¹ Pekujinae dajjita nakuene wereta Salomón pe itsi jawa Diosonü piaja bo jota. Salomón karena jjua pajja pijinümi David, jjaniawaeta baja rá jjua pekanakuenebi nejjja, majjüa nüaje palata, oro, dajjita penáejawanü. Baja rá ponü boyalia kajunua jjanía wereteta dajjita baja rá pa oro jawanü Dioso piaja boyalia. ² Nejjata Salomón junata dajjita ancianowi Israel pijiwi, dajjita pena matakai torobiwi kaewiria kanakujitsia, dajjjita peewetsiwi nakaemonae kanakujitsia Israel pijiwi Jerusalén tomarata. Pekajonenejjalia janebaja bajayata paliwaisi tonajume puenetabuata Dioso, pejumekowünü tsinejja David pijinumi piajo tomarata, Dioso janebaja piaja tomara. ³ Dajjita pebijiwi Israel pijiwi nakaetuata peyanakua ewetsinütsi jawabelia penajua baruya jawata nejja, baja rá nakaetuata séptimo (7) juametota. ⁴ Dajjita ancianowi Israel pijiwi ponarena, levitawi pijinia yakapona Dioso piajabaula. ⁵ Baja rá pamonae janebaja kaponalia Dioso piaja baula, yajawa kaponanua Dioso piaja karpabo itsajota nakaetuata biaba, dajjita baja pa bota kanakueneba biaba. Sacerdotewinua janebaja piajawiria Leví pijinumi pemomojji dajjita baja rá jjüa kajoneya. ⁶ Salomón peyanakua ewetsinü janebaja yajawa dajjita penakaetuatsiwi Israel pijiwi nakaetua nanubena . Diioso piaja baula pitabarata tajuitanubena altar jumai perajutsi nejja ovejas, vaca apo pena matajutsi kapanepaekuenia. ⁷ Baja rá jjüa kujiinae jane baja sacerdotewi kajunaya Dioso piaja baula, Diosunü janebaja baja rá pa baula ta najumeliwaisi jjaniawaeta buata pebuatsi nejja templo ünuabetsia, baja rá pa baula janebaja buata lugar Sanatísimo jawata, anija ángel nubeje querubines juma pe kataenabeje pekorofeto büjjüpanalia. ⁸ Baja rá querubines nubeje nakoro pe upikajjinaya nukabeje baja rá pa baula matatsunu wereka, dajjita baja rá pakorofeto beje mataakatanukabeje baja rá pa baula juma. ⁹ Itsiata baitsi jane peyawütakara kaponae na ebonü pia piajjae upi nopebetanubena santo tajjunae jawawetsikaSantísimo tajjunae peyatü ütsikujinae reka ¹⁰ Baja rá pabaula ünüalia saya najetaruka aníja ibopanayo beje, Moisés pijinumi pebuatsijami pakujinae jinawapa Horeb, tsuto imojjoyo jawata, itsa paibo pana jawata beje Diosonü yakinaruta pena jumekajone liwaisi Israeli tamonae jawabelia, pa kujinae pitsapa Egipto nakuajawa werena. ¹¹ Dajjita pena kuene weretsi kujinae sacerdotewi pitsapalia wayafuabelia Santísimo tajjinae wekua pitsapa. Dajjita sacerdotewi baja rá jota penubenaewi baja rá pamonae nakuenejja niawaeta Dioso peto kaújútsi kueniatsi be pena jjuirabiwi kuenia petaeyaniwatsi Dioso pija kuene petona kuenebi jawata. ¹² Nejjata, dajjita pamonae pena jjuanaewi, dajjita baja rá pamonae yajawa, Asaf, Hemán, Jedutún pejji yajawa, piaja yapijiwi yajawa, baja rá pamonae najjatabo nubena lino fino pa paübürü panata pejjanaejawa, baja rá pamonae kana jjüa nanubena címbalos, arpas liras yajawa, altar mujjuneneta nubena yajawa nubena ciento veinte (120) pa sacerdote nubeje piojiwi trompeta. ¹³ Nejjata dajjita baja rá pamonae kaekuenia najua najjüana, baja rá pakuenia ata kaekuenia najua ata trompeta jawanü. Kanajjuananua címbalo jawanü, itsapekana jjuanae jawanü yajawa. Baja rá pa kuenia kaejume kuenia wünukana jjüana pejjania kuenia Dioso. Baja rá pa kuenia pejjania jama tabukuene ata rajuta Dioso. Baja rá pamonae pena jjuanae jawata jumaitsi isaponae: "wüna jjaniatsi Dioso tsipaji baja rá ponü pejjania jamatabü kuenenü, wajanaka asiwa jamatabü kuene ata apo to werewere kaetsi". Nejjata baja rá pa epatola pena jjüa nae jawata bo unuwünüka be pajubotsüjjü Dioso pijabo. ¹⁴ Sacerdotewi apo kaujüpaetsi penubenae jawa peobonubenae nejja pajubo pejamatabu kuene, tsipaji Dioso piaja peniwenaekotia wünüka baja rá pa templo bo ünü.