¹ Acibaga mwakanzigira nasiraha hitya.Caba mwandembera. ² Bulyala okuyagala munyagire kuli kuyagalwa kwa Nnamahanga.Kulya kuba namuhire mulume muguma yenene,nti nderhere Kristu omubikira ocire. ³ Cikwone nnyobohire bwenene nti ekengero zinyu zankasherera zinacikule omubwimana bwa Kristu,nka kulyala enjoka yarheba Eva n'obwenguhuza bwayo. ⁴ Bulya erhi hankajira owayishimuyigiriza owundi Kristu okuleka olya rhwamuyigirizagya,erhi kwankaba kuhabwa owundi Muka okuleka olya rhwahabagwa,nakandi eri yindi myanzi ya kalembe okuleka erya mwayankiriraga,murhayiyemiri,mujijire bwinja okumshibiriira. ⁵ N'obwo ncikebirwe nti ezo <> ntaco zindushire. ⁶ N'akaba nta bulenga bw'ekanwa njira,obumanyi bwoki ntabuziri muli byoshi n'embere za boshi rhwamuyeresirekwo. ⁷ Kakubiha nabihirage erhi nyunama nti munengeze?Nmuyigiriza Emyanzi y'akalembe ka Nnamahanga buzira kuhuna kantu. ⁸ Zindi Ishengero nanyazire,zo zampire oburhabale oku mukolo gwani ekarhi kinyu. ⁹ N'obwola nali emwinyu ntagwerhi bici,ntazidoheraga ndi,bene wirhu bahubukaga e Makedonia bo bampire ebi nalindagirirekwo.Muli byoshi nacilanga nti ntagimuzidohera,nanacilaga. ¹⁰ Okuli kwa Kristu kundimwo kwo ndahire,ako kalimbiriro kani ntaye wankakulamo omu cihugo ce Akaya. ¹¹ Bulya gurhi?Ka mpu bulya ntamusima?Nnamahanga yene yemanyire. ¹² Okunyorha njira,nashubikujira,lyo batwira omu myanzi balya bakazilonza aha bankalimbira mpu bayumanana nirhu. ¹³ Bulya abantu bamene abo ziri ntumwa za bunyesi,bakozi b'endyalya bakazicihundula ntumwa za Kristu. ¹⁴ N'okwo kurhanka someza ndi,bulya Shetani naye anacihindule Malaika wa kamole. ¹⁵ Kusiga kurhali kudarhi abaganda bage nabo bacihindule ntumwa za bushinganyanya.Ci obuzinda bwabo kwonabo bwanaba nk'ebijiro byabo. ¹⁶ Nashubiderha la:harhabaga owaderha mpu ugwerwe n'isire.namukaderha yemeragi nbe musire lyonani nba nka nacikunga hitya. ¹⁷ Oku nkolaga naderha nakuderhe oku bwa Nnahano,ci nkakula omusire anaba,eri nnamanyire bwinja oku gwerhe ebyankalimbirwa. ¹⁸ Kulya kuba bandi banji bacikunga kwa mubiri,kani ntacikunga. ¹⁹ Bulya mushibirire ebihwinja okumwishigwe,bulya mwehe mwene muli benge. ²⁰ Neci,bamujijire banja,munacihulikire;bakamulya babishi,munacihulikire;banamunyage,banamunyaguze,bamuhe ciru n'omulimba omu irhama,murhanacidunde. ²¹ Nkudesire nti lyo nshonyi zimugwarha.Nakaba kwo mumanya mpu rhurhali balume. ²² Bali Bayahudi nani ndi ye.Bali baku buko bwa Ibrahimu;ci nani. ²³ Bali baganda ba Kristu? lero nkalaga naderha nka musire,niono balushire.Nbalushire omukuluza emikolo,omukushwekwa kanjikanji omukushurhwa okurhalusize ulugero.Kanga nalinzirifa? ²⁴ Karhanu koshi nashurhwa n'Abayahudi erya mikoba makumi asharhu na mwenda. ²⁵ Empimbo nazishusirwe kasharhu;nabandwa amabuye liguma;nazika omu nyanja kasharhu nashinga mulegerege muguma na budufu buguma omu ndalala ly'enyanja. ²⁶ Kanjikanji erhi omu njira ndi;enyishi zampusha;omubizibu by'abashumusi;naliziyirhwa nab'enewirhu; abapagani bampusha,nalizifira omucishagala,omuirungu niene niene;enyanja yalizi mpeka,naliziyirhwa n'endyalya mpu benewirhu. ²⁷ Mbalushire omu kukola n'omu kurhama,kanjikanji nalasire ntanahebiri olukohe oku lundi,ishali n'enyorha,okucishalisa kanjikanji,okuyayula n'okubula eci nacibwika. ²⁸ Ntadesiri n'okundi...Ngasi lusiku erhi omurhima gukagalire erhi meshengero goshi garhuma. ²⁹ Ndi obo ngonyo nkanabula bwagonyala nani?Ndi ohirima,nkanabula bwayunva nbabire bwenene? ³⁰ Akabaga kwobadesire mpu rhucikuze,niehe buzamba bwani nalimbira. ³¹ Nnahamanga y'Ishe wa Nnawirhu Yesu,olya okayagirwa ensiku n'amango arhahabiri oku ntanywerha. ³² Edamaski,omurhambo wa mwami Areta arhegeka mpu balange olugo lw'e Damaski lyo bangwarha. ³³ Omu cirhimbiri banpebire,bacigeza ah'idirisha,banyandagaza oku cibanbazi nantyo namurhulubuka omu nfune.