¹ Tweshikocheba bobo ite maskani ye mosenge ebee tole mukuchikana amoowashikooneka,tolee ne yenge koola kwe Firinyambi ne ndabo ishii kotengenezwa kwe maboko ye bando kalonga.ayo nendabo ye milele,kole mbengoo. ² Kwe bobo kolendabo hena twashikocheba,itetotakonda kobwalesebwa kwe maskani yito mbengone. ³ Twashi kokonda kwe ajidii ye hena kwe sababu kwibwala totamookee bodia tu tolebosekenyi. ⁴ Kwe sababu wakati tole monda ye ndabo enatwashikoecheba twashiko kandamezwa.Twechee kubulebwa kombala yaake,twashikokonda kobokebwa,ite bodia kedia kyabe kokwa keobee komeneka ne mwechoo. ⁵ Odia obekotoketa batu kwe kyendo heke ne Firinyambi,obee kotwabela batuu motema bole ahadi ye kedya ketakabe kobaa. ⁶ Kwe edia mobee ne tomaini lusuu losee mobee misoo bodia wakatitole mondabo kole lokoba,tolekolebee ne bwana. ⁷ Kwe bobo tole mokwendaa kwe imani,kushii kwe komona.Kwe edia tobe netomaini. ⁸ Na bwachii tobee kolehee koola kolee lokoba ne ndaboo amosa ne bwana. ⁹ Kwe edia twashikuiketa kobalengoo ditoo,ite tolee mondabo nane kolee,tomopendeze awee. ¹⁰ Kwe bobo ne bwachii basee tomonekee kombala ye ketekye hukumu kye kristo,ite bodia kela omosaa ohobee kopokelaa kedia ketabekoba kwe mianda yabe koketebwa kole lokoba,ayoo ne kwe bwachii nane kwe bobee. ¹¹ Kwe edia,kwe kuicheba ofuu ye bwana,twashikobashawishi bando bole toleko,yashikomoneka bololo ne Firinyambi nale ne tumaini bobo ashikuungukwana yo kole lokanyi lwinoo. ¹² Bobo tushii kujiseka batu benee kombala kwino lukine,batu twashikomwabela sababu ye kujiseka kwe ajidii yitoo,ite mokoche koba nayoo kombala kwaboo bale kujiseka kwe mianda ye anjee tu,naneshi kwe mianda ye motema. ¹³ Kwe bobo ite bodia tushii ne lokanyi,ne kwe ajidii ye Firinyambi lwito lwachii,ne kwe ajidii yinoo. ¹⁴ Bobo,kokondana kwe kristo kwashikotopashaa:bobo tole ne hukumu leno,kwe bodia amosa obeekokwa kwe ajidii ye basee,bobo babe kokwa basee. ¹⁵ Ne kristo obekokwa kwe ajidii ye base,ite bodia badia balemu kuchikana bashichikane lukine kwe ajidii yabo benee.Kemongo kwakee,ne bwachii bachikane kwe ajidii yaake awe obe kokula ne obe kofofolebwa. ¹⁶ Nane yashikomocheba,batu tangie nani tushikocheba mondo obee ne bisee kwe namona ye lokoba ingabaa batuu twashii komocheba kristo kwe namona ye lokoba,nane nani tushii komocheba bono lukine. ¹⁷ Kwe bodia,ite mondo olee monda mwe kristo,awe ne kyiumbe keyaa mianda ye kalee tashikweta.Lola ,yashikobaa mayaa mayaa. ¹⁸ Bilemobisee bonoo byashii kolaa kwe Firinyambi obee kutukumbakanya batu kwakee mwenee kwetela kristo,ne washi kotwabela huduma ye kutukumbakanya. ¹⁹ Bobo ne kochaa,kole kristo Firinyambi washikukumbakanya mosenge wakee mwenee,kuushi kwe kobaleka makosaa yaabo kweta aboo nawe washikotecha munda mwito mwanda we kopatanishaa. ²⁰ Bobo tole banjumbe kwe ajdiye kristo,ite bodia Firinyambi obee mokoocha kwe tonwa twito:twashikomwengela banuu kwe ajidii ye kristo mokumbakane ne Firinyambi. ²¹ Obee komoketa kristo koba sadaka kweajidii ye zambi chito.Ite batu tokonje koba hakii ye Firinyambi kolee awee.