¹ Aekonojjae baja Josafat, ayaijawa pena matamotsijawa jjaina peyaiyatae jawatsi; ata; baja rá ponü pejamalabü kuenia najamatabüjüpaeya ejjana Acab petsijjae piajawanejja bara pamonae yajawünü anü baja rá pamonae wiriawanü. ² Pane pa baja waí, baja rá ponü siwajjainajopa itsajota Acab eca Samaria nakuata Acab beyejeba ovejamonae bueyemonae ata baja rá ponü nejja pamonae peyajawa ponaewinejja ata. Acab ata najamatabüjüpaeya ejjana baja rá ponü pebarüna wajapütsaitsinejja Ramot de Galaad. ³ Acab, Israel peyanakua ewetsinü, Josafat, jawabelia" jumaitsi: "Judá peyanakua ewetsinü jawabelia: "¿Neyanatsianame tsabaja jjanü Ramot de Galaad jawabelia?" Josafat jume kanawiata: "Bejjamünü rabaja jjanü tajatomara rabaja benija tomara, pajjanü rabaja pokayanatsianatsi, wajabürüna wajabitsaitsinejja. ⁴ Josafat jumaitsi Israel peyanakua ewetsinü jawabelia: "Pejjaniakuene kawajütatsi, kopiaya liwaisi jaire petujjanenü Dioso pekarajutsinejja itsa ponaejitsianü baja rá welia. ⁵ Nejjata baja Israel peyanakua ewetsinü kaetuata Dioso piaja profetawi, cuatrocientos (400,00) papebibeje yanijoba: "¿Jjane pana pataponaejawa Ramot de Galaad nakua yabelia patabarü nawajabütsaitsinejja jume taponaenejja? Baja rá pamonae jumaitsi: pabarü nawajabitsaire tsipaji rabaja Dioso tokopatatsi peyanaküa ewetsinü pekobeyaberena. ⁶ Baitsijane Josafat jumaitsi: "¿Ajibü tsabaja itsanü petujjanenü Dioso piaja profetanü ponüta ata "waja nakatsipaebinejja pejjania liwaisi? ⁷ Israel peyanakua ewetsinü jumaitsitsi Josafat: "Abajjü nakopata kaenü ponüta wajaitsi waja jume yanijopinejja Dioso itsa nakatokopata, Imla pejjünato Micaías, baitsi jane etoyanü tsipaji baja rá ponü kaeto ata aponetsipaebi jjaniwaetsia pakuenia jitsipajü, baitsi üpibitsiakuenia." Nejjata Josafat juamaitsi peyanakua ewetsinü apo bejumaitsi pajumeje. ⁸ Nejjata baja payanakua ewetsinü Israel junata wajabitsainü jumaitsi: Najjatsiyo netojumatabarre Imla pejjünato Micaías." ⁹ Aekonoijjaeto Acab peyanakua ewetsinü Israel JOsafat peyanakua ewetsinü Judá, ekabeje kaenü kanakujitsia piaja trono wünü jawata, najjatate kabeje peyanakua ewetsinü penajjatatsi jawa, pena bebetsi jawata Samaria baupa jawata dajjita profetawi paebanü bena liswaisi pitabarata. ¹⁰ Sedequías pejjünato Quenaana nakueneba hierro mataeto jumeitsi: Petujjanenü Dioso jewaitsimajjuaje: "Jjustaraje pajjanü pato robianame arameowi ata panebejebi jawabelia. ¹¹ Dajjita profetawi kaeliwaitsi paeba, jumaitsi: Pana wajabitsaire Ramot de Galaad ata pane beyebi jawabelia. ¹² Pejunatsianülia Micaías to kuikuijatsi: "Aekonojjae baja jumetaename profetawi petsi paebijawatsi pejjaniajai liwaisi pekuibajotota pejjania kuene kawajitatsi, najume kopane pakuenia baja rá pamonae jumaitis pejjaniakuenia. ¹³ Micaías jumekanawiata: "Piasünü Dioso, poliwaisi naitoroba baja rá poliwaisi pakatsi paebiantsi. ¹⁴ Pakuinae patanaje toruka peyanakua ewetsinü jawata, peyanakua ewetsinü jumaitsitsi: "Micaías, ¿Pejjanü panekuene kajipa patabarinawaja bitsaitsinejja Ramot de Galaad ajibimeto?" Micaías jumepita: ¡ponawajabitsaire pakuene amoneyabianame! tsipaji rabaja nekobeyabereno koto kopata. ¹⁵ Nejjata peyanakua ewetsinü jumaitsi pona ponü jawabelia "¿Detsa jjuamajjüto jjanü jitsipaenajü tanetsi paebinejjanü pejjaniajai kuenia pewüto petu jjanenü Dioso?" ¹⁶ Baja rá pekuenia jumaitsi Micaías: "Tajenü dajjita Israelitawi pena kayajatsi jawa unuanüjawa, be oveja pena jjuabinüanü apo be pejjainaewi piaja pastor jumaitisi Dioso: Pamonae apo jjainae piaja pastor kaepebi konakujitsia nowiabi baja piaja bonü jawa nabijia patsinejewa. ¹⁷ Pakuenia baja, peyanakua ewetsinü Israel jumaitsitsi Josafaat: ¿Apo kajumaitsitsi jane kajena apo netsipaebitsane jjaniawaetsia pakuenia jitsipajü üpiabeje liwaisi? ¹⁸ Nejjata Micaías jumaitsi: "Kajeno baja pajjamü pa dajjita yamü pajumetaema Dioso: jjanü tanejji Dioso peekaejawa piaja trono wünü jawata dajjitabi tsaitonü tsaitanü atjübünakuatatsia piaja wajabitsaibü tsaitonü nubena pekujenania petsowenananía. ¹⁹ Petujjanenü Dios jumaitsi: ¿Detsa pajiwi jitsi paejjanaetsi Acab peyanakua ewetsinü Israel, peponaenejja Ramot Galaad? jawabelia pekueyawi pewaetabinejjatsi? Kaenü jumaitsi itsanu ata para pamonae ata. ²⁰ Nejjata apo waja taekapanepaenü rena nuka pitabarrota petujjanenü Dios jumaitsi: "Jjanü ponaenajũ jitsipae ejjana enaju bajara ponü petujjanenü Dios jumaitsi bajara ponüjawabelia: ¿Detsa pa kuenia? ²¹ Apo wajataeka ponapaenü jume kanawiata: Jjanü ponaenajũ na ejjanaenajũ apopeta ejamatabükuene penajume tsinütsi jamatabü kuene dajjita profetawi pekuibojoto wetsina. Bajara ponü jumepita petujjanenü Dios jumekanawiata itsa jitsipa ejjanaename bajara pakuenia baja jjane panaena pona tabare baja ejjanatabare baja. ²² Wekae baja petujjanenü Dioso tsijamata büruta apo wataeka pane paejumetsinü jamatabü kuene nija profetawi pekuibajotonnüto petujjanenü itoroba piabeje kuene jjamünejja. ²³ Nejjata Sedequías pejjünato Quenaana, najeta barena, itabara conibiajjuabatsi Micaías jumaitsitsi: "¿jjamü jamatabü jumaitsinü Dioso piajawa apo wajataekapane paejawa wekua tajitsi jamatabü jamü üjjamünejja nato kui kuijamü. ²⁴ Micaías jumetsi: "Taema, jjamü yapütaename baja rá jjua baja rá pamatakabi, pa kujinaeru tsianame namajitsi tajjunaeta nekobajjaena mataya büneja pikani newekua pane panejja. ²⁵ Baja rá ponü Israel peyanakua ewetsinü jumaitsi piaja pianiwi jawabelia: "Pajjamü paka ponare Micaías, Amón gobernadornü tomara pewetsinü jawabelia tajjinato Joas jawabelia ata. ²⁶ Pajjamü pajumaitsimü tsane baja rá ponü jawabelia: "Ponü peyanakuaewetsinü." Jumeitsi: "Paére pena nekonitsiwi pejebabiabibota saya pabatsianame tsikinijawayota pan sikirimerayota, ata tapatanajetarukaejawaberena jjaniwaetsia kuenia. ²⁷ Nejjata Micaías jumaitsi: "Itsa baitsi baja hamü jjaniawaetsia nawiata najetarukaename nejjata baja petüjjanenü Dioso apo neto kui kuijai jjanüta pajara wuakuijjinae jumaitsi: "Panejumetaema majjuaje dajjita pajamü. ²⁸ Baitsijane baja Acab, peyanakua ewetsinü Israel Josafat peyanakua ewetsinü Juda, pona beje pe barü nawajabitsaitsi nejja beje Romot de Galaad nakua pijiwi. ²⁹ Peyanakua ewetsinü Israel jumaitsi Josafat jawabelia: "Jjamü najjotare jjua najjatabiaba peyanakua ewetsinü kuenia bajara pakuenia peyanakua ewetsinü naitotjiano bajara pakuenia pona baja pema waja nitsaitsinejja. ³⁰ Aekonajae, peyanakua ewetsinü Aram nakua capanepaya baja itorobe capitanewi pemataka ponaewi sarrozamonü, jumaitsi: "Pütsa pabarrünabiame natsikejena wajabitsainüjji bajara pakuenia ayaijamata bükuenenianü. Bajara pamonae pekowita, kanenü peyanakua ewetsimü Israel pabeyajjuabarre akobejunawijibia. ³¹ Bajara jota baja capitanewi pemataka ponaewi carrowünu monü tanetsi Josafat jumaitsi: "Najetorruko rabaja peyanakua ewetsinü Israel". Nawiabeka pebeya jjuabinünejjatsi baitsijane Josafat wajita Diosta petujjanenü Dios yawenatsi. Dios wekua itowetatsi natajayoba rikiba jajara pamonae. ³² Bajara jota etsa tane pematakaitoro binü carruanü tanetsi apo peyanakua ewetsinü kuene Israel, barrakopatatsi. ³³ Baitsijanepebara jinae yajawününü jutaru rapone a piaja bitsabi piaja púyene ato bijjanarupona atjibüabetsia kakujinajjuabiaya pepabitsauto jawalia pajjuabarutatsi peyanakua ewetsinü Israel penayajiwi najjatatsi pematoropotsijawalia. Nejjata, Acab jumaitsi peyaka ponaenütsi jawabelia nejure melia baja pena wajabitsaitsi jawa wekua nabijia paitajũ rabaja. ³⁴ Pena wajabitsaitsiwi bitso ayaimatotojjenetsia panapamonae bajara pamatakabi peyanakua ewetsinü Israel buatatsi piaja carromata barrina wajübitso itatsi arameowi kaniwiyo jawabelia. Pakujinae juameto taburunaya, bajaraponü tüpa.