiwitonu