¹ Jjukujinae Salomón najume kopata peto nakuenebinejja boo pewünüta Diosonü, kaenü nejja reinota. ² Salomón to kopata setenta mil (70.000) pa pebibeje pe kaponae nejja pe kobe kowü, pijinia ochenta mil (80.000) pa pebi beje peto ukubinejjatsi naejawa unuabelia, pijinia tres mil seis cientos (3600) pa pebi beje peya ewetsinejjatatsi. ³ Salomón to najume itoroba Hiram, Tiro tomara pe ewetsinü, jumaitsi: "De pakuenia itsimü David tajja, tae itorobikuenia bajaraponü cedronaenü pe nakuene bi nejja boo pepona ponae nejja, bajara pakuenia neto na itsimüre. ⁴ Taema, jjanü ra baja imojjoyo ta to ejjanaejava boo pewünüta waja tujjanenü Dioso, kaenü nejja, ta jitatsi nejja pita barata bajaraponü pejjania tujjju jawa, ta yaütsi nejja dajjita Pan, patarajutsinejja petajuitsi ofrendajawa bajaya kuua, kaniwiyo, sábado matakabi pejana pitsapaejawata juameto yajawa piaja fiesta matakabi jawata waja tujjanaenü, waja Dioso. Israel nejja, bajarajjüa raja dajjita matakabi jawabelia nejja. ⁵ Pa boo nakuene bianajü, ayai boo meta tsane , tsipaje waja Dioso ayainü itsa Diosowi matatojjenetsia. ⁶ Itsiata ¿Depatsa mata kuene kajupatsi Diosonü peto nakuenebi nejja bo, tsipaji ira, ita bojjo itsa jivi ata apo kapanepae tsipae? ¿Depa tsanü jjanü, ta to nakuenebi nejja boo, saikaya waja to tajuitsi nejjapiajawa bajara ponü? ⁷ Bajara jjuata, ne to itorobaremena kaenü pejjania nakuenebinü oro, plata, bronce, hierro yajawa lanapanay, carmesí, penasaünae lanapona, pa pebi yapütane pekanakuenebijawa dajjita wiria naejawa. Bajara ponü yajawa tsane bajara pa pebi jivi pakuene bitsojinaevi pamonae jjanü jawata jinawanoba Judá, Jerusalén tomarata, pamonae David tajja yawenona. ⁸ Neto itorobare jjanü ata, ciprésnae, sándalonae líbano tomara jawa werena, tsipaji jjanü yapütanejü niajiwi pakuenia ukubijistia naejawa líbano irata. Taema taja jivi, niajivi tsane. ⁹ Bjara pakuenia jumetejema ayai naejawamonae jjainaejitsianü, baja tsipaji pa boo to nakuene bijitsianü ayaiboojjenato tsane. ¹⁰ Taema, jjanü rajutsianajü niajivi, pa pebijiwi pamonae ukubijitsia naejaba, veinte mil (20.000) coros pekakiatsi triho benojji, veinte mil (20.000) coros cebada rajji, veinte mil (20.000) batos vinarajji, veinte mil (20.000) batos aceite rajji. ¹¹ Bajara jjuata Hiram, Tiro tomarra ewetsinü, jume kanawiata peyakinae kuenia, pakuenia itorobatsi Salomón: "Dejjuajitsia waja tujjanenü bitso jitsipa piaja tomara, bajara ponü tomara ewetsinü nejja kajuta arapamonae nejja. ¹² Bajara jjuata, Hiram jumeitsi: "Ayainü waja tujjanenü, Israel piaja Dioso ponü ejjana itabojjo yajava ira, ponü rajutatsi David tomara peewetsinü nejja pejjunato bitso liwiasi yapütaenü, pitajjuto tsonia taenütsi yapütaeya jumetaya, ponü to na kuenebiana boo waja tujjanenü itsa boo atjübüyotatsia nejja. ¹³ Jjukujinae, jjanü baja itorobajü kae pebi pe bitsojinaenü, pejjania jamatabütaenü pejumetaenü, Hiram Abí, taja peya pütaenü. ¹⁴ Bajara ponü pejjünato Dan pejjunatoyo. Pajja raja Tiro tomara pijinü. Bajara ponü bitso peyapütaenü penakuenebikuene oro, plata, bronce, hierro, iboo yajava naejawa kuene, banapana, penasaünaepanalana, yajava tsikirilino panayo. Bajara ponü ata peyapütaenü pe ejjanaejjawa dajjita wiria jawanü. To kopare pa ira bajara ponü yajava niaja pianavi peya pütaewi pamonae waja tujjanenu piajiwi, David, ajja. ¹⁵ Bajara jjuata, trigo, cebada, aceite, vinora, jjua ka kueijai waja tujjanenü, to itorobare jjüaanü niajiwi. ¹⁶ Wajaitsi raja ukubianatsi naejava Líbano irabelia, ayaijawa jjuabeje namatawenonatsi. Pajjanü raja paka to kaponaenatsi be ayai jera moo jjaneto mar meniebelia Jope tomarabelia jjamü kaponaename Jerusalén tomarabelia. ¹⁷ Salomón naimata ujüta dajjita itsa javaberena peponaewi pamonae jinawanopa Israel tomarata, pakuenia David, kujuarubatsi, pajja, tsipaji tsipaeba bajarapamonae. Kajjitajaraba bajarapamonae ciento cincuenta y tres mil seiscientos (153, 600). ¹⁸ Bajaraponü to kopata setenta mil (70,000) ponü beje peto kaponae nejja pekobe kowü, ochenta mil (80,000) peto ukubivinejjatsi naejawa unujavabelia tres mil seiscientos (3,600) pa pebi jiwi beje pekotaewitsinejja penakuenebijawa.