¹ Nejjata, Salomon tajjujjuaba pe nakuanabi jawa Diosonu piaja bo Moriah unuta Jerusalen jawata, David, bajara ponu pajjami tsajota Diosonu tsita naitajjutatsi. Bajara ponu jjaniawaeta patajjunae David pejumaitsi kuenia ajara jjua nejja, Ornan jebusitanu pe jjaneba buatsi jawa. ² Bajara ponu tajjujjuaba penakuenebi jawa anija juemeto beje kujinae, anija matakabita beje, pe itorobanukae kujinae cuatro (4) pa wai beje. ³ Nejjata maje jjuanuje piaja medida jawanu jjuanuje Salomon jjania waeta Diosonu piaja bo nejja. Pakuenia piaja monaewimi pemajjuta kaujuba biaba, sesenta (60) majju beje pe apia jawanu y petutuja veinte (20) pa majju beje. ⁴ Baupa bo itapa jawabelia nejja veinte pa majjusipapa beje pe jjainae jawa, bajara pakuenia bo jjaneto. Pijinia apiatsia veinte (20) pa majjusipapa beje, pe tutuju bineteta u oro jawata. ⁵ Bajara ponu itajjateta cipreses jawata pinija unu utujuta jawa, bineta pe jjania oro jawata ejjananuba paruma botonu yajawa cadena jawanu. ⁶ Bajara ponu itabuteta baja ra pa bo pejjania wiria ibotonuta; pijinia oro jawa parvaim piaja oro. ⁷ Bajara ponu pijinia kaikina pe majjubotonu , atsi baupanu, bo yenepananu yajawa bo baupanu u oro jawanuta; bajara ponu pijinia querubine nuanu ejjananuba bo yenepana jawa. ⁸ Bajara ponu nakueneba Diosonu pe tajjunae. Apia bo tutuju kuenia, veinte (20) pa majjusipapa beje, pe tutuju pijinia veinte (20) pa majjusipapa beje. ⁹ Bajara ponu kaikina pejjania oro jawata, dajjita jawa seiscientos pa talento beje. Pe arebe jawa puntilla bonu cincuenta (50) pa ciclo beje oro jawa. Atjubuyotsia kaikina oro jawata. ¹⁰ Bajara ponu nakueneba anija querubine jumepe beje Diosonu pe jjanunaeta; artesanonuanu oro jawata kaikina. ¹¹ Kerubine monae pekorofetonu veinte (20) pa majjusipapa beje apia beje; dajjita bo mujjunene beje; kae kerubin cinco (5) pa majjusipapa beje, na kopiajaita kae kerubin kanakujitsia. ¹² Pe korofeto itsa kerubin pijinia cinco (5) pa kerubine beje, dajjita bo yenepa jawareka; itsa pekorofeto pijinia cinco (5) pa majjisipapa beje, na kopia kajjibajaraba pe namatajjainaenu kerubin jawa. ¹³ Kerubinewi pekorofetonu kopiapata veinte (20) pa majjusipapa beje. kerubinewi nubena, taenubena pinija bo tutuja belia. ¹⁴ Bajara ponu itsi pe yakua raujai pana, pe tsauraujai jawa pijinia petsaujai jawa, pijinia pepo pejjania pana; ajara jota jumepe nuba kerubinewi. ¹⁵ Salomon pijinia itsi tsanutsi anija naejjaneto beje, kae nae kanakujitsia treinta y cinco (35) pa majjusipapa beje kuenia apia, bo itapa welia; tsajjuayo jonetsia pe tsijuma nukae jawa cinco (5) pa majjusipapa beje apia. ¹⁶ Bajara ponu kadena wajanu itsi ajara po naenu nejja, rubaya atjubuyo; pijinia ejjana cien (100) pa koito beje pe bokotaja jawa ruba kadena jawata. ¹⁷ Bajara ponaenu Diosonu piaja bo itapata nuba, kae iutabara kanakujitsia; pe kujiri jawabelia ponae Jakin pe tsaweno welia Boaz.