¹ Pijinia, bajaraponü nakueneba altar bronce jawa, baja rá jjua apia nueve (9) pa metrobeje, nueve (9) metro pijinia pee ünü tütü jü pijinia cuatro (4) y medio apiatsina. ² Baja rá pa tanque nakueneba bronce jawata pematatoyorokae tanque jjaina, trece (13) metrosy medio. Petütuju jjaina cuatro (4) y medio pijinia najua metrobeje lami ta yajawa peyene pana apia tsina. ³ Pebüjjü pana wetsia merá tanque jumape nüta pona toro kuene kataenüanü medio metro kanakujitsia diez (10) ponübeje nüto pana. ⁴ Merá tanque nakuenebeta doce (12) patoro beje, pejumata akueyabi ponubeje taenubena sur jawabelia, akueyabi ponubeje taenubena norte jawabelia, akueyabi ponubeje taenubena oeste jawabelia, akueyabi ponubeje taenubena este jawabelia. ⁵ Mera tanque aitoyaü kaekobe japato kuenia (un palamo) pemüjjübürü jüpa be copa iitabüta bepematono kuenia baja rá patanque kaujupa. Tres mil palitrobeje. ⁶ Baja rá ponu nakueneba diez (10) pawaxibeje pekiatsinexa jjua kajayaba; cinco (5) pawajjibeje eta petsawenonenia cinco (5) pijinia pekujuanenia baja rá pawajjianutá pena kobe kiatsineja sacerdotewi itsa ta juita ofrenda Dioso jawabelia. ⁷ Baja rá ponü nakueneba diez (10) pakandelabro beje oro jawata penakuenebi jawa cinco jjuabeje petsawenonenia nuta, Cinco (5) pijinia pekujuanenia. ⁸ Diez (10) pamesabeje nakuene banuta, cinco (5) jjuabeje petsawenonenia, cinco (5) pijinia pekujuanenia, baja rá patemplo jawata, cien (100) patasabeje nakueneba ü oro jawanüta penakuenebijawanü. ⁹ Baja rá ponü tonakueneba ü sacerdotewi piaja tajjunae itsa jota pona ponajitsia sacerdotenü baja rá patajjünae baüpa jjaina ü bronce jawata pekaikinae baüpa. ¹⁰ Baja rá ponü nakuenebeta mera tanke peküjüanenia baja rá pabo jawata. ¹¹ Hiram nakueneba kandelabro jawanü pala jawanü mera peepakae jawanü baja rá pakuenia Hiram wereta peitorobi jawatsi Salomón Diosonü piaja templo bo jawata. ¹² Anija na esiturto beje pematatukobabatsina ebeje be vaso baja rá pematatü kobabatsinaebeje jjaina, anija itabütsi panabeje pematatu akatanütsi nejja beje be vaso beje jjuabeje nuka pematatukababatsi naebeje pematatuta. ¹³ Baja rá ponü nakueneba cuatrocientas (400) ponae kuitobeje anija itobütsi panobeje kuenia nejja: Pitabutsi korobobeje kae panata pemattü akatanutsinejja beje be vaso jjüa baja rá pematatu kababatsi naebeje pematatuta nukabeje. ¹⁴ Baja rá ponü nakuéneba pejjania wiria tabla ponü wajjianü yajawa najetaruka baja rá pa tabla pánüta; ¹⁵ Ayijawa jjanetanü doce (12) ponubeje toronü pebüjjúpanata nubena, ¹⁶ Pekasetsi nüanü nejja ata nakueneba, péwi pejukae jawanü nejja ata, dajjita jjuanü namata wenena. Hiram peyapütaenü tonakueneba peyanakua ewetsinü nejja Salomón, petujjanenü piaja bo jawata nejja, bronceta pekaikina ejawa. ¹⁷ Payanakua ewetsinü peporá ejjana Jordán piaja wayajota, ira piaja atsananita Sucot jawata Seredata jawata ata. ¹⁸ Baja rá pakuenia Salomón nakuenebejeba dajjita wajji monaenü; itsiata baitsi jané apo nayapútae pa arewe jjaneto jjaina bronce. ¹⁹ Salomáon nakueneba dajjita sillanü, jjuanü nubena petujjanenü piaja bota nubena, petsaujai tajjünae ata, pan büanü pa mesa jumata bobena imojjoyo jawata nuka; ²⁰ Petajuitsi tajjunae piaja lámpara büanü yajawa, baja rá patajjünaenü baja kajena nubena bo tu tujualia petajuitsinejja, baja rá jjua kajena nakueneba ü oro jawata; ²¹ Pematono jawanü ata, lámpara büanü ata, tenazanü ata, ü oro jawanü, ²² Pijinia pekaukubi jawanü ata pesebonü lámpara buanünejja, pesabüanü, kalia panü, jjua ata jane baja incienso tajjuitijitsia dajjita baja rá jjüanü ü oro jawa. Bo pejonejawabelia kujinae, pa baupanü nübena bo ünütutujuyalia pa tajjunaeta jjanewaeta ü Diosonü nejja yajawa pa baupanü, Dioso piaja bo jjuaje nakueneba oro jawanüta.