¹ N"ebiyerekire ogo mukolo gw'okurhabala abo batakatifu,ntacirhamya nti namuyandikira kuligo. ² Bulya ntahabiri oku mubiduha,mwe ncikugira e Makedonia.Nababwizire okwi e Akaya yohe yacireganyize kurhenga mwaka njo.N'obushiru bwinyu bwatuzire banji. ³ Nmurhumirage abola bene wirhu,nti ly'okwo kulimba rhumulimbamwo kurhag'iba ntako muli okwo,lyo munaba mucirheganyize nk'oku naderhaga. ⁴ Erhi ab'e Makedonia bankayisha badusize barhagirhimana murhacirheganyizi enshonyi zirhugwarhe ntagiderha nti mwe muli obwola bulangalire. ⁵ Ntanyize okubishinganine ntume bene wirhu banshokolere emwinyu,barheganye erya nshololo yinyu mwalaganyagya,eyorhe eri nteganye,enabe nshololo y'okuli,ci karhabaga kantu kabujinisi. ⁶ K'engeri:orhwera binyi,binyi anasarula;n'orhwera binji,binji,anasarula. ⁷ Ngasi muguma ahane nkoku omurhima gwaga gumubwizire;arhahanaga nk'okuli burhe,nakandi erhi nkosezibwe;bulya Nnamahanga azigira ohana anashagalusire. ⁸ C'aba Nnamahanga anahashimushoboza enshokano za ngasi lubero,lyo mubona ebimu kwanine muli byoshi na ngasi mango,munabulisigaza ebi mwajiramwo ngasi mukolo mwinja. ⁹ Ntyo kwo biyandisirwe,mpu: ''Agabire aminja gage,ashoboza abakenyi;obushinganyanya bwage buli bwa amango goshi.'' ¹⁰ Olya oha omuhinzi eburho n'ecijumbu alya,amuha ninyu emburho erhali nyi,anayunjuze,anamuyushulire amalehe g'obushinganyanya bwinyu. ¹¹ Ntaho murhacigalirobwo munakolaga mwabona oku mwankarhabala abandi omu ngasi kantu,nantyo Nnamahanga avungwe omunkwa oku bulagizi bwirhu. ¹³ Oburhabale bwinyu bukalaga bwa bazibula amasu,bagashanize Nnamahga kulya kuba mwayemire okuyerekana Emyanzi ya kalembe ya Kristu buzira kuyibera nshonyi,nabulya murhajiraga bujinisi omu kubarhabala n'omukurhabala boshi. ¹⁴ N'okushenga bamushegera kuyerekine oku bwenene bamurhonya,bulya enshokano Nnamahanga amushobozize eri nnyinji bwenene. ¹⁵ Nnamahanga akonkwa oku nskokano yage erhaderhwa!