¹ Na Sauli aligiyemire okufa kwage.okwo lwo lusiku kwa nacirhondera amalibuko manene enyanya lya kanisa kaligi omu Yerusalemu.banacishandala boshi omucihugo c'Eyudeya n'Esamaria,cikwone Etumwa. ² Bantu bazirhishembo babisha Stefano,banacimujirira mishibo minji. ³ Cikwone Sauli anacishereza ishengero,akacijaja ngasi nnyumpa,n'okujabulula abalume n'abakazi n'okubakweba omumigozi. ⁴ Cikone balya bashandazibagwa banacigenda hoshi hoshi bajaigiriza akanwa. ⁵ Filipo ahonokera kuhika omu lugo lw'Esamaria,abaigiriza Kristu. ⁶ N'olubaga lwayunvirhiza okumurhima muguma emyanzi yoshi Filipo aderhaga,bayunva na banabona ebisomerine ajiraga. ⁷ Bulya abazimu babi bakalaka okwizu linene,bakarhengako ababalikwo,na bantu banji bali hozire ebirumbu n'ebirema bafumizibwa. ⁸ Omwishigwe munene gwaba omwolo lugo. ⁹ Na muntu muguma,izino lyage Simoni,akagijira amakurungu (bulozi) omwolo lugo olo,akasomeza abantu b'Esamaria,akaderha oku ye ali muntu mukulu. ¹⁰ Boshi bakamuyunviriza,kurhenga oku murho kuhika okumukulu,bakaderha:Oyu muntu buli buhashe bwa Nnamahanga,oltohamagirwe Mukulu. ¹¹ Bakamuyunviriza,bulya alibasomizize n'obulozi bwage nsiku nyinji. ¹² Cikwone erhi baciyemera Filipo,ayigiriza emyanzi minja yo bwami bwa Mungu,n'izino lya Yesu Kristu,babatizibwa,balume na bakazi. ¹³ ciru na Simoni na Simoni naye yene ayemera,anabatizibwa,anabera bone Filipo.asomerwa abona ebirhangaza n'ebisomerine. ¹⁴ N'Etumwa zali Eyerusalemu erhiziyunva okwi Samaria bayankirire akanwa ka Mungu,barhuma Petro na Yoane oku baje emwabo. ¹⁵ Banacihonoka,babahunira bayankirire MUka Mwimana. ¹⁶ Bulya ye arhali cihonokera ciru n'omuguma wabo,bali batizibwe kwone okwizino lya na Nnahamwirhu Yesu. ¹⁷ Babahebakwo amaboko gabo,nabo banayankirira Muka Mwimana. ¹⁸ Na Simoni erhi abona oku abantu bayankirire Muka Mwimana oku kuhebwa kwa maboko g'Etumwa,alonza oku baha efaranga, ¹⁹ aderha:ope nani kobo buhashe obo,lyo ngasi muntu nanahebe kw'amaboko ayankirire Muka Mwimana. ²⁰ Petro amubwira:efaranga zawe muherere hali nazo,bulya orhanyize mpu akarama ka Mungu kanakabonekana oku nfaranga. ²¹ Orhagwerhi lushagi erhi cigabi omugumwanzi ogu,bulya umurhima gwawe gurha shinganini embere za Mungu. ²² Hoshihaho ociyunjuze obubi bwawe bu,ohune Nnahano,lyo akaba wababalirwa entanya z'omurhima gwawe. ²³ Bulya nama kubona woyo oli omu ndulwe,n'omu karhi k'emigozi y'obulyalya. ²⁴ Simoni ashuza aderha:Mumpunirage Nnahano,birhagi gwarha ciru n'ehiguma ebimudesire. ²⁵ Nabo erhi bayusi hamiriza n'okuyigiriza omwanzi gwa Nnahano,baaluka Eyerusalemu,bayigiriza emyanzi minja omungo z'Eyerusalemu. ²⁶ Cikwone Malaika wa Nnahano abwirha Filipo,aderha:Rhenga ogende oluhande lwidako nko mujira ehonosire kurhega Eyerusalemu kuja e Gaza;nayo liri irungu. ²⁷ arhenga,anagenda;na sinza,muntu w'Etiopia mukone,w'obuhashe ndako lwa kandake ,mwamikazi w'etiopia,alihebirwe enyanya ltomuhako gwage goshi;aliyishire eyerusalemu alicikumba, ²⁸ alakalaga erhi akala galuka,atamire omu mutuga gwage,ajasoma ecitabu c'omulebi Isaya. ²⁹ Muka abwira Filipo:Shegera hofi n'ogu mutuga ogu. ³⁰ Na Filipo anacilibira duba emunda ali,amuyunva ajasoma ecitabu c'omulebi Isaya;amudosa:Koyunvire eyi mwanzi wajasoma? ³¹ Aderha:Gurhi na nka hasha buzira omuntu okunongolana?Ayinginga Filipo ashone n'okutamala haguma naye. ³² N'ehihande yamandiko ajagasomakwo hioyehi: Ahesire nka cibuzi cajinigwa,na nka mwanabuzi embere zolya wamutwa oboya anali mutudu na ntyo naye arhayigulaga akanwa kage. ³³ Omu bululu bwage olubanja lwage lwarhenzibwa.Ndigi wankashambala iburha lyage?Bulya obulamu gwage burhezibwe omw'igulu. ³⁴ Olya Mukone ashuza Filipo,aderha:Nkuhunyire,obwire,oyu mulebi adesire enyanya zandi eyi myanzi:kenyanya zage yene erhi enyanya z'owundi muntu? ³⁵ Filipo afungula akanwa kage,arhondera okwagalya mandiko gonagalya,amuyigiriza emyanzi minja ya Yesu. ³⁶ Bana cigenderere omunjira,banahika aha mishi gali:n'olya Mukone aderha:alaga amishi;mwanzi muci gucihanzize ntabatizibwe? ³⁷ Filipo aderha:Nkawankayemera oku murhima gwawe goshi wanahasha.Amushuza aderha:Nnyemire Yesu Kristu okwali mugala wa Mungu. ³⁸ Arhegeka oku omutuga guyimazibwe;bahonoka boshi babirhi omu mishi,Filipo n'olya Mukone,amubatiza. ³⁹ Buzinda erhi barhenga omumishi,Muka wa Nnahano alengeza Filipo,n'olya Mukone arha cimubonaga;agenda akala ashagalusire. ⁴⁰ Cikwone Filipo abonekana umu Azoto,ajagera,ajayigiriza emyanzi minja omu ngo zoshi,kuhika ahika e Kaizaria.