¹ Abias tupa kopiata pijiwi yajawa, nejjata mutjutatsi David pija tomara jawata. Asa, pejjunato Abias, reinu tsanukae pekowuta pajja. Pija matakabita jamatejema jinawanapa diez pawaibeje. ² Asa itsi jjua pejjaniakuene pejjaniaja pijatujjenenu Dioso pitajjutua, ³ tsipaji baja raponu bijiana itsamonae jota dowatji to tajuitabiaba, nejjata baja rapakuenia tojjobaba cemento naenu Asera pija naenu. ⁴ Baja raponu too najume liwaisi kopata juda jawabelia pejaitsinejja pija tu jjanenu, pija salinaiwi pija Dioso, nejjata pekaponaenejja liwaisi jawata pakuenia pitorobi jume najetaruka. ⁵ pijinia, to bijiana jota to tujju jjanepanae ejjanabiaba dajjita juda pijiwi. Bajara pa reino jawata baja raponu pejamatabukuene nakuero eweta. ⁶ Baja raponu nakueneba tomaranu jjanewaitsia juda jawata, tsipaji baja tomara jama tejema, baja raponu baja apojjainae penabekuene baja ra pamatakabianuta, tsipaji pija tujjanenu baja perajutsi jjaitsi pejumatejema kuene. ⁷ Asa tsipaiba juda jawabelia:''ponatsi waja nakuenebinejja pa tomarabe bajara pakuenia nakuenabiatsi muro jawabeje pemujjuneniabeje, torre naenu janebaja, baupanu, piarewejawa peyobi jawanu ; ira abajju wajjaitsi wajawa tsipaji jaitatsi wajatujjanenu Dioso. Wajjeitsi ra jeitatsi pejjania jamatabukuene kaitotsoto kanakujitsia." Nejjata baja rapamonae nakueneba pejjania kuenia wereta. ⁸ Asa nuabaja jjaina wajabitsaii penayá karanatsijawa werena bajara ponü jjaina tres cientos mil (300,000) ponübeje, nejjata Benjamín jawawerena dos cientos ochenta mil (280,000) ponübeje ponüanü kajina wanapa penaya karanatsijawa nejjata bitsabianü tjibajaraba. Dajjita ponüanuje piasaübejewi apo pejunawiwi ata. ⁹ Zera etíope nü rena un millón pawaja bitsaürubeje yajawa tres cientos (300) janebaja pa karruaje beje yajawa pebarü nabe nejja; bajara ponü Maresa jawa rena pona. ¹⁰ Nejjata baja, Asa pitsapalia pena mata jjünae nejja, nejjata pena benejja jjaniawaita Sefata totsó tata Maresa jawata. ¹¹ Asa ayaijumeta junata pija tújjanenü, Dioso, pakuenia jumaitsi: "Taja pija tujjanenü, ajibi itsajiwiyo, jjanü baja kaenünü neyá wenonae nejja ponü pesaü apojjainae pakujinae barünabia ayei bitsaüto. Peneya wenonare, pataja tu jjanenünü Dioso, tsipaji pane müjjü ponarenajü pa itaneto pejamatabu kuene. Pettujjanenü, jjamü rabaja pataja Diosonü, pütsa kopatame jiwitonü peka amoneyabi jawa". ¹² Nejjata Dioso amoneyaba etiopewi Asa pitabünejewa Judá ata; etíope monae rüküpeka. ¹³ Asa pija watabitsaü yajawa pübarajina Gerar jawata püna pata. Nejjata baja etíope bitsaüto najamabükuene yapütane apo pe jjane ponae kuene, tsipaji bajará pamonae dajjitayó were wereka piaja waja bitsaü yajawa Dioso pita jjuta. Bajara pawaja bitsaü ayeijawa kaetuata. ¹⁴ Wajabitsaü moane bijiana tsikiri tomarajji Gerar mujjunenia peena jawánü. Tsipaji Dioso pe kujunawikuene tsipatatsi dajjita bajará jota pejina wanapaewi. Waja bitsaü monae juka tsikiri tomarajji, nejjata kajena bitsó ayeijawa. ¹⁵ Wajabitsaü baja bijiana yajawa pija pekanajetsibonü istajota nómadas monae pastoreababia pa irata; bajara pamonae kapona oveja yajawa pinijikuenia, pakuenia yajawa camellonü jjuakujinae nawiaba Jerusalén jawa belia.