¹ Ne kwe bodia tokete molemo amosa twashikobashii banuu ndekopokela neema ye Firinyambi kotashii maholelo. ² Kwe bobo obe kochaa,wakati obekutabokebwa nabekukuungwa,lusulwe wokovu nabe kokosaidiya:lolaa,wakati obe kotabokebwa na nani,lola lusu lwe okovu ne nani. ³ Tushii kobeka ibweele kochebela kombala ye mondo hosee,kwe koba ndetwechee huduma witoo ebeswee kolee sifaa chibehe. ⁴ Nane kole kela mwanda tujabelee safaa diachi,bolee batumishii be Firinyambi,kolee saburi chiwelele,kolee dhikii,kolee maleloo,kolee makomoo, ⁵ Kole bituto,kole bifungo,kolee fitinaa,kolee taabu,kolee kokeshaa,kwe kofongaa. ⁶ Kolee koba motoke kolee lokanyi,kolee kovomelea,kolee bondo bwachii,kolee motema mwachi,kolee kokondana kotashii ne bunafikii. ⁷ Tobee batumishii bakee kolee mwanda we kwedi,kolee bokome bwe Firinyambi.Tolee ne lobaho lwe kwedii kwe mbangaa ye koboko kwe sandome ne kwekoboko kwe mokachii. ⁸ Kwe utukufu ne masonyi kwe koketea bibehe ne koketa bwachii,bole babe kobadanganyaa nabo ne bando be kwedii. ⁹ Twashikoketa molemo ite bodia tushiikochekana na batu tole mokochebekana bwachi.Tole mokoketa mokemo bole babe kokwaa ne lolaa,batu tolemukuchikana twashi koketa molemo bolee tobekoazibiwa kwe ajidii ye matendoo yito bodia tushii bole babe kuhukumiwa mopakaa kokwa. ¹⁰ Twashikoketa molemo bole balee ne uzunii,bodia lusuu losee tolee ne kianyaa.Twashikoketa molemo bole bamaskini,bodia twashikotajirisha bawelele.Twashii koketa molemo ite bodia tushikokonja kyendo,batuu tolebalee ne bilemo bisee. ¹¹ Tole mokoocha ukwedi hosee kwino,wakorintho,ne metema yitoo yashikobololwa kwe bwendende. ¹² Metema yino ishiikochebelwa ne metema yino banubenee. ¹³ Bobo,bodia molepe kadirii ye bedia mwabe koabelebwa nashi koocha nabanu bole ne banaa mobolole metema yino kwe bwendee. ¹⁴ Ndekubungebwa amosaa ne bashikuitaboka kwe koba kole bulafiki mungia ye haakii ne kokona?ne kole bulafiki bunii mungia ye mwangaa ne ikunye? ¹⁵ Ne bulafikii bunii kristo otaobee kole naboo ne Beliari?nane awee obekuitaboka ole ne lobaa lunii amosaa ne ushii kuitaboka? ¹⁶ Ne kole bulafikii bunii yale mungia mwendabo ye Firinyambi yabe ishima,bale bodia Firinyambi obekoocha nashikokonda mungia mwaboo ne kwendaa mungia mwaboo ngabao Firinyambi waboo naboo batabee bando banee" ¹⁷ Kwe bodia"olaa mungia mwabo ne mosambokane nabo"washii koocha bwana"ndekokwata kyendo kibehe,ne nitamokaribishee banuu. ¹⁸ Ndabee ishino kwino,nabanuu motabee bana banee be bane balome ne bana bachi"obe koocha bwana mwenyezi.