¹ Akaba kukwanine rhucikuze,ci kunali kurhamira busha.Cikwone nkalaga naderha n'oku Nnahano abonekeraga n'oku afululiraga. ² Nyishi omuntu muli Kristu hamagera myaka ikumi n'inni oyo__erhi ali hesire omubiri erhi arhali omu mubiri, ntishi,Nnamahanga amanyire__bamubalalana omu malunga,bamuhisa omu mpingu za kasharhu. ³ Nyishi oku oyo muntu__erhi ali ahesire omu biri,erhi arhagulimwo,ntishi,Nnamanga yene amanyire___ ⁴ Bamubalaline omu paradizo,ayunva ebinwa birhankaderhwa,ebyayunvirhe omuntu arha yemerirwi oku biderha. ⁵ Oyo muntu,neci nanamulinbira.ci nie niehe ntankalinbira oburhali buzanba bwani. ⁶ Nkalonzagya okucikuza,lirhankabire isirhe,bulya ntakadesire ebirhali by'okuli.Cinalekera aho,hakanajira owacinyekebwa muklu kulusha oku abwine ndi,kandi erhi okuayunva naderha. ⁷ Ly'obukulu bw'ebyo banfululiraga burhagirhuma nacibona,banpeba akabo omu mibiri,kali nka ntumwa ya Shetani ekazintinba ebifundo. ⁸ Kasharhu namahuna Nnahano erhi okwola kwokurhuma,nti amutenzekwo. ⁹ Naye abwira erhi,"olukogo lwani lurhakunyihiri,bulya obuhashe bwani omu buzanba mwo buciyerekana".Nkolaga nsimire okulinbira obu zanba bwani,ly'obuhashe bwa Kristu buberamwo. ¹⁰ Okwola kwokurhuma nshagaluka erhi Kristu orhuma omu bijaci,omu malibuko,omu kurhindibuzibwa n'omu burhe.bulya amago ndi muzaba,lyo nba muzibu. ¹¹ Kantabirage musirhe!Mwe mwarhumire,kali singa mwe mwali mwankunga.Bulya ntaco ndi ndushirwe n'abo bali ntumwa nkulu,ciru nkaba ntali cici. ¹² Ebiyerekana oku ndi ntumwa mwabibwine ekarhi kinyu okulenbera ngasi malibuko,ebimanyiso n'ebisomerine n'ebirhangaza. ¹³ Ezindi Ishengero bici zahabirwe murhahabagwa,aha nyuma ly'okuba nie ono ntamuzidoheraga?Nmubabalire okwola kubiha namubihire! ¹⁴ Sinzi!Bukola bwa kasharhu obu ncirheganyize okuja emwinyu,ntamuzidoherhe,arhali abana bo babikira ababusi,ci ababusi bobabikira abana babo. ¹⁵ Niehe nnozize oku hana byoshi n'oku cihana niene nieshi__nieshi erhi mwe murhuma.Bulya nmusima kulusha,ka kukwanine nmusime hinyi? ¹⁶ Ci kube ntyo,niono ntamuzidoherhaga.ci,kulya kuba nali mwenguza,namugwarhirha omu bwenge. ¹⁷ Ewe,kanabwine obunguke emwinyu haguma n'olya muguma wa balya bantu narhumaga emwinyi? ¹⁸ Nayinginga Tito nanamurhuma bon'olya mwene wirhu.Ka Tito amuyungukirekwo?Karhali njira nguma rhwalimwo?muguma akula okugulu aha owundi akuhebe ho? ¹⁹ Kurhenga mira mucikebwa mpu kusanba rhusanba embere zinyu?Embere za Nnamahanga rhuderherha muli Kristu ebyo byoshi bene wirhu kuderha nti muje embere. ²⁰ Bulya nyobohire nti nkaba hano nyisha arhali oku nnozize mube kwo narhigana muyosire.nti ninyu mwa nkarhimana nyosire oku murhalonzizi mbe,nti nankarhimana mulimwo enongwe,obwagalwa,omungo,orhudali,okuderhana kubi,okuhuranana,obucibone n'akavulindi. ²¹ Nyobohire nti amango nashubira eyo,Nnamahanga wani akanabonesa enshonyi embere zinyu,nti hakanajira banji nalakira bajizire ebyaha,banabula bwaciyunjuza oku bijiro byabo by'okubi by'okuhusha n'ebyokukala enshonyi.