² Stefano ashuza:Bantu benewani na balarha,yunvi!Nnamahanga w'obukuze abonekire larha wirhu Ibrahimu amango ali e Mezopotamia embere arhacija e Kanani, ³ na anamubwira:"Rhenga omu cihugo cawe n'omumulala gwawe,anagenda omucihugo na kulagule. ⁴ Anacirhenga obo omucihugo ce Uri (Kaldayo),na anayubaka anaja e Kananani,eyo,enyuma lyokufa kw'ishe,Nnamahanga amugeza omucihugo comukola muyubasire mwobuno. ⁵ Na arhanamuhaga n'ecigabi omweco cjhugo,cirhu nahankadekereza okugulu,cikwone amulaganya okwanamuhe co cage n'okwiburha lyage enyuma lyage,cirhwankaba arhaligwerhe mwana. ⁶ Mungu aderha ntya:iburha lyawe lyanaciyubake omucihugo cibalama,banalibarhuze omuzigo nabanalibarhuze kuhika myaka magana gani. ⁷ cikwone ulubaga lyabalya bakagi kolera,nienene naluhane,adesire Mungu,enyuma lyaho,banarhenga,nabayishi nkolera omwahahantu aha. ⁸ Nantya Mungu aha Ibrahimu eciragane cokukembulwa,nantya,Ibrahimu,anaburhaga Isaka,amukembula olusiku lwakali munani,Isaka aburha na akembula Yakobo,na Yakobo ishe wikumi na babirhi. ⁹ Bulya ishe wa bakulu,karhima k'enyanya lya Yusufu bamuguza bamuheka e misri.cikwone Mungu abaha guma naye, ¹⁰ na amuciza na amalibuko goshi anamuha obumanye na anamuha olukogo embere za farao,mwami w'emisri ,amujira gavuruneri w'emisri n'enyumpa tage yoshi. ¹¹ Hanaciyisha ishali omucihugo coshi c'emisri, n'ekanani.amalibuko gali manji na balarha wirhu barhabonaga bici bankalya. ¹² cikwone Yakobo anacimanya oku yanaciri egano emisri,na ancirhuma balarha oburhanzi. ¹³ N'obwakabirhi,Yusufu anacimanyikana na bene wage,na Farao anacimanya mulala guhi ali mwo. ¹⁴ Naho Yusufu anacirhuma okugendi lonza ishe Yakobo,n'omulala gwage goshi,gugwerhe bantu makumi galinda na barhanu, ¹⁵ Yakobo anacihonokera emisri,anafira eyomunda,nantyo ko balarha; ¹⁶ na banacibaheka e sekemu,n'okurherekeza omuncinda Abrahamu agulaga,okucishingo c'efaranga kurhenga abana ba Hemora,ishe wasekemu. ¹⁷ Akashanzi kahika n'okubyali shinganine bihikirire eciragane Mungu alijijire n'Ibrahimu,n'olubaga lwayushuka bwenene emisri. ¹⁸ Kuhika habonekana owundi mwami,orhacimanyaga YUsufu. ¹⁹ Oyo mwami,akolekeza obulyalya omulala gwirhu,alibuza balarha,kuhika ajira abana babo bakabulirwa,mpu barhacilamaga. ²⁰ Omwa kokashanzi,Musa aburhwa,ali mwinja omumasu ga Mungu,anacilisibwa miezi isharhu omu nyumpa y'ishe. ²¹ N'amango akabuliragwa,mwali wa Farao amurhola,n'amulera nka mwana wage. ²² Musa anaciyigirizibwa umubumanyi boshi bw'emisri,na anali wa misi omu myazi n'omubijiro. ²³ Aligwerhe myaka makumi ani,amango byamuyishiraga omu murhima okugendi rhagula bene wage,abana b'israeli. ²⁴ Anacibona muguma mulibo balibalibuza,na,anacimulwirako,anaciyokola oyu balilibuzize,n'ashurha omu misri. ²⁵ Arhanya oku bene wage bayunva oku Mungu okwabahire obucunguke oku kuboko kwage,cikwone barhamanya. ²⁶ Olusiku lwali shimbulire,byanacibonekana omukarhi kabo bone nanene bakagilwa,na anacibayingiga oku murhula,balume adesire,mulimwenenane(milondane);bici byankarhuma mwalibuzanya muguma okuwabo? ²⁷ Cikwone owakagi libuza mwene wabo amugalula okuderha:Ndi wakuhebagaho okuba mukulu na muzuzi okurhwe? ²⁸ Kolonzize onige,nkoku wanigaga njo omumisri? ²⁹ Okwakokanwa,Musa anarhola oku libirha na anacigendi yakira omucihugo ce Mediani,neyo aburhirayo banarhabana babirhi. ³⁰ Myaka makumi ani enyuma,Malaika anacimubonekera omwirungu lye ntondo ye sinai,omungulumira y'ishaka y'omuliro. ³¹ Musa,abona ebyo,anacisomerwa okwebyo bibonekerezi,na,nkoku aliyegerire mpu alolereze(amanye),izu lya Nnahano lyayunvikana: ³² Nye Mungu wabasho wawe,Mungu w'Ibrahimu,w'Isaka na wa Yakobo.Na Musa kujuguma yeshi,ntakupima mpwaheguza. ³³ Nnahano amubwira:Hogola ebiratyo byawe omumagulu gawe,bulya ahantu oli oyimazire liri idaho licire. ³⁴ Nabwine amalibuko go lubaga lwani luli emisri,nayunvirhe emirenge yabo,na nanahonosire okubaciza.buno genda,na kurhuma emisri. ³⁵ oyo Musa,balilahire,omukuderha;ndi wakujira mukulu na muzuzi?oyo ye MUngu arhumir nka mukulu na mulikuza haguma n'oburhabale bwa malaika wa mubonekeraga omw'ishaka. ³⁶ Oyoye wabahulusize emisri,omukujira ebisomerine n'ebirhangaza omucihihugo c'emisri,oku nyanja ndukula,n'omwirungu,myaka makumi gani. ³⁷ Oyo Musa yedesire oku bana b'Israeli;Mungu anaciyinamule omugarhika bene winyu omulebi nkaye. ³⁸ Oyuye omumango goburhimanane omwirungu ali haguma na malaika wakagi mudesa oku ntodo ye sinai na haguma na balarha,ayankirira emyanzi y'obizine,arhuheyo. ³⁹ Balarha wirhu barhalonzagya okumukenga,abakabulira,na bahindamukira emirhima yabo emisri. ⁴⁰ Baderha na Haruni,rhujirire bamungu balambagira embere zirhu,bulya oyo Musa warhurhezagya omucihugo c'emisri rhurhacimanyiri gurhi byayishiri mubera. ⁴¹ Na,okwezo nsiku ezo,banacijira akanina,banacirherekera eterekero okunshushano,n'okushagaluka okubijiro byamaboko gabo. ⁴² Nantyo Mungu ahindamuka,na anabaleka okw'ishegero lyolubaga lw'empingu,nkoku byaliyandisirwe omucitabu ca balebi;mwanterekire enterekero n'entulo myaka makumi gani omwirungu,nyumpa y'israeli? ⁴³ Ninyu mwali barhwire enyumpa ya moleki n'entodo ya mungu refani,ezo nshushano mwacijiriraga mpu mukacikumbazo!nani namuhamisa mugende kuli n'ababeli. ⁴⁴ Blarha baligwerhe omw'irungu ihema ly'obuhmirize,nkoku balibwizirwe owabwiraga Musa okulijira nkoku lwiganyo analulilubwine. ⁴⁵ Nabalarha,banaiyankirira baidahisa,okukulolwa na Yoshwa,omucihugo cali gwerhwe n'olubaga Mungu ahinvaga embere zinyu,na banamubera kuhika esiku za Daudi. ⁴⁶ Daudi anabona obugashane embere za MUngu,na anahuna okwinamula enyumpa ya Mungu wa Yakobo. ⁴⁷ Na aligi Sulemani wayishirigi yubaka eyo nyumpa ya Mungu. ⁴⁸ Cikwone oli enyanya arhatamala omu byobyajiragwa n'amaboko ga mwene muntu,nkoku bidesirwe n'omulebi, ⁴⁹ 'Empingu yo ntebe yani,n'igulu bobulabariro bwani.Nyumpa nci mwankanyubakira moyo,Nnahano adesire,erhi hantu hahi nankarhamukira? ⁵⁰ Karhali kuboko kwani kwajiraga ebi bintu byoshi?' ⁵¹ Bantu bigosi rizibu,barhakembwirwi emirhima na amarhwiri!muli mwajakadali amango na Muka gucire.oku basho bali yosire,kwoninyu mulintyo. ⁵² Bahi omubalebi basho winyu barhalibuzagya?banizire balya bajaga mahamagaza embere ly'okuisha k'owokuli,oyu mwahanaga buno,na mwoyo mwanaminiga. ⁵³ Mwemwayankiriraga amarhegeko n'amahano kuli malaika,na murhanagabikaga! ⁵⁴ Omuyunva eyo myanzi,banacilula omumirhima yabo,na banacisirhirha amino enyanya zage. ⁵⁵ Ci Stefano,ayunjwire Muka Mutakatifu,na anaseza amalanga empingu,abona obukuze bwa Mungu na Yesu ayimaire ekulyo kwa Mungu. ⁵⁶ Na anaderha:sinza,nbwine empingu ziyizire na mwene muntu ayimazire akulyo kwa Mungu ⁵⁷ Banaciyama okulubi lunene,n'okuzirha amarhwiri nabanacilunda boshi okuye, ⁵⁸ Banamuhulusize emuhanda y'olugo,nabanamubazire,n'abandi bakadekereza emishangi ahamagulu g'omusole w'omulume adesirwe Sauli. ⁵⁹ Nabanacibanda Stefano,ahuna na aderha:Nnahano Yesu,yankirira omurhima gwani! ⁶⁰ Nanyo erhi amafukama,anayama okw'izu linene:Nnahano orhabaganjire ecaha ci!N'enyuma lyeyo myanzi,anahunira.