¹ Kwe bdia kwe sababu tole,ne huduma hena,ne ite bodia twashi kopokela rehema,twechee tamaa. ² Komongo kwake,twashi kokona njela hesee ye masonyi ne yabe kuisekebwa.Tushikuchikana kwe tabiyaa,ne tushikoletomela bobee mwanda we Firinyambi.Kwe kubaunguchwa yabe kwedii,twashi kwimonesa batu benee kwe zamiri ye kela mondo kombala ye Firinyambi. ³ Nane bodia injidi yitoo yashi kweseka,yashikoesaka kwe bodia tu babekoangamela. ⁴ KOle buchaguzi bwabo,Firinyambi we mosenge hoonaa washikubaerevusha lokangi lwabo lushii kwetaboka maolelo makee,ndakabee komona nuru ye injidi ye utukufu we kristo,nawo ne mfano we Firinyambi. ⁵ Kwekoba tushikojitangaza batu benee,ne kristo Yesu bole bwana,ne batu bene bole batumishii binokwe ajidii ye Yesu. ⁶ Kwe koba Firinyambi na obeleezee kolaa muikunye"washii kwangaza kole metema yitoo,kolaa mwangaza we maarifa ye utukufu we Firinyambi kole uwepo we Yesu kristo. ⁷ Bobo tolemokobeka enaa kole byombo bye matekya,ite bobo iungunike koba bokome bokata sana ne bwe Firinyambi ne bushii bwito. ⁸ Twashikotabika kole kela hadii,bodia tushii kosongwa twashii komona shakaa bodia tonabaa ne kobembatamaa. ⁹ Tweshikoteswa bobo tonashiyebwa bashikotosombola asee bobo bashii kotoangameza. ¹⁰ Lusu losee twashii kokatola kole lokoba twato lokoolwe Yesu,ite bobo mwechoo we Yesu washikomoneka bango kole lokoba lwito. ¹¹ Batu tobee bashima lusu losee twashikoolebwa kokwa kwe ajidii ye Yesu,ite bodia bushima bwe Yesu bwashi komoneka kole lokoba lwitolwe bando kalonga. ¹² Kwe sababu ena,lokolwashikoketa,molemo monda mwito,nao mwecho washii koketa molemo munda mwino. ¹³ Na batuu tole ne motema odia odia we imani koetela ne kedia kyabe kwandekwa"nabe kwetaboka,nabodia nabe koocha"batuo nabotwashi kuitaboka,na bodia bango twashikoocha. ¹⁴ Tolemokocheba bobo odia obe komofofola bwana Yesu naweotafofole na batuu amosa nawe.Twashikocheba bobo otatobese batu amosaa ne banuu kole uwepo waake. ¹⁵ Kela kyendo ne kwe ajidii yino ite babo,kwe kadirii ye neema yabe kobana kole bando bawelele,shukurani diwelele dyeongezekee kwe utukufu we Firinyambi. ¹⁶ Bobo twechee tamaa.Nane ibee kwe anjee tolenebikoo,kwe monda twashikoketwa boya lusu kwe lusuu. ¹⁷ Kwe kepende hekee kiiyeye,mokomo ema maelee yashikotolama batu kwe ajidii ye umilele moneme we utukufu obekweta bipimooo bisee. ¹⁸ Kwe koba tushii kolola kwe ajidi ye bilemo byabe bashikomoneka,ne kwe ajidi ye bilemo bishii komoneka.Bilemo totabiobe kubimona ne byemoda tu abio bilemo biabe bishii komoneka ne bye milele.