¹ Jerusalen pia jiwi itsi tsanutsi Ocosias (Joacaz), pepo pe wüjüato Joram pejjünato, pekowüta reinü kuene, tsipaji pa monae pona rena arabe monaeta piaja tajjunae jawaberena matapijiwi beyejebatsi. Nejjata Ocozias (Joacaz) pejjünato Joram , Juda piaja reinü, naejjana reinü. ² Ocozias (Joacaz) pe jjainae nüta veinte dos (22) pa wai beje pakujinae tajjujjuba pe itorobi jawa reinü kuenia; bajara ponü itoroba kae (1) wai Jerusalen jawata. Pena pewünü Atalia; bajara powa pejjünatoyomi Omri, ³ Bajara ponü pijinia ponapona Acab piaja monaewi kuenia tsipaji pena pebijia kuene mujjujioba biabatsi. ⁴ Ocozias (Joacaz) itsi pebijia kuene Diosonü itajjutua, pakuenia Acab piaja monae itsi, tsipaji bajara pamonae mujjujioba biabatsi pe tüpaeta pajja, pe werebiabi jawabeliatsi. ⁵ Bajara ponü pijinia jume jjania jai tane; bajara ponü nalia pepüta Joram pejjünato Acab, Israel piaja reinü, Hazael pe barü nabe nejja, Aram piaja reinü, Ramot Galaad jawata. Arameo monae wijjayaba Joram jawabelia. ⁶ Joram nawialia Jezreel jawabelia waü bijitsiatsi penabijia paitsi jawa Ramot jawatalia, pakujinae barü nabiatsi Hazael, Aram piaja reinü. Nejjata Ocozias (Joacaz) Joram pejjünato, Juda piaja reinü, Jezreel jawabereka tayojo pareka Joaram pejjünato Acab, tsipaji Joram bijia paitatsi. ⁷ Pe werebiabi jawatsi Ocozias (Joacaz) Dioso pe jamatabü kuene pe natsi tae jjaereka Joram. Pakujinae patajopa, bajara ponü Joram beje beyojopalia beje Jehu, pejjünato Nimsi, ponü Dioso ita peta pe werebiabi nejja piaja monae yajawa Acab. ⁸ Nejjata, pakujinae Jehu itsi Dioso pe tsi jamatabü pe rutswi jawatsi Acab piaja monae pe beyebi nejja, bajara ponü yajawa kajjitaraba pe matakajinawanapae nüanü Juda wajata yajawa pejji Ocozias (Joacaz), peyapijinü piaja pianiwi Ocozias (Joacaz); nejjata, Jehu beyeba. ⁹ Jehu jaita Ocozias (Joacaz); pamonaeje kajjitaraba pe namatayabinü Samaria jawata, Jehu jawaberena kapona, y beyajjuabatsi. Nejjata pamonaeje mütjüta, tsipaji bajara ponü jumaitsi: "Bajara ponü raja pejjünato Josafat, Diosonü bitso pe jume kowünütsinü dajjita jamatabü kueneta. "Ocozias (Joacaz) piaja monae be beliyo baja apo itorobi reiyewi kuenia bajara pa nakuata. ¹⁰ Pakujinae Atalia, Ocozias (Joacaz) pena, tane pejjünato pe tüpae jawa, bajara powa nonotaba puna pebeyejebi nejja dajjita reyewi pejji Juda piaja bo jawata. ¹¹ Itsiata Josabet, pejjünatoyo reinü, pita Joas, Ocozias pejjünto (Joacaz) muetsia kapitsapalia reyewi pejji tutujuta petüpaewi. Bajara powa nuta bajaraponü yajawa pewetabiabi watsi petusatoyo jawata. Bajarapakuenia Josabat, reinü Joram pejjünato, Joiada pe barüponaponaewa, sacerdotenü (Bautsi bajara powa pejuyapijiwa Ocozias), wekua matayata Atalia pebeyajjübi yenewa. ¹² Bajara ponü ponapona, ajara pamonaeta, namatayaba Dioso piaja bo jawata sies (6) pa wai beje, pakujinae Atalia itoroba reinawa kuenia ajara pa nakuata.