V 1 Hoshiaho,obula rhugwerhe eciragane ca beneco,bira bani,rhucikulekwo ngasi izinga ly'omubiri erhi ly'omurhima rhuyukirize omukolo gw'okujira bimana omukuyoboha Namahanga. ² Murhuhe ecihando omu mirhima yinyu!Ntaye rhwalenganyize,rhurhahombyga ndi,ntaye rhwalire hyage. ³ Ntadesire ntyo nti nmuyagirize.Kantarenziri mubwira oku muli omu mirhima yirhu omu kufa n'omu kulama. ⁴ Kurhali kunyi ncimwikubagire;mwe munali bukuze bwani bunene.Ourhima gwani gurhulwire;nyujwire bushagaluke omu malibuko girhu goshi. ⁵ Bulyala erhi rhuhika e Makedonia rhurha derhaga ciru mpu omu biri ogu gwamarhamuka.ci ntakwo rhurhalibukaga embuga entambala endala coba. ⁶ ci Nnamahanga orhuliza bazamba arhurhuliza omukuyisha kwa Tito. ⁷ Anarhali omu kuhika kwage mwone ci n'omuburhulirize abwine ekarhi kinyu.Arhubwizire olwifinjo lwinyu.oburhe muli,n'obushirhu bwinyu kuli nye,nantyo nasima bwenene kulusha. ⁸ Ciru akaba namujijire burhe n'amaruba gani,nagayiri.n'ankaba nalirirhazirigaya.mbwine oku ago maruba gali gamujizire burhe,ciru akaba hyali hizanzi hitya. ⁹ Buno nkolaga nsimire,arhali okwenge bwali burhe,cikulya kuba obwo burhe bwarhumire mwaciyunjuza.Bulya oburhe mwali bwa kuli Nnamahanga,na ntyo nta kantu kabi rhwamujirire. ¹⁰ Neci,oburhe bwakuli Nnamahanga kulera bulera obuciyunjuze,ci oburhe bw'igulu lyohe lufu bulerha. ¹¹ Loli ninyu mwene eci obwo burhe bwa kuli Nnamahanga bwamudwirhire.Loli bukobedu bunganaci harhali hoshiaho.Loli kurhi mwacihanganyire mpu muciseze,loli burhe bunganaci,loli bwoba bunganaci,loli buhane bunganaci?Muli ebyo byoshi mwayerekine oku muli beru__kweru mw'olwo lubanja. ¹² N'akabaga na muyandikire,arhali olya wagayisagya ye warhumire,arhali olya wabagayisagya.Kwali kuderha nti oku obukobedu bwinyu kuli rhwe bubonekane embere za Nnamahanga. ¹³ Okwola kwarhurhulirize.Okwo kurhulizibwa kwirhu kwanacija kwo ubusime bulushire bwenene,erhi rhubona Tito asimire,bulyala mweshi oku munali mwamurhumire omurhima gwage gwadekerera. ¹⁴ N'akaba omu masu gage hali oku nacisimire erhi mwe murhuma,ntakubera nshonyi.ci nka kulyala rhwamubwiraga byoshi okubinali,ntyo n'okusima kwirhu kuli Tito kwayishirigiba kwa kunali. ¹⁵ N'obuzigire bwage kuli mwe bukola bulushisize akakera obunvi bwinyu mweshi,n'oku mwamuyankiriraga munayobohire munadwirhe mwageramwo omusisi.Nsimire obula omugasi hyoshi nanacimwikubagira mw'oyo.