¹ Nee kwe sababu Kristo obe koto abela uhuru ite tobe huru. Bobo, motaloke imara naane ndekokwateka. ² Lola, meno Paulo, nashi komochongolela ite etabee motatahiriwe, Kristo ndakawafaidie kwe njela yiise edya. ³ Lukine, nashi kumushuhudia kela molome obe kotahiriwa ite otapashwe komona masonyi kwe sambo yiise. ⁴ Mwashi kosamboleblwaz kolehe nee Kristo, baada baase "mwashi kobalekebwa haki" kwe sambo. Mwashi koketa kolehe nee neema. ⁵ Maana kwe njela yee motema, kwe imani twashi kolama ujasiri wee haki. ⁶ Kole Kristo Yesu kotahiriwa naane kotashi kotahiriwa naane kotashi pekee yabe koketa kaashi kohetela kokondana naa kwashi komonesa kyendo. ⁷ Mobe mokochoka lobelo bwachi. Ni naani obe kobachebela kotashi kutii kweli? ⁸ Ushawishi wee koketa bodya nduushi kohola kwaake awee obe kobaitana baanu. ⁹ Chachu chinana kuathiri olonge olishima. ¹⁰ Nale ne matumaini nee baanu kole Bwana ite motashi kofikiri kwe njela ikine yoyote. Wose odya otabe kobachembela okakatole hukumu yaate awe mweene, wose odya. ¹¹ Babotwa, ite nashi koenddelea kotangana tohara, kwe buni bobo nashi koteseka? Kwe mwanda adya kedya kele nee kebe kochibela kye mosalaba ketabe kohoneka. ¹² Nee kokonda kwane koba badya bale kobaongoza bibehe baka kona abo beene. ¹³ Firinyambe washi kobaitana baanu, babotwa, kole uhuru. Naane motashi kotomela uhuru wiino bole futrsa kwe lokoba. Kombala kwake kwe kokonda mohechane baanu kwe baanu. ¹⁴ Kwe koba sambo yiise yshi kokamilika kole amri emoosa; nayoo nee "Ne lazima omokonde jirani wao bole awee mweene." ¹⁵ Bobo ite mwaasumana nee kodichana, mujilole bodya nde kohoneka baanu kwe baanu. ¹⁶ Nashi kohocha, mohende kwe motema, nee bodya mokatimilize tamaa yee lokoba. ¹⁷ kwe bobo lokoba lole nee tamaa mikata dhidi yee motema, nee motema ole nee tamaa mikata dhidi yee lokoba. Ena yaabe kotutana kela omoosa nee ukine. ¹⁸ Bobo ite motema obe kobaongoza baanu, muushi kose yee sambo. ¹⁹ Bobo mwanda wee lokoba yashi komoneka. Naayo nee uasherati, biiko, ufisadi, ²⁰ ibada yee sanamu, boloyi, uadui, kotuta, husuda, kotena kelele mbaka, faraka, kohabana kwe madhehebu, ²¹ Wivu, kollewa, ulafi nee myanda wchiwelele bole ena. Nashi komochongolela baanu, ite nabe kobachongolela baanu, ite badya bale mokotena mianda bole ena batashi kurithi ufalme wee Firinyambe. ²² Bobo tonda dye motema nee kokonda, kyanya, amani, uvumilivu, ukarimu, bo mondo bwachi, imani, ²³ kotalala, nee kiasi. Kuushi sambo koheta yee mianda bole ena. ²⁴ Badya balebbe Kristo Yesu bashi kuusulubisha lokoba amoosa nee shauku nee tamaa yaabo chibee. ²⁵ Ite totachikane kwe motema, bobo tohe nde kwe motema. ²⁶ Totashi be kujikonda, kuushi kokambolana kela amoosa nee ukine, naane nde komonana bwivu.