V 1 Omwak'akoshanzi,esabu ya bigirizibwa yanaciyushuka,Abayunani banaciduduma enyanya z'Abrebani,bulya abakana babo babalekerera okubugabi bwakagijiikana ngasi lusiku. ² Ikumi nababiri banacihamagala olubaga lw'abigirizibwa,n'okuderha:birhashinganini okurhuleke akanwa ka Nnamahaga mpu rhukole oku meza. ³ Cocirhumire,benewirhu,londoli omukarhi kinyu balume nda,balya baderhirwe obudima bwinja,bayujwire omurhima mwerhu n'obumanyi,na rhwababarhuza ogumukolo. ⁴ Nanirhu,rhwagendekera rhwaheba oku mahuno n'okumukolo g'omwanzi. ⁵ Akanwa kanasimisa oburhimanane boshi,banacilondola Stefano mulume oyunjwire bw'enene na Muka gucire,na Filipo,Prokoro,Nikanoro,Timoni,Paramena,na Nikola mwanaburhwa(muhindamuzi) we Antiokia. ⁶ Banacibalagulana Etumwa,nabo,enyuma lyokuhuna,babahebakwo amaboko. ⁷ Akanwa ka Nnamahanga kanacilumira kulusha n'okulusha,n'esabu ya bigirizibwa yanaciyushuka bwenene Eyerusalemu,n'olubaga lwinji lwa abadahwa banakenga obw'obwemere. ⁸ Stefano,ayunjwire inema n'emisi,akajira,ebisomerine n'ebirhangaza binene omugarhi g'ebanga. ⁹ Baguma baguma omukarhi g'ebanga umundalala z'esinagogi badesirwe Bashwekule,coli n'Abakureno nacoli n'Abalekuzadrio,haguma na Abayuda be Kilikia n'abe Azia banacihagalikana naye. ¹⁰ Cikwone barhankamwimagire oku bumanye bwage n'oku murhima gulya akangiderhako. ¹¹ Nantya nabanacinywesa abantu banaderha:"Rhwayunvirhe ajacira akanwa ka Musa n'enyanya za Nnamahanga." ¹² Bananywesa olubaga,aboshosi n'abandisi,na,banacikweba kuliye banamurhuba,n'okumulerha omu mbaraza. ¹³ Banacifulula obudima bw'obunywesi baderha:oyu muntu arhalesiri okujacira emyanzi enyanya ly'ahantu hacire n'enyanya ly'amarhegeko. ¹⁴ Bulya rhwamuyunvire aderha oku Yesu,munazareti ashambula ahantu n'ahindamula oborhere Musa arhuhaga. ¹⁵ Bulya boshi balishimanine omu baraza banacimumolera amasu oku Stefano,n'amalangagage ganabonekana nka ga malaika.