¹ Rhulonzize okubanyisa, bene wirhu,kushibana n'olukogo lwa Nnamahanga ashobozize ishengero z'e Makedonia. ² Omumalibuko manji babwine,obushagaluke bwabo bunene n'obukenyi bwabo bwinji byayunjulirine,byahinduka buhirhi bwakurhabala abandi. ³ Nkoku banali bahashire niene mpanyire obwobuhamirize,ciru nakulusha obuhashe bwabo bone. ⁴ Bayishirhuyinginga mpu rhubashoboze nabo enshokano y'okushangira ogwo mukolo gw'okurhabala abatakatifu. ⁵ Balushiriza ciru aha rhwali rhulangalire la,barhangijaho,bacihana bone emwa Nnahano,okubundi ,bacihana emwirhu oku bulonza bwa Nnamahanga. ⁶ Rhwanacihuna Tito obwo,nti obwola aliamarhondera ogwo mukolo gw'okurhabalana aguyunjulize emwinyu. ⁷ Ci kulya mulushana muli byoshi___omubwemere,omukuderha,omu bumanyi,omubushibirizi boshi omu buzigire bwinyu emwirhu,nantyo munalushe omu bugashane bwamene bwo. ⁸ Lirhali irhegeko nmuhire ene nderha ntyo;ci kuderha nti nbe nkanarhagula erhi obuzigire bwinyu bunali bomu kushibirira abandi. ⁹ Murhahabiri olukogo lwa Nnahano Yesu Kristu,oku yewali mugale acjira mukenyi mwe murhumire,mpu lyo bukenyi bwage bumujira bagale. ¹⁰ Ihano nmuhire mw'okwo;okwola kwokunamukwamine mwe mwarhonderaga ogw'omukolo kurenga mwaka injo.Arhanali kurhonderha okugujira kwone,ci n'okugulonza. ¹¹ Neci,ogwo mukolo muguyunjuzagye,na ntyo kulyala mwali mubiduhire omu kulalira, kwo mwanashugibiduha n'omu kujira,nkoku munahashire. ¹² Obulonza bukabiduha,eci omuntu agwerhe co cirhuma asimwa,ci arhankadosibwa eci arhagwerhi. ¹³ Ntadesiri nti mukule abandi olukoba emumiro,mucihiremwolo,ci nti muyumanyanye. ¹⁴ Mw'okula rhuli buno ebimulugire murhabale ubukenyi bwabinyu.na ntyo muyumanyanye. ¹⁵ Nkakulya biyandisirw, mpu:''Owali rhozire ebinji birhamulugiraga,n'owali rhozire binyi birhamunyihiraga. ¹⁶ Mushana Nnamahanga ayagirwe!Owahebaga obu bushiru kuli mwe omu murhima gwa Tito. ¹⁷ Bulya okubinali ayunvirhe ntimanyo zirhu,ciru aba bushiru kulusha.Ayishire emwinyu omukulonza kwage yene. ¹⁸ Rhumurhumire bo na mwene wirhu muguma,olya irenge lyage omukulumiza emyanzi y'akalembe liderhwa omu ishegero lyoshi. ¹⁹ Arhanali kwonekwo:acishozirwe n'ishegero mpu anyose rhukzibalama rhwe naye omugumokolo gw'enshokano rhwacihanyirekwo,lyo Nnamahanga aj'irenge,ly'omurhima gwirhu gurhulula. ²⁰ Kulonza okwola nti harhakijira owa rhutumuza kw'ogula mwandu gw'ebirugu barhubarhuzize. ²¹ Bulya rhulonza okujira aminja,arhali omu masu ga Nnamahanga mwone,ci n'embere za abantu. ²² Rhubarhumire bo bonolya mwene wirhu warhuyeresire kanji kanji oku anaba mukobendu,nabuno aciyerekine wa bushiru kulusha bulya acimwikubagire mwenene. ²³ Tito yehe ye wirhu rhuba rhwe naye,ye nnatabala okumikolo ekarhi kinyu.Abandi bene wirhu ishengero zi barhumire,bali irenge lya Kristu. ²⁴ Embere z'ishengero mubayereke oku obuzigire bwinyu bunali bo,n'oku obwikubagire rhumugwerekwo burhali bwa busha.