¹ Babotwa, ite mondo washi kokwateka kole bobee, baanu bobehele be motema, mnawiwa komohotosa ona mobotwa ² kole motema yee kokatala. Kono motabe kujilola baanu beene bodya kojaribiwa.Motabeleyane moshio, nee kwe bodya motabe kokamolisha sambo yee Kristo. ³ Ite mondo woose washi kojimona nee bwachi wakati nde kyendo, washi kojidanganya awe mweene. ⁴ Kela omoosa nee opeme kashi yaake. Kushila otabe nee kyendo awe mweene peke yaake che kojeseka, kuushi kujilinganisha awe mweene nee mondo oose. ⁵ Maana kela mondo okakotole mushio waake mweene. ⁶ Mondo obe kofundishwa muanda lazima omwabele maachi yiise mwalimu waane. ⁸ Nde kodanganyika. Firinyambe hadhihakiliwi. Kedya kyabe kobyalebla nee mondo, naa kedya otavunee nakyo. Odya wabe kobyala mbeku kole asili yake yee dhambi otavunee bobee, bobo awe ole kobyala mbeku kole motema otavunee bushima bwe milele kohola kwe motema. ⁹ Nde kokoleka kole koketa maachoi, maana kwe wakati waake kotavunee ite tokabembe tamaa. ¹⁰ Bodya lukine, wakati totaabe nee ibowa, tokete maachi koheta naane kwe bale monda yee imani. ¹¹ Molole bokata bwe banua nabe kobandekela kwe loboka bwane mwene. ¹² Badya bale kohola koketa maachi kwe kolola kwe lokoba nde badya bale kobalazimisha motahairiwe. Bashi koketa bodya kwe sababu bashi ingile kole makomo yee msalaba wee Kristo. ¹³ Maana naane badya bale kotahiriwa abo beene baashi kokwata sambo. Kombala yaake bashi kokonda baanu motahiriwe ite mohobe kujiseka lokoba lwino. ¹⁴ Yiishi koholela lokoba ndaikonde etashi koba kwe msalaba we Bwana wiito Yesu Jristo. Nee kole awe kibalu kyashi kusulubiwa kwane nee meno kole kibalu. ¹⁵ Kwe koba iishi kochekya kotahiriwa naane kotashi kotashi kotahiriwa koba nee kyendo. Kombala yaake leya nee yee lashima. ¹⁶ Kwe baase bale kochikana kwe kanuni ena, babe nee amani nee rehema ebe iolo yaabo baase, nee iyolo yee Israeli yee Firinyambe. ¹⁷ Koanjela nani mondo oose kuushi konesombowa, maana nashi kokatola chapa yee Yesu mo lokoba bwane. ¹⁸ Maachi yee Bwana wiino Yesu Kristo ebe nee motema wiino, babotwa. Amina.