¹ Endagano ntanzi nayo yali gwerhe eyayo migezo y'okushenga n'akayo ka_nyamahanga ka mwo limw'igulu. ² Bulya ecihando ca yubakagwa cali mwo akamole,n'ecibo,n'emigati y'enterekero,aho ho Hatakatifu. ³ N'enyuma ly'olusika lwa kabirhi hali ecihando caderhagwa Hatakatifu h'ebitakatifu. ⁴ Lw'entererekero eyubasirwe n'enoro n'omucimba gw'endagano gufunisirwe n'enoro enyunda zoshi.Namuli ohwo mucimba mwali ikovu ly'enoro liyunjwire mana,n'akarhi ka Haruni ka meragakwo obwason'amabuye g'endagano. ⁵ N'oku nyanya kwagwo kwali Bamakerubi ni b'irenge bakagijirira entebe y'obwonjo empehema,ci arhali buno lyo rhwankazabula ebyo byoshi. ⁶ Erhi biba byamayubakwa ntyo abadahwa bakagija omu cihando cirhanzi ngasi mango mpu bajiriremwoemikolo yabo y'okushenga. ⁷ Ci omu cihando ca kabirhi murhajibagwa elirhali liguma lyone omu mwaka,na mudahwa mukulu yene wamujaga;arhajagamwo arhadwirhi entulo y'omuko gw'okulyula ebyaha byage n'ebyo lubaga. ⁸ Muka Mutakatifu amanyisa ntyo oku enjira y'aka_Nyamahanga erhankayiguka n'Ecihando cirhanzi cicisigire. ⁹ Olwo luli lwiganyo lwa gano mango ga buno,lurhumanyusize oku entulo n;enterekero zirhagwerhi buhashe bw'okuhindula owaharamya mwimana omu murhima gwage. ¹⁰ Bulya gali marhegeko gayerekire ebyo mubiri,nk'ebiryo,n'ebinywebwa n'okucikalaba kwangasi lugero.ebyo byoshi biri birhegeke kuhika amango g'omuhindamuko muhyahya. ¹¹ Kristu yehe erhi ayisha ahinduka mudahwa mukulu w'aminja ganayishe,agera omu cihando cilushire cirya cindi obunene n'obwimana cirhajiragwa n'enfune za muntu k'okuderha oku cirhali camwebi byalemirwe en'igulu. ¹² Aja lwoshi caligumiza omu ka_Nyamahanga.Arhajagamwo n'omuko gw'ebihebe erhi gw'ebimasha,ci n'omuko gwage yene erhi amayisirhushoboza obucugunke bwensiku n'amango. ¹³ Akaba omuko gw'ebihebe n'ebimasha,n'oluvu lw'endaku bakagishahiziza oku bazinzire byakagibayobola bibahe obucese bw'omu biri, ¹⁴ kanga kulusha omuko gwa Kristu wacihanaga yene nterekero erhalikwo izabya emwa Nnamahanga oku buzibu bwa Muka hw'ensiku n'amango gurhacesa omurhima gwirhu, guzazemwo ebijiro by'olufu lyorhubona oku rhwakolera Nnamahanga ozine? ¹⁵ Eco cocirhumire aba mulagizi w'endagano mpyahya anafire mpu azaze ebyaha byakolagwa amango g'endagano ntanzi lyabarhole bayima omu bwami bw'ensiku n'amango balaganyibagwa. ¹⁶ Bulya ahali endagano y'omwimo kukwanine habe ecahamiriza oku owayilangaga afire. ¹⁷ Neci endagano y'omwomo ebona obuzibu nk'owayijiraga amafa;n'amango goshi aciriho nta buzibu bwayo. ¹⁸ Okwo kwo kurhumire endagano ntanzi nayo erhajiragwa buzira kubulaga omuko. ¹⁹ Bulya erhi Musa ayusibwiriza olubaga lwoshi amarhegeko n'oku ngasi liguma lidesire ayanka omuko gw'ebimasha n'ebihebe,haguma n'amishi n'obwoya bw'omuduku n'orhubabi rhw'enkagulo ashahiza oku citabu conene n'oku lubaga lwoshi erhi: ²⁰ Natya aderha: "ogu g'omuko gw'endagano Nnamahanga alaganaga ninyu." ²¹ Kandi kwo na kwo,ashahiza omuko oku cihando n'oku bintu byoshi by'okushenga. ²² Kali ciru Amarhegeko garhegesire hofi ngasi kantu kashukulwe n'omuko,na buzira kubulaga omuko nta kubabalirwa. ²³ Akaba olwiganyo lw'ebintu by'empingu lucesibwa ntyo,kusiga kukwanine ebyo bintu by'empingu byonene bicesibwe n'eenterekero zilushire. ²⁴ Neci Kristu arhadahaga omu ka_nyamahanga kayubakagwa n'amaboko g'abantu,nshusho ya ka_nyamahanga k'okunali,arhalimwo Kristu ajire,ci ashesherera omu mpingu mwonene,mpu lyo akabonekana omu busu bwa Nnamahanga rhwe rhurhumire. ²⁵ Arhanali kandi mpu lyo acihana nterekero kanji kanji nka kulya omudahwa mukulu akaja ngasi mwaka omu ka nyamahanga n'omuko gurhali gwage. ²⁶ Bicibaga ntyo,ankalibuzibwe kanji kurhenga okulemwa kw'igulu.Ci mwo zino nsiku nzinda lyo aciyerekine ligumakwa lwoshi,mpu ahererekeze ecaha n'enterekero yage. ²⁷ Na bulya abantu liguma lyone bafa,n'enyuma lyaho batwirwe olubanja. ²⁸ Ntyo, Kristu naye,acihanyire nterekero iguma lyone mpu azaze ebyaha bya banji;anaciboneke lindi luguma buzira caha mpu alerhere abamulinda obucire.