¹ Nashi kohocha ite maadamu mrithi nee mwaana, ndashi tofauti nee moheka, naane ebehele nee mmiliki wee byendo biiise. ² Kombala kwaake, ole kosee yee bale kolola nee wadhamini mopaka wakati obe koketwa nee isake waake. ³ Koboteka pia nee baatu, tobee baana, tobee kokwateka kole boheka wee kanuni yee kombala yee kibalu. ⁴ Bobo wakati sahihi obe koheka, Firinyambe obe komotoma mwaana waake, mobota wee mokachi, mobota kosee yee sambo. ⁵ Obe koketa bobo ite kobakombola badya babehele kosee yee sambo, ite badya topokele hali yee koba bole baana. ⁶ Kwe sababu baanu nee baana, Firinyambe obe komotoma motema wee mwaana waake monda yee matama yiito, moteme wee kuitana, "Abba, isane." ⁷ Kwe sababu ena awee nduushi mohekalukine bali mwaana. Ite nee mwaana, basi awee pia nee mrithi kohetela Firinyambe. ⁸ Naane kabla, wakati motashi komocheba Firinyambe, mobe baheka kwe badya babe kwe asili nde baa Firinyambe kabisa. ⁹ Bobo lukine ite mwashi komocheba Firinyambe, naane ite mwashi kochebekana nee Firinyambe, kwe bikyee mwaotoka lukine kole kanuni lebee yee kombala nee itashi yee thamani? Buni mwashi kokonda koba baheka lukine? ¹⁰ Mwashi kokwata kwe kololela masu maachi, kobalola kwe songee, majira, nee miaaka. Nashi kotena kwe ajili yiino. ¹¹ nashi kotena ite kwe namuna fulani nashi kojitaabisha botaka. ¹² Nashi koba bembeleza, babotwa, mobee bole meno , kwe bobo lukine nate bole naanu. Motshi kongosea. ¹³ Kwe bobo mwashi kocheba bodya ebee koba nee kwe sababu yee kolwala wee lokoba nabe kuhubiri injili kwiino kwe mara yee kombala. ¹⁴ Ite hali yaane yee lokoba yaabe kobabeka kole jaribu, motashi konedharau naane kone konaa. KOmbala yaake mobe konepokela bole malaika wee Firinyambe, ite bodya nabee Kristo Yesu mweene. ¹⁵ Kwe bobo, elekuni lukine kyanya kyinoo? kwe bobo nashi kohocha kniino ite etahobeleke, mwabe kotubula miiso yiino nee konehabela meno. 16 Bobo lukine, buni nate adui wiino kwe sababu nashi koba chongolela ukweli? ¹⁷ Bashi koba lenga kwe shauku, naane nde kwe maachi. Bale mokolenga koba sambo baanu nee meno ite mobalonde. ¹⁸ Nee buachi daima koba nee shauku kwe sababu yebe bwachi, nee nde tu wakati nabee amoosa nee baanu. ¹⁹ Baana baane bachinini, nashi kosumwa bosongo kwe ajjili yiino lukine ite Kristo ohombeke monda mwiino. ²⁰ Nabe kokonda adya amoosa nee banu bobo nee mashaka iyolo yiino. ²¹ Monechongolele, baanu mwashi kokonda koba kosee yee sambo, muushi kuhungunwa sambo yaabe kohocha? ²² Kwe bobo yaabe koandekwa ite Abrahamu obe nee baana bee kelome babele, om,oosa kwe adya mokachi moheka nee ukine kwe odya mokachi huru. ²³ Naane bodya, odya wee moheka obe koboteka kwe lokoba tu, nee odya wee mokachi huru obe kboteka kwe ahadi. ²⁴ Myanda ena etaobeleke kochongolelwa kwe kotomela mufano, kwe koba baana bakachi ebaa bashi kofanana nee maagano mabele. Omoosa wabe kohola kole kelema Sinai, obe kobota baana nee baheka. Ona nee Hajiri. ²⁵ Bobo Hajiri nee kelema Sinai kebeheleko Arabuni; Washi kyashi kofananishwa nee Yerusalemu yee naani, kwe koba nee moheka amoosa nee baana baake. ²⁶ Naane Yerusalemu edya elee iyolo nee huru, nee ena neee inito wiito. ²⁷ Kwe bobo yaabe koandekwa, "Kyanya, awe mwaana mokachi olee ngomba, awe nduushi kobota. Bandesa chuuki lekata nee ohoche moocho kwe kobota. Kwe maana bawelele nee baanu be ngomba, zaidi yee badya be odya ole ne molome." ²⁸ Bobo mobotwa, ite Israra, baanu nee baanu be ahadi. ²⁹ Kwe wakati odya obe mondo obe koboteka kwe majibu wee motema. Kwe bobo nee bodya bodya. ³⁰ Maandeko ya ocha buni? "Mobandose mwaana mokachi moheka amoosa nee mwaana waake wee molome. Kwe koba mwaana wee mwaana mokachi moheka nda tabe kurithi amoosa nee mwaana wee mwaana mokachi huru. ³¹ Kwe bobo, babotwa, baatu tuushi baana be mwaana mokachi moheke, Tole nee wee mwaana mokachi huru.