¹ Bukola bwa kasharhu obula nja emwinyu."Ngasi lubanja lukatwibwa oku cinwa ca bahamirizi babiri erhi basharhu." ² Nakubwizire balya bajizire ebyaha burhanzi nakubwira n'abandi boshi nnaba nanashubikuderha kandi ene ntabalimwo,nkakulya najiraga erhi ndi eyo bwa kabirhi.naciziri kuderha:Nkashubira eyo,lero ntabe bwonjo. ³ Nkaba mulonzize mubone oku Kristu odwirhe aderhera omu kanwa kani.Yehe erhaba ngonyo embere zinyu,ci ajira obuhashe mulimwe. ⁴ Abanbiragwa oku musalaba erhi kugonyala kurhuma,ci azine okubuhashe bwa Nnamahanga.Na nirhu rhuli ngonyi muli ye,ci rhwayishiyorha rhuzine haguma naye oku buhashe bwa Nnamahanga muli mwe. ⁵ Ninyu mwene mubage nka mwagerereza,mulole erhi munali omu bwemere.Mucigere mwene.Kaninyu mwene murhamanyiri oku Yesu Kristu amulimwo?Kabaga erhi muli mihera. v 6 Ahali nkaba mwamanya oku rhwehe rhurhali mihera. ⁷ Rhudwire rhwashenga Nnahanga amurhabale murhajiraga okubi,arhali kuderha nti lyo babona oku rhuyazize,ci kuderha nti lyo mwoyo mujira okwinja,rhube rhwe rhu yaga. ⁸ Bulyala rhurhagwerhi obuhashe bwo kulwisa okuli,ci bwa kulwira okuli bwone rhujira. ⁹ Kobinali rhusima rhwone rhube ngonyo ninyu mube bazibu.Kwo rhunahunokwo omu mahuno girhu okwo mpu mube bimana. ¹⁰ Cocirhumire nayandika nandi kuli eco,nti lyo hano nba nkola muliho ntagikaliha omubuhashe Nnahano anpaga mpu nyubake,ci arhali mpu nshabe. ¹¹ Ntyo, bene wirhu, mushagaluke!Muciseze okuba bimana,muhanane omurhima,muyunvanye,mube n'omurhula.Na Nnamahaga w'omurhula aba ninyu. ¹² Mulamusanye oku hinyunyugurho hicire. ¹³ Abazirishembo boshi bamulamusize. ¹⁴ Olukogo lwa Nnahano Yesu Kristu,n'obuzigire bwa Nnamahanga,n'olushagi lwa Muka Muzirishembo bibe nanyu mweshi.