¹ Josafat, pejjunato Asa, pe kowuta reinu naejjana. Josafat piaja wajabitsau bitso kujaruba pe barunabe nejja Israel jawabelia. ² Bajara ponu noba wajabitsau dajjita Juda peyanajjatatsi tomaranu jawa, wajabitsau tajjunaenu noba Juda piaja iranuta yajawa Efarin piaja tomaranu jawanu jawa, tsajjuayo pajja Asa wekua nota. ³ Diosonu yajawa Josafat jawabelia, tsipaji pe jjania kuenia ponapona pakuenia ponapona pajjami David, baale monae jawabelia apo jaitsi. ⁴ Bajara ponu pajja piaja Dioso jawabelia najamatabu ruta, pe itorobi kueniatsi jumekowunuta, apo itsi pakuenia ejjana Israel pia jiwi. ⁵ Nejjata, Diosonu pe kobeta to kopatatsi pe itorobi nejja reinu kuenia: dajjita Juda pia jiwi to kaponarenatsi pe rajutsi nejja Joswafat jawabelia. Bajara ponu dajjita kuenia jjaina. ⁶ Diosonu jawabelia pejjania kuenia najamatabu kuene kopata. Bajaraponu pijinia ajibia ejjana itjubutatsi pa tajjunaenu yajawa Asera pejumepianu Juda tutujuta. ⁷ Akueyabi pa wai beje pe itorobanukae kujinae reinu kuenia, itorobalia piaja jiwitonuanu Ben Hail, Abdias, Zacarias, Natanael yajawa Micaias pe kajuarubi nejja Juda piaja tomaranu jawata. ⁸ Ajara pamonaeta yajawa lewitawi: Semaias, Netanias, Zebadias, Asael, Semiramot, Jonatan, Adonias, Tobias yajawa Tobadonias; yajawa ajara pamonaeta sacerdotewi Elisama y Joram. ⁹ Pamonaeje kujaruba Juda jawata, Diosonu pe jume liwaisi bajjutota. Pamonae najetarubena dajjita Juda piaja tomaranu jawa jiwi kujaruba najetarubena. ¹⁰ Dajjita jiwi jamatabu kuene nabenajaka Diosonu jawabelia pe jinawanapaewi Juda mujjuneneta, nejjata pamonae apo barunabejitsipae Josafat jawabelia. ¹¹ Filisteowi to kaponarenatsi Josafat perajutsi nejjatsi, rajutatsi yajawa palata. Pijinia Arabe monae to kaponarenatsi siete mil seteciento (7700) pa pebito beje obejanu yajawa siete mil seteciento (7700) pa kabra beje. ¹² Josafat pepo dajjita kuene jjainaenu naejjana. Bajara ponu nakueneba peya naitajjatatsi nejja yajawa pa tomaranuta dajjita kuene jjanewaeta Juda jawata. ¹³ Bajara ponu jjaina perajutsiwitsi nejja ayai bitsauto Juda tomarata, wajabitsaunuanu, pebi jiwi pepo pe ayai nuanu Jerusalen jawata. ¹⁴ Jotaje wunurubena pamonaeje, pajja jiwi piaja bo nu kanakujitsia: Juda jota, mile kanakujitsia pe itorobiwi; Adnas pe itorobinu, ajara ponuta treciento mil (300000) wajabitsau nuanu; ¹⁵ yajawa, Jonahan pe itorobinu, ajara ponuta dociento ochenta mil (280000) ponu beje; ¹⁶ yajawa, Amasias, Zicri pejjunato, piaja kueneta naejjana Diosonu piaja pianinu nejja; bajara ponuta, dosciento mil (200000) pa wajabitsaunu beje. ¹⁷ Benjamin pia jiwi: Eliada, bitso pepo pe ayainu, ¹⁸ ajara ponuta, dosciento mil (200000) ponu beje piaji bitsabianu yajawa penaya jiwi karanatsi pa; bajara ponuta, Jozabad, ciento ochenta mil (180000) pa wajabitsaunu beje. ¹⁹ Pamonae maje reinu piaja pianiwije, itsa monae pijinia reinu pe nobiwi peyanakaranatsi tomaranu dajjita Juda jawa.